Jipmer
Jipmer : జవహర్‌లాల్‌ ఇన్‌స్టిట్యూట్‌ ఆఫ్‌ పోస్ట్‌ గ్రాడ్యుయేట్‌ మెడికల్‌ ఎడ్యుకేషన్‌ అండ్‌ రీసెర్చ్‌ లో ఒప్పంద ప్రాతిపదికన సీనియర్ రెసిడెంట్ల నియామకానికి నోటిఫికేషన్ జారీ చేశారు. అర్హులైన అభ్యర్ధుల నుండి దరఖాస్తులు కోరుతున్నారు. పుదుచ్చేరి, కరైకల్‌ కేంద్రాల్లో ఈ ఖాళీలు ఉన్నాయి. మొత్తం 58 ఖాళీలను ఈ నోటిఫికేషన్ ద్వారా భర్తీ చేయనున్నారు. పుదుచ్చేరిలో 40, కరైకల్‌లో 18 ఖాళీలు ఉన్నాయి.
అనెస్థీషియాలజీ అండ్‌ క్రిటికల్‌ కేర్‌, అనాటమీ, బయోకెమిస్ట్రీ, డెంటిస్ట్రీ, డెర్మటాలజీ, ఎమర్జెన్సీ మెడిసిన్‌, ఈఎన్‌టీ, ఫోరెన్సిక్‌ మెడిసిన్‌ అండ్‌ టాక్సికాలజీ, జనరల్‌ మెడిసిన్‌, జనరల్‌ సర్జరీ, జీరియాట్రిక్‌ మెడిసిన్‌, నియోనాటాలజీ, గైనకాలజీ, ఆప్తల్మాలజీ, ఆర్థోపెడిక్స్‌, పీడియాట్రిక్స్‌, పాథాలజీ, ఫార్మకాలజీ, ఫిజికల్‌ మెడిసిన్‌ అండ్‌ రిహెబిలిటేషన్‌, ఫిజియాలజీ, ప్రివెంటివ్‌ అండ్‌ సోషల్‌ మెడిసిన్‌, పల్మనరీ మెడిసిన్‌, రేడియేషన్‌ అంకాలజీ, రేడియో డయాగ్నసిస్‌ వంటి విభాగాల్లో ఈ ఖాళీలు ఉన్నాయి.
అభ్యర్ధులు అర్హత విషయానికి వస్తే సంబంధిత స్పెషలైజేషన్‌తో ఎండీ, ఎంఎస్‌, డీఎన్‌బీ పూర్తిచేసి ఉండాలి. అభ్యర్థుల వయసు 2022 జనవరి 31 నాటికి 45 ఏళ్లు మించకూడదు. కంప్యూటర్‌ బేస్డ్‌ టెస్ట్‌, ఇంటర్వ్యూ ద్వారా అభ్యర్థులను ఎంపిక చేస్తారు. పరీక్ష సమయం గంట కేటాయిస్తారు. ఇందులో 40 ఆబ్జెక్టివ్‌ టైప్‌ ప్రశ్నలు ఇస్తారు. ఈ టెస్ట్‌కి 80, ఇంటర్వ్యూకి 20 మార్కులు కేటాయించారు.
మూడేళ్ల పాటు సీనియర్ రెసిడెంట్ హోదాలో ఒప్పంద ప్రాతిపదికన కొనసాగుతారు. ఆన్‌లైన్‌ దరఖాస్తుకు చివరి తేదీ డిసెంబరు 14గా నిర్ణయించారు. డిసెంబరు 21 నుంచి హాల్ టికెట్ డౌన్ లోడ్ చేసుకోవచ్చు. ఢిల్లీ, ముంబై, కోల్‌కతా, చెన్నై, పుదుచ్చేరిలలో పరీక్షా కేంద్రాలను ఏర్పాటు చేశారు. కంప్యూటర్‌ బేస్డ్‌ టెస్ట్‌ డిసెంబరు 26 తేదిన నిర్వహించనున్నారు. ఇంటర్వ్యూకి ఎంపికైనవారి జాబితా 2022 జనవరి 3న విడుదల చేస్తారు. ఇంటర్వ్యూలు 2022 జనవరి 10, 11లలో జరుగుతాయి. పూర్తి వివరాలకు వెబ్‌సైట్‌: www.jipmer.edu.in
