Kingdom Collections : రెండు రోజుల్లో హాఫ్ సెంచ‌రీ కొట్టిన విజ‌య్‌.. కింగ్‌డ‌మ్‌ క‌లెక్ష‌న్స్ ఎంతంటే..?

Kingdom

గౌత‌మ్ తిన్న‌నూరి ద‌ర్శ‌క‌త్వంలో హీరో విజ‌య్ దేవ‌ర‌కొండ న‌టించిన చిత్రం కింగ్‌డ‌మ్‌. భాగ్య శ్రీ బోర్సే కథానాయిక న‌టించిన ఈ చిత్రం ప్ర‌పంచ వ్యాప్తంగా గురువారం (జూలై 31న) ప్రేక్ష‌కుల ముందుకు వ‌చ్చింది. తొలి ఆట నుంచే పాజిటివ్ టాక్‌ను సొంతం చేసుకుంది. ఈ క్ర‌మంలో బాక్సాఫీస్ వ‌ద్ద క‌లెక్ష‌న్ల సునామీ సృష్టిస్తోంది.

రెండు రోజుల్లో ఈ చిత్రం ప్ర‌పంచ వ్యాప్తంగా 53 కోట్ల గ్రాస్ వ‌సూళ్ల‌ను సాధించింది. ఈ విష‌యాన్ని ఓ స్పెష‌ల్ పోస్ట‌ర్ ద్వారా చిత్ర బృందం తెలియ‌జేసింది. తొలి రోజు ఈ చిత్రం 39 కోట్ల గ్రాస్ వ‌సూళ్ల‌ను సాధించిన సంగ‌తి తెలిసిందే. ఇక నేడు శ‌నివారం, రేపు ఆదివారం కావ‌డంతో ఈ రెండు రోజుల్లో క‌లెక్ష‌న్లు మ‌రింత‌గా పెరిగే అవ‌కాశం ఉన్న‌ట్లు సినీ విశ్లేష‌కులు అభిప్రాయ‌ప‌డుతున్నారు.

Anasuya Bharadwaj : ‘చెప్పు తెగుద్ది..’ అంటూ అన‌సూయ స్ట్రాంగ్ వార్నింగ్‌.. వీడియో వైర‌ల్‌

ఈ చిత్రాన్ని శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్ పతాకాలపై సూర్యదేవర నాగ వంశీ, సాయి సౌజన్య సంయుక్తంగా నిర్మించారు. రాక్ స్టార్ అనిరుధ్ ర‌విచంద‌ర్ సంగీతాన్ని అందించారు. స‌త్య‌దేవ్, వెంక‌టేష్ కీల‌క పాత్ర‌ల్లో న‌టించారు.