ENG vs IND Women : మహిళల టెస్టు క్రికెట్ చరిత్రలో భారత్ జట్టు అతిపెద్ద విజయాన్ని నమోదు చేసింది. ముంబై వేదికగా ఇంగ్లండ్ తో జరిగిన ఏకైక టెస్టులో 347 పరుగుల తేడాతో భారత మహిళల జట్టు ఘన విజయం సాధించింది. అంతేకాక.. కేవలం ఒకేఒక్క సెషన్ లో పది వికెట్లను తీసి సంచలన విజయం నమోదు చేసింది. 479 పరుగుల లక్ష్యంతో బరిలోకి దిగిన ఇంగ్లండ్ జట్టు బ్యాటర్లు భారత బౌలర్ల దాటికి కేవలం 131 పరుగులకే ఆలౌట్ అయ్యారు. భారత్ స్పిన్నర్లు దీప్తి శర్మ, రాజేశ్వరీ గైక్వాడ్ చెలరేగడంతో మూడో రోజు తొలి సెషన్ లోనే ఇంగ్లండ్ చాపచుట్టేసింది.
భారత్ ఉమెన్స్ జట్టు తొలి ఇన్నింగ్స్ లో 428 పరుగులు చేసి ఆలౌట్ అయింది. ఆ తరువాత బ్యాటింగ్ చేసిన ఇంగ్లాండ్ మహిళా జట్టు కేవలం 136 పరుగులకే ఆలౌట్ అయింది. భారత్ స్పిన్నర్ దీప్తి శర్మ ఐదు వికెట్లు తీసింది. ఆ తరువాత రెండో ఇన్సింగ్ లో భారత్ జట్టు ఆరు వికెట్లు కోల్పోయి 186 పరుగులు చేసి డిక్లేర్డ్ ప్రకటించింది. 479 పరుగుల లక్ష్యంతో బరిలోకి దిగిన ఇంగ్లాండ్ జట్టు బ్యాటర్లు భారత్ బౌలర్ల దాటికి క్రీజులో నిలవలేక పోయారు. భారత్ స్పిన్నర్లు దీప్తి శర్మ, రాజేశ్వరీ గైక్వాడ్ చెలరేగడంతో మూడోరోజు తొలి సెషన్ లోనే ఇంగ్లాండ్ బ్యాటర్లు 131 పరుగులకే ఆలౌట్ అయ్యారు. దీంతో భారత్ మహిళల జట్టు టెస్టు క్రికెట్ చరిత్రలో భారీ విజయాన్ని నమోదు చేసింది.\
మహిళా టెస్టు క్రికెట్ లో ఇప్పటి వరకు శ్రీలంకపై 1998లో పాకిస్థాన్ జట్టు 309 పరుగులు తేడాతో గెలిచింది. ఇప్పుడు ఆ రికార్డును భారత్ జట్టు అధిగమించింది. ఇంగ్లాండ్ జట్టుపై 347 పరుగుల తేడాతో విజయం సాధించింది సరికొత్త రికార్డును నమోదు చేసింది. ఇదిలాఉంటే.. భారత్ మహిళల జట్టు టెస్టుల్లో అతిపెద్ద విజయాన్ని నమోదు చేయడం అభినందనీయం అంటూ బీసీసీఐ ట్వీట్ చేసింది. బీసీసీఐ సెక్రటరీ జైషా భారత మహిళ జట్టును ట్విటర్ వేదికగా అభినందించారు. ఇంగ్లాండ్ తో జరిగిన టెస్టు మ్యాచ్ లో అద్భుత విజయం జట్టు సమిష్టి కృషి అని అభినందించారు.
స్కోర్ వివరాలు ఇలా..
భారత్ తొలి ఇన్నింగ్స్ .. 428
రెండో ఇన్నింగ్స్ 186/6 (డిక్లేర్డ్)
ఇంగ్లాండ్ తొలి ఇన్నింగ్స్ 136
రెండో ఇన్నింగ్స్ 131
We have just witnessed the biggest victory margin being recorded in women's Tests. Congratulations @BCCIWomen on a fabulous show. 🙌🙌 #TeamIndia https://t.co/2MVZyXStRX
— BCCI (@BCCI) December 16, 2023
Congratulations #TeamIndia 🇮🇳
What an epic win in the Test match against England! A true team performance that saw collective effort.
I recall conversations with @ImHarmanpreet and @mandhana_smriti on the value of the truest format for a cricketer and to see the team do well… pic.twitter.com/DjdtZVw7PW
— Jay Shah (@JayShah) December 16, 2023
