Bcci Chief Medical Officer Abhijit Salvi Resigns Due To Personal Reasons
BCCI: కమల్ పాసి కొన్ని సీజన్‌ల క్రితం పంజాబ్ తరపున కొన్ని మ్యాచ్‌లు ఆడాడు.. రవికాంత్ సింగ్ కూడా అలాగే.. మన్జోత్ కల్రా.. ఈ ఆటగాళ్లందరూ U-19 ప్రపంచ కప్ విజేతలు అయినప్పటికీ కాలక్రమేణా వారి ప్రభావం క్రికెట్‌లో కనిపించలేదు. ఇప్పుడు ఇదే భారత క్రికెట్ నియంత్రణ మండలి (బీసీసీఐ) సీరియస్‌గా వ్యవహరిస్తోన్న అంశం.
ఇటువంటి ఆటగాళ్ల భవిష్యత్తును తీర్చిదిద్దేందుకు జాతీయ క్రికెట్ అకాడమీ(NCA) ’19 Plus'(19ఏళ్లు పైబడిన) ఆటగాళ్లతో ఓ విభాగం ఏర్పాటు చెయ్యాలని భావిస్తోంది. అండర్ 19 దాటిన తర్వాత కూడా అండర్-19 స్థాయి ఆటగాళ్లు క్రికెట్ వ్యవస్థలో భాగంగా కొనసాగేలా ప్లాన్ చేస్తుంది. భారత్ ఐదోసారి అండర్-19 వరల్డ్ కప్ గెలడంతో బీసీసీఐ ఈ కొత్త ఆలోచన చేస్తుంది. ఆటగాళ్లు కనుమరుగు కాకుండా ఓ విభాగం ఏర్పాటు చేయాలని భావిస్తోంది.
షేక్ రషీద్ (ఆంధ్రా), రవి కుమార్ (బెంగాల్), రాజ్ అంగద్ బావా (చండీగఢ్), యష్ ధుల్(ఢిల్లీ) ఇప్పటికీ తమ రాష్ట్ర జట్లకు ప్రాతినిధ్యం వహిస్తున్న ఆటగాళ్లు.. ప్రస్తుత భారతదేశం అండర్-19 జట్టు నుంచి చాలా మంది ఆటగాళ్ళు ఇలా ఉన్నారు. భారత దేశీయ వ్యవస్థ రాష్ట్ర స్థాయిలో అండర్-23 జట్లను కలిగి ఉంది, అయితే ఇది తరువాత అండర్-25కి మార్చబడింది. ఈ వర్గంలో ఇప్పటికే చాలా మంది పోటీదారులు ఉన్నారు.
బీసీసీఐ సీనియర్ అధికారి ఈ పరిస్థితిపై మాట్లాడుతూ, “భారత సీనియర్ జట్టు కోసం ఆటగాళ్లను అభివృద్ధి చేయడానికి జాతీయ క్రికెట్ అకాడమీ భవిష్యత్తులో ఐదు వ్యవస్థలపై పని చేస్తుంది. ప్రస్తుతం ఇది అండర్-16తో ప్రారంభమవుతుంది. ఆ తర్వాత అండర్-19, ఎమర్జింగ్ (నేషనల్ అండర్-23), గ్రూప్-A జట్టు.
కొత్త అండర్-19+ వయో విభాగం జట్టును ఏర్పాటు చేయాలని బోర్డు యోచిస్తుంది. తద్వారా 19 ఏళ్లు దాటిన అండర్-19(under-19) ప్రతిభావంతులు క్రికెట్ వ్యవస్థ పరిధిలో ఉండేలా జాతీయ క్రికెట్ అకాడమీ (NCA) పర్యవేక్షణలో వాళ్లు పురోగతి సాధించేలా చూడాలని ఆలోచిస్తోంది.
