BJP Leader Subhadeep Mishra dead
West Bengal BJP Leader Dead : పశ్చిమ బెంగాల్‌లో బీజేపీ నేత మృతి చెందారు. మహిళతో పారిపోయినందుకు హత్య చేశారని అతని కుటుంబం చెబుతున్నప్పటికీ, బీజేపీ దీనిని రాజకీయ హత్యగా పేర్కొంది. పశ్చిమ బెంగాల్‌లోని బంకురా జిల్లాలోని నిధిరాంపూర్ గ్రామంలో బుధవారం 26 ఏళ్ల స్థానిక బీజేపీ నాయకుడు శుభదీప్ మిశ్రా శవమై కనిపించాడు. శుభదీప్ మిశ్రా అలియాస్ దీపు ఈ ఏడాది ప్రారంభంలో బీజేపీ టిక్కెట్‌పై పంచాయతీ ఎన్నికల్లో పోటీ చేశారు.
గత ఏడు రోజులుగా మిశ్రా కనిపించకుండా పోయారని అతని కుటుంబ సభ్యులు తెలిపారు. అతని మృతదేహం గ్రామంలోని చెట్టుకు చేతులు కట్టేసి వేలాడుతూ కనిపించినట్లు సమాచారం. మృతుడి కుటుంబ సభ్యుడు సుమన్ దూబే మాట్లాడుతూ మిశ్రా పొరుగున ఉన్న వివాహితతో వివాహేతర సంబంధం కలిగి ఉన్నారని, ఆమె కుటుంబ సభ్యులు అతన్ని చంపేస్తామని బెదిరించారని చెప్పారు.
Encounter : జమ్మూ కాశ్మీర్‌లో ఎన్‌కౌంటర్‌…లష్కరే తోయిబా ఉగ్రవాది హతం, కొనసాగుతున్న గాలింపు
‘గత మంగళవారం దీపు మహిళతో కలిసి పారిపోయాడు. అతను నిధిరాంపూర్‌కు తిరిగి వస్తే చంపేస్తానని మహిళ కుటుంబ సభ్యులు బెదిరించారు. ఈరోజు అతడి మృతదేహం లభ్యమైంది. దీపును ఆ మహిళ కుటుంబీకులే హత్య చేసి ఉంటారని నమ్ముతున్నాం. ఆ మహిళ అతనితో ఇష్టపూర్వకంగా పారిపోయింది. తనతో రమ్మని దీపు ఆమెను బలవంతం చేయలేదు. ఇది పూర్తిగా ముందస్తు ప్రణాళికతో జరిగిన హత్య’ అని కుటుంబ సభ్యులు పోలీసులకు ఫిర్యాదు చేశారు.
ఈ ఘటనపై కేసు నమోదు చేసుకుని దర్యాప్తు చేపట్టామని బంకురా జిల్లాలోని సీనియర్ పోలీసు అధికారి తెలిపారు. మృతదేహాన్ని పోస్ట్‌మార్టం కోసం ఆస్పత్రికి పంపించామని పేర్కొన్నారు. మృతదేహాన్ని స్వాధీనం చేసుకునేందుకు పోలీసులు సంఘటనా స్థలానికి చేరుకోగా, సాల్తోరా అసెంబ్లీ నియోజకవర్గానికి చెందిన స్థానిక బీజేపీ ఎమ్మెల్యే చందనా బౌరి నిరసన తెలిపారు. మృతదేహాన్ని అధికారులకు అప్పగించడానికి నిరాకరించారు.
Spider Bite : ఓ మై గాడ్.. సాలీడు కుట్టడంతో సింగర్ మృతి, అసలేం జరిగిందంటే..
మృతదేహాన్ని తీసుకెళ్లకుండా పోలీసు వాహనం ముందు ఎమ్మెల్యే చందనా బౌరీ పడుకున్నారు. అధికార తృణమూల్ కాంగ్రెస్ (టిఎంసి)కి చెందిన గూండాలు మిశ్రాను హత్య చేశారని రాష్ట్ర అసెంబ్లీలో ప్రతిపక్ష నాయకుడు సువేందు అధికారి ఆరోపించారు. ఈ ఘటనపై సెంట్రల్ బ్యూరో ఆఫ్ ఇన్వెస్టిగేషన్ (సీబీఐ) విచారణ జరిపించాలని బీజేపీ నేత డిమాండ్ చేశారు. తనకు పెరుగుతున్న ప్రజాదరణ, ప్రభుత్వ అవినీతిని వ్యతిరేకించడాన్ని జీర్ణించుకోలేక టీఎంసీ తనను చంపిందని సువేందు అధికారి సోషల్ మీడియా పోస్ట్‌లో చేశారు.
