Nirmala Sitharaman ప‌న్నుదారుల సౌల‌భ్యం కోసం కొత్త త‌ర‌హా ఫీచ‌ర్ల‌తో ఆదాయ‌ప‌న్ను శాఖ సోమ‌వారం కొత్త వెబ్‌సైట్‌ను ప్రారంభించిన విషయం తెలిసిందే. అయితే ఆదాయపు పన్ను శాఖ కొత్త ఈ-ఫైలింగ్ పోర్టల్ లో అనేక టెక్నికల్ స‌మ‌స్య‌లు వ‌స్తున్న‌ట్లు పెద్ద ఎత్తున కంప్లెయింట్స్ వస్తున్న నేప‌థ్యంలో ఆ వెబ్‌సైట్‌ను స‌రిచేయాల‌ని, దాన్ని డెవ‌ల‌ప్ చేసిన ఇన్ఫోసిస్ ని కేంద్ర ఆర్థిక మంత్రి నిర్మలా సీతారామన్ ట్విట్టర్ ద్వారా కోరారు.
ఈ-ఫైలింగ్ పోర్ల‌ట్ 2.0ను గ‌త రాత్రి 8.45 నిమిషాల‌కు ప్రారంభించారని, త‌న ట్విట్టర్ అకౌంట్‌లో ట్యాక్స్ పేయ‌ర్స్ నుంచి ఫిర్యాదులు అందాయ‌ని, ఆ టెక్నికల్ స‌మ‌స్య‌ల‌ను ప‌రిష్క‌రించాల‌ని ఆర్ధిక మంత్రి కోరారు. ప‌న్నుదారులను ఇబ్బందిపెట్ట‌వ‌ద్దని, వీలైనంత త్వ‌ర‌గా ఆ స‌మ‌స్య‌ను ప‌రిష్క‌రించాల‌ని ఇన్ఫోసిస్ చైర్మన్ నంద‌న్ నిలేఖ‌నికి త‌న ట్వీట్‌ను ఆమె ట్యాగ్ చేశారు. ప‌న్నుదారుల‌కు ప్రాధాన్య‌త ఇవ్వాల‌ని నిర్మ‌ల సూచించారు.
