Delhi Nightlife: దేశ రాజధాని ఢిల్లీ వాసులకు ఇకపై నైట్ లైఫ్ మరింత కిక్ ఇవ్వనుంది. ఇరవై నాలుగు గంటలూ రెస్టారెంట్లు, బార్లు తెరిచి ఉంచేందుకు ప్రభుత్వం అనుమతించింది. అయితే, బార్లు, రెస్టారెంట్లు అన్ని చోట్లా 24 గంటలు తెరిచే అవకాశం లేదు. 5 స్టార్, 4 స్టార్ హోటళ్లలో మాత్రమే దీనికి అనుమతి ఉంటుంది.
అది కూడా హోటల్‌లోని ఏదైనా ఒక్క రెస్టారెంట్, బార్ మాత్రమే తెరిచి ఉంచాలి. అలాగే ఎయిర్‌పోర్ట్, రైల్వే స్టేషన్లు, ఐఎస్‌బీటీ పరిధిలోని రెస్టారెంట్లు, బార్లు కూడా 24 గంటలూ తెరిచే ఉంటాయి. ఇక 3 స్టార్ హోటల్స్‌లో రాత్రి రెండు గంటల వరకు తెరిచి ఉంచొచ్చు. మిగతా చోట్ల బార్లు, రెస్టారెంట్లు అర్ధరాత్రి ఒంటి గంట వరకు మాత్రమే తెరిచి ఉంచే ఛాన్స్ ఉంటుంది. జనవరి 26 నుంచి ఈ నిబంధన అమల్లోకి వచ్చే ఛాన్స్ ఉంది. ఢిల్లీ లెఫ్టినెంట్ గవర్నర్ ఈ అంశంపై గత నవంబర్‌లో ఒక కమిటీ ఏర్పాటు చేశారు. ఈ కమిటీ సూచన మేరకు ఈ నిబంధన అమలు చేయనున్నారు. అయితే, ఈ ప్రతిపాదనను నేషనల్ ఇన్ఫర్మాటిక్స్ సెంటర్‌కు పంపుతారు.
Mahabubabad: లారీపై నుంచి ఆటోపై పడ్డ గ్రానైట్ రాయి.. ఆటోలోని ముగ్గురు ప్రయాణికులు మృతి
అక్కడ తగిన మార్పులు, చేర్పులు చేశాక దీన్ని కేంద్ర హోం శాఖ అనుమతికి పంపిస్తారు. ఈ శాఖ నుంచి అనుమతి లభిస్తే, త్వరలోనే ఈ కొత్త రూల్ అందుబాటులోకి రానుంది. ఈ రూల్ అమలు చేయాలంటే పాటించాల్సిన నిబంధనలు, మార్గదర్శకాలకు కేంద్ర హోం శాఖ అనుమతించాలి. లైసెన్స్‌ల జారీలో పాటించాల్సిన నిబంధనలు, అనుమతుల మంజూరు వంటి అంశాల్ని పరిగణనలోకి తీసుకుని ఈ కొత్త రూల్ అమలు చేస్తారు.
