కౌన్ బనేగా కరోర్ పతీలో బిగ్ బీకే షాక్ ఇచ్చిన బుడతడు

ప్రస్తుతం బిగ్ బీ హోస్ట్‌గా వ్యవహరిస్తోన్న కౌన్ బనేగా కరోడ్‌పతి 12వ సీజన్‌‌లో స్టూడెంట్స్‌ స్పెషల్‌ నిర్వహిస్తున్నారు. కేవలం విద్యార్థులకే ఎంట్రీ ఉన్న టైంలో పిల్లల్లా పిడుగులు వచ్చిపడ్డారు. తెలివితేటల్లో పెద్దవారికి ఏమీ తీసిపోవడం లేదని నిరూపించారు. సోమవారం ఏపిసోడ్‌లో గుజరాత్‌కు చెందిన అన్‌మోల్‌ శాస్త్రి ఫాస్టెస్ట్ ఫింగర్‌ ఫాస్ట్‌లో గెలిచి హాట్‌సీటులో కూర్చున్న తొలి కంటెస్టెంట్‌గా నిలిచాడు.

Amitabh Bachchan‌ ఎదురుగా.. హాట్‌సీటులో కూర్చున్న తర్వాత అన్‌మోల్‌ ఏ మాత్రం టెన్షన్‌ పడలేదు. రివర్స్‌లో Amitabh Bachchanనే ప్రశ్నలు వేస్తూ ఆశ్చర్యపరిచాడు. Amitabh Bachchanని దగ్గర నుంచి చూడగానే అన్‌మోల్‌ ఆనందంతో ఉక్కిరిబిక్కిరి అయిపోయాడు. చిన్నారికి వాటర్‌ ఇచ్చి.. హాట్‌సీటులో కూర్చొపెట్టిన అమితాబ్‌.. తర్వాత ప్రేక్షకులకు పరిచయం చేశాడు.

ఇదే సందర్భంగా మూడు కోరికల గురించి వెల్లడించాడు అన్‌మోల్. నోబెల్‌ ప్రైజ్‌ గెలవడం, రెండోది ప్రపంచంలోనే అత్యంత సంపన్న వ్యక్తిగా నిలవడం, మూడోది ఖగోళ భౌతిక శాస్త్రవేత్త కావాలని భావిస్తున్నట్లు తెలిపాడు. తనకు ఇష్టమైన శాస్త్రవేత్తలు ఏపీజే అబ్దుల్‌ కలాం, స్టీఫెన్‌ హాకింగ్‌ అని తెలిపాడు. ఈ షోలో గెలిచిన డబ్బుతో ఓ టెలిస్కోప్‌ కొంటానని చెప్పి ఆశ్చర్యపరిచాడు అన్‌మోల్‌.

ఫిదా అయిన Amitabh Bachchan‌ బుడతడికి ‘జిగ్యసు’ అని నిక్‌నేమ్‌ పెట్టాడు. అన్‌మోల్‌ 25 లక్షల రూపాయలు గెలిచాడు. 14 ఏళ్ల బుడతడు ఇంత పెద్ద మొత్తం గెలవడం అంటే సాధారణ విషయం కాదు. ఇక 20 వేల రూపాయల ప్రశ్నకు అన్‌మోల్‌ ఏమాత్రం తడబాటు లేకుండా వెంటనే సమాధానం చెప్పడంతో బిగ్‌ బీ ఆశ్చర్యపోయాడు. ఇక ఆ ప్రశ్న ఏంటంటే..

కామిక్‌ బుక్స్‌ ప్రకారం ఓ టీనేజర్‌ని రేడియోయాక్టివ్‌ సాలీడు కుడుతుంది. దాంతో మానవాతీత శక్తులు వచ్చి ఎత్తైన గోడల్ని అలవోకగా ఎక్కుతుంటాడు అని ప్రశ్నించాడు. ఆప్షన్ చెప్తుండగానే అన్‌మోల్‌ కరెక్ట్‌‌గా పీటర్ ‌పార్కర్‌ అని సమాధానం చెప్తాడు.

సూపర్‌హీరో పాత్రలు పోషించిన మిగతా హీరోల పేర్లు చెప్పడంతో అమితాబ్‌ షాక్‌ అవుతాడు. ఆ తర్వాత భవిష్యత్తులో అన్‌మోల్‌ వల్ల తన హోస్ట్‌ జాబ్‌కి ప్రమాదం ఉంటుందని సరదాగా కామెంట్ చేశాడు Amitabh Bachchan. ఇక రెండో ప్రశ్నకు 50-50 లైఫ్‌లైన్‌ వాడుకున్న అన్‌మోల్ మళ్లీ ఏడవ ప్రశ్నకు మూడవ లైఫ్‌లైన్‌ వాడుకున్నాడు. ఆ తర్వాత 25 లక్షల రూపాయల ప్రశ్నకు చివరి లైఫ్‌లైన్‌ వాడుకున్నాడు.

ఇక 25 లక్షల రూపాయల ప్రశ్న ఏంటంటే టెలిస్కోప్‌ సాయంతో గుర్తించిన మొదటి గ్రహం ఏది అనే ప్రశ్నకు అన్‌మోల్‌ తన చివరి లైఫ్‌లైన్‌ వాడుకుని సరైన సమాధానం యూరెనస్‌ అని చెప్తాడు. ఆ తర్వాత 50 లక్షల రూపాయల ప్రశ్నకు సమాధానం తెలియకపోవడంతో క్విట్‌ అయ్యాడు.