Pujari
Gangster Suresh Pujari : మోస్ట్వాంటెడ్ గ్యాంగ్స్టర్ సురేశ్ పూజారిని మంగళవారం రాత్రి ఫిలిప్పీన్స్ నుంచి భారత్కు తీసుకొచ్చారు అధికారులు. ఆ తర్వాత మహారాష్ట్ర తీవ్రవాద నిరోధక బృందం తమ కస్టడీలోకి తీసుకుని ముంబయికి తరలించింది. మహారాష్ట్ర, కర్ణాటకలో నమోదైన పలు దోపిడీ కేసుల్లో 15 ఏళ్లుగా పరారీలో ఉన్నాడు సురేశ్ పూజారి.
మహారాష్ట్ర, కర్ణాటకలో పలు దోపిడీ కేసుల్లో మోస్ట్ వాంటెడ్, 15 ఏళ్లుగా పరారీలో ఉన్న గ్యాంగ్స్టర్ సురేశ్ పూజారిని మంగళవారం రాత్రి ఫిలిప్పీన్స్ నుంచి ఢిల్లీకి తీసుకొచ్చారు అధికారులు. ఢిల్లీకి తీసుకొచ్చిన తర్వాత మొదటగా.. ఐబీ, సీబీఐ అధికారులు తమ కస్టడీలోకి తీసుకున్నారు. ఆ తర్వాత మహారాష్ట్ర తీవ్రవాద నిరోధక బృందం(ATS) సురేశ్ పూజారిని తమ కస్టడీలోకి తీసుకుంది. అక్కడి నుంచి బుధవారం ఉదయం ఫ్లైట్ లో ముంబైకి తీసుకొచ్చారు.
పూజారిని బుధవారం ఉదయం ఏటీఎస్ థానేలోని చీఫ్ జ్యుడీషియల్ మెజిస్ట్రేల్ కోర్టు ముందు హార్చగా.. కళ్యాన్ లోని ఫౌలే పోలీస్ స్టేషన్ లో నమోదైన దోపీడీ కేసులో డిసెంబర్25వరకు అతడిని ఏటీఎస్ రిమాండ్ కు అప్పగించింది కోర్టు.
కాగా,15 ఏళ్లుగా పరారీలో ఉన్న పూజారిని గత అక్టోబర్లో ఫిలిప్పీన్స్లో పట్టుకున్నారు. ఒక్క థాణెలోనే అతనిపై 23 దోపిడీ కేసులు నమోదయ్యాయి. గ్యాంగ్స్టర్ రవి పూజారికి..సురేశ్ పూజారి అత్యంత దగ్గరి బంధువు. 2007లో అతని నుంచి వేరుపడి సొంతగా గ్యాంగ్ను ఏర్పాటు చేసుకుని నేరాలకు పాల్పడ్డాడు. అండర్వరల్డ్ డాన్ చోటా రాజన్తోనూ కలిసి పని చేశాడు. ముంబై, ఠాణె, కళ్యాన్, ఉల్హాస్నగర్, దోంబివలిలో నమోదైన పలు దోపిడీ కేసుల్లో పూజారి మోస్ట్వాంటెడ్. ఈ క్రమంలో 2017, 2018 రెడ్ కార్నర్ నోటీసులు ఇచ్చారు ముంబై,థానే పోలీసులు. మహారాష్ట్ర డీజీపీ ఆదేశాల మేరకు.. ఠాణెలో పూజారిపై నమోదైన కేసులన్నింటినీ రాష్ట్ర ఏటీఎస్కు బదిలీ చేశారు.
