Hanuman Chalisa In UK Parliament: బ్రిటన్ పార్లమెంట్‌లో ఆధ్యాత్మిక ఘట్టం.. హౌస్ ఆఫ్ లార్డ్స్‌లో తొలిసారిగా హనుమాన్ చాలీసా పఠనం

Hanuman chalisa recited for first time at uk parliament house of lords during diwali

Hanuman Chalisa In UK Parliament: బ్రిటన్ పార్లమెంట్‌లోని ప్రతిష్టాత్మక హౌస్ ఆఫ్ లార్డ్స్ వేదికగా అత్యంత అరుదైన చారిత్రాత్మక ఘట్టం చోటుచేసుకుంది. లేబర్ ఏషియన్స్ సొసైటీ ఆధ్వర్యంలో నవంబర్ 9న నిర్వహించిన దీపావళి వేడుకల్లో భాగంగా పార్లమెంట్ ప్రాంగణంలో తొలిసారిగా హనుమాన్ చాలీసాను(Hanuman Chalisa In UK Parliament) అత్యంత భక్తిశ్రద్ధలతో పఠించారు. వెస్ట్‌మినిస్టర్ ప్యాలెస్‌లోని చోల్మోండేలీ రూమ్ అండ్ టెర్రస్‌లో జరిగిన ఈ వేడుకకు సంబంధించిన వీడియోలు నవంబర్ 11న సోషల్ మీడియాలో వైరల్‌గా మారాయి. బ్రిటన్‌లోని భారతీయ సంతతి ప్రజలతో పాటు పలువురు బ్రిటీష్ పార్లమెంట్ సభ్యులు, సామాజిక ప్రముఖులు ఈ ప్రత్యేక కార్యక్రమానికి పెద్ద సంఖ్యలో హాజరయ్యారు.

Jagga Reddy: సోనియా గాంధీ జీవితంపై భారీ మూవీ.. మాజీ ఎమ్మెల్యే జగ్గారెడ్డి సంచలన ప్రకటన!

శ్రావ్యమైన వాయిద్యాల నడుమ ఆలపన.. భక్తిపారవశ్యంలో మునిగెత్తిన ప్రతినిధులు:

హియర్ అండ్ నౌ 365 వ్యవస్థాపకుడు మనీష్ తివారీ నాయకత్వంలో, లేబర్ ఏషియన్స్ సొసైటీ పోషకుడు లార్డ్ ఉదయ్ నాగరాజు ఆతిథ్యంలో ఈ వేడుక అట్టహాసంగా సాగింది. తబలా, హార్మోనియం వాయిద్యాల దివ్యమైన నాదాల నడుమ శ్రావ్యంగా ఆలపించిన హనుమాన్ చాలీసా పఠనం వేడుకల్లో ప్రత్యేక ఆకర్షణగా నిలిచింది. దీపావళి అనేది కేవలం ఒక పండుగ మాత్రమే కాదని, వివిధ సంస్కృతులు, సమాజాల మధ్య సామరస్యాన్ని, ఐక్యతను చాటిచెప్పే వెలుగుల దివ్య దిశానిర్దేశమని ఈ సందర్భంగా మనీష్ తివారీ వ్యాఖ్యానించారు.

చెడుపై మంచి సాధించిన విజయానికి ప్రతీక.. లార్డ్ ఉదయ్ నాగరాజు వ్యాఖ్యలు:

ఈ ప్రత్యేక కార్యక్రమానికి విచ్చేసిన అతిథులను స్వాగతిస్తూ లార్డ్ ఉదయ్ నాగరాజు మాట్లాడుతూ.. చీకటిపై వెలుగు, చెడుపై మంచి సాధించిన విజయానికి దీపావళి పండుగ ప్రతీక అని పేర్కొన్నారు. బ్రిటన్ పార్లమెంట్ వేదికగా ఇటువంటి ఆధ్యాత్మిక, సాంస్కృతిక వేడుకను నిర్వహించడం తమ సమాజానికి ఎంతో గర్వకారణమని చెప్పారు. లేబర్ ఏషియన్స్ సొసైటీ బ్రిటన్‌లోని విభిన్న సమాజాల మధ్య ఐక్యతను, సోదరభావాన్ని పెంపొందించేందుకు నిరంతరం కృషి చేస్తోందని ఈ సందర్భంగా ఆయన స్పష్టం చేశారు.