Asia Cup 2025 today match between Pakistan and Bangladesh in super 4
Asia Cup 2025 : ఆసియాక‌ప్ 2025 సూపర్-4లో భాగంగా బుధ‌వారం భార‌త్‌తో జ‌రిగిన మ్యాచ్‌లో బంగ్లాదేశ్ జట్టు ఓడిపోయింది. బంగ్లాపై గెల‌వ‌డంతో టీమ్ఇండియా ఈ టోర్నీ (Asia Cup 2025) ఫైన‌ల్‌లో అడుగుపెట్టింది.
మ‌రోవైపు శ్రీలంక జట్టు ఈ టోర్నీ నుంచి నిష్ర్క‌మించింది. ఇక మిగిలిన ఒక్క స్థానం కోసం పాకిస్తాన్, బంగ్లాదేశ్ జ‌ట్లు తీవ్రంగా పోటీప‌డుతున్నాయి. ఈ నేప‌థ్యంలో ఈ రెండు జ‌ట్ల మ‌ధ్య నేడు (గురువారం సెప్టెంబ‌ర్ 25) కీల‌క మ్యాచ్ జ‌ర‌గ‌నుంది.
Rohit Sharma : 10వేల గ్రాముల వెయిట్ త‌గ్గిన రోహిత్ శ‌ర్మ.. అభిషేక్ నాయ‌ర్ పోస్ట్ వైర‌ల్‌
సూపర్-4 స్టేజీలో బంగ్లాదేశ్, పాక్ జ‌ట్లు ఒక్కొ మ్యాచ్‌లో విజ‌యాన్ని సాధించాయి. చెరో రెండు పాయింట్ల‌తో స‌మానంగా ఉన్నాయి. అయితే.. బంగ్లాదేశ్ (-0.969) కంటే పాకిస్తాన్ (+0.226) నెట్‌ర‌న్‌రేటు మెరుగ్గా ఉంది. పాయింట్ల ప‌ట్టిక‌లో పాక్ రెండో స్థానంలో ఉండ‌గా, బంగ్లాదేశ్ మూడో స్థానంలో కొన‌సాగుతోంది. తొలి స్థానంలో ఉన్న భార‌త్ ఇప్ప‌టికే ఫైన‌ల్‌లో అడుగుపెట్టింది.
గురువారం దుబాయ్ వేదిక‌గా జ‌ర‌గ‌నున్న పాక్, బంగ్లాల మ‌ధ్య కీల‌క మ్యాచ్ జ‌ర‌గ‌నుంది. ఈ మ్యాచ్‌లో విజ‌యం సాధించిన జట్టు నేరుగా ఫైన‌ల్ అడుగుపెడుతుంది. ఓడిన జట్టు టోర్నీ నుంచి నిష్ర్క‌మిస్తుంది. భార‌త్ పై ఓడిపోయిన‌ప్ప‌టికి శ్రీలంక పై విజ‌యం సాధించ‌డంతో పాక్ జట్టు ఆత్మ‌విశ్వాసంతో ఈ మ్యాచ్‌లో బ‌రిలోకి దిగ‌నుంది. ముఖ్యంగా ఆ జట్టు స్టార్ పేస‌ర్ షాహిన్ షా అఫ్రిది ఫామ్ అందుకోవ‌డం ఆ జ‌ట్టుకు గొప్ప ఊర‌ట‌గా చెప్పవచ్చు.
Sunil Gavaskar : బంగ్లాదేశ్ పై తుఫాన్ ఇన్నింగ్స్‌.. అభిషేక్ శ‌ర్మ పై మండిప‌డిన సునీల్ గ‌వాస్క‌ర్‌..
మ‌రోవైపు బంగ్లాదేశ్ బ్యాటింగ్ విభాగం త‌డ‌బడుతోంది. గాయంతో కెప్టెన్ లిట‌న్ దాస్ భార‌త్‌తో మ్యాచ్‌కు త‌ప్పుకోవ‌డం కూడా ఆ జట్టు ఓట‌మికి గ‌ల కార‌ణాల్లో ఒక‌టిగా చెప్పవచ్చు. పాక్‌తో మ్యాచ్‌లోనైనా లిట‌న్ ఆడతాడా? లేదా ? అన్నదానిపై ప్ర‌స్తుతానికి స్ప‌ష్ట‌త లేదు.
చూడాలి మ‌రి ఈ మ్యాచ్‌లో గెలిచి ఆదివారం జ‌ర‌గ‌నున్న ఫైన‌ల్ మ్యాచ్‌లో భార‌త్‌తో ఎవ‌రు త‌ల‌ప‌డ‌తారో.
