Ibrahim Zadran : ప్ర‌పంచ‌క‌ప్‌లో ఇబ్ర‌హీం జ‌ద్రాన్ స‌రికొత్త చ‌రిత్ర‌.. ఒకే ఒక్క‌డు

Ibrahim Zadran

భార‌త్ వేదిక‌గా జ‌రుగుతున్న వ‌న్డే ప్ర‌పంచ‌క‌ప్‌లో అఫ్గానిస్థాన్ సంచ‌ల‌న విజ‌యాల‌తో దూసుకుపోతుంది. తాజాగా ఆ జ‌ట్టు బ్యాట‌ర్ ఇబ్ర‌హీం జ‌ద్రాన్ చ‌రిత్ర సృష్టించాడు. వ‌న్డే ప్ర‌పంచ‌క‌ప్‌లో సెంచ‌రీ చేసిన మొద‌టి అఫ్గానిస్థాన్ ప్లేయ‌ర్‌గా రికార్డుల‌కు ఎక్కాడు. ముంబైలోని వాంఖ‌డే వేదిక‌గా ఆస్ట్రేలియాతో మ్యాచ్‌లో 131 బంతుల్లో శ‌త‌కం చేయ‌డం ద్వారా ఇబ్ర‌హీం జ‌ద్రాన్ ఈ ఘ‌న‌త అందుకున్నాడు. 2015 నుంచి వ‌న్డే ప్ర‌పంచ‌క‌ప్‌ల‌లో అఫ్గానిస్థాన్ ఆడుతోంది. ఇప్ప‌టి వ‌ర‌కు కూడా ఒక్క అఫ్గాన్ బ్యాట‌ర్ మెగాటోర్నీలో శ‌త‌కం చేయ‌లేదు. ఇప్పుడు ఆ లోటును జ‌ద్రాన్ తీర్చాడు. ఈ మ్యాచ్‌లో మొత్తం 143 బంతులు ఎదుర్కొన్న అత‌డు 8 ఫోర్లు, 3 సిక్స‌ర్ల‌తో 129 ప‌రుగులు చేసి అజేయంగా నిలిచాడు.

ప్రపంచకప్‌లలో అఫ్గానిస్థాన్‌ తరఫున అత్యధిక వ్యక్తిగత స్కోర్లు..

ఇబ్రహీం జద్రాన్ – 129* ప‌రుగులు – ఆస్ట్రేలియా పై ముంబైలో 2023 (నేటి మ్యాచ్లో)
సమీవుల్లా షిన్వారీ – 96 ప‌రుగులు – స్కాట్లాండ్ పై డునెడిన్‌లో 2015
ఇబ్రహీం జద్రాన్ – 87 ప‌రుగులు – పాకిస్థాన్ పై చెన్నైలో 2023
ఇక్రమ్ అలీఖిల్ – 86 ప‌రుగులు – వెస్టిండీస్ పై లీడ్స్‌లో 2019
ODI World Cup 2023 : టైమ్డ్ ఔట్ అంటూ అప్పీల్ చేసిన బంగ్లాదేశ్‌కు బిగ్ షాక్‌.. వ‌ర‌ల్డ్ క‌ప్ నుంచి ష‌కీబ్ ఔట్‌..
హష్మతుల్లా షాహిదీ – 80 ప‌రుగులు – భార‌త్ పై ఢిల్లీలో 2023
రహ్మానుల్లా గుర్బాజ్ – 80 ప‌రుగులు – ఇంగ్లాండ్ పై ఢిల్లీలో 2023

ఆ జాబితాలో చోటు ద‌క్కించుకున్న ఇబ్ర‌హీం జ‌ద్రాన్

తాజా శ‌త‌కంతో ఇబ్ర‌హీం జ‌ద్రాన్ అఫ్గానిస్థాన్ తరఫున అత్యధిక వన్డే సెంచరీలు చేసిన ఆట‌గాళ్ల జాబితాలో చోటు ద‌క్కించుకున్నాడు. ఈ జాబితాలో ఆరు శ‌త‌కాల‌తో మహ్మద్ షెహజాద్ అగ్ర‌స్థానంలో ఉన్నాడు. రహ్మానుల్లా గుర్బాజ్, రహమత్ షా, ఇబ్రహీం జద్రాన్ త‌లా ఓ ఐదు సెంచరీల‌తో సంయుక్తంగా రెండో స్థానంలో కొన‌సాగుతున్నారు.

అఫ్గానిస్థాన్ తరఫున అత్యధిక వన్డే సెంచరీలు చేసిన ఆట‌గాళ్లు వీరే..

6 – మహ్మద్ షెహజాద్
5 – రహ్మానుల్లా గుర్బాజ్
5 – రహమత్ షా
5 – ఇబ్రహీం జద్రాన్

ODI World Cup 2023 : పాకిస్థాన్‌కు వ‌ర్షం సాయం చేస్తే.. ఐసీసీ షాకిచ్చింది

ఇక మ్యాచ్ విషయానికి వ‌స్తే.. టాస్ గెలిచి బ్యాటింగ్ ఎంచుకున్న అఫ్గానిస్థాన్ నిర్ణీత 50 ఓవ‌ర్ల‌లో 5 వికెట్ల న‌ష్టానికి 291 ప‌రుగులు చేసింది. అఫ్గాన్ బ్యాట‌ర్ల‌లో ఇబ్ర‌హీం జ‌ద్రాన్ (129; 143 బంతుల్లో 8 ఫోర్లు, 3 సిక్స‌ర్లు) శ‌త‌కం బాదాడు. ర‌షీద్ ఖాన్ (35 నాటౌట్; 18 బంతుల్లో 2 ఫోర్లు, 3 సిక్స‌ర్లు), రహమత్ షా (30), హష్మతుల్లా షాహిదీ (26), అజ్మతుల్లా ఒమర్జాయ్ (22) లు రాణించారు. ఆస్ట్రేలియా బౌల‌ర్ల‌లో జోష్ హేజిల్ వుడ్ రెండు వికెట్లు తీశాడు. మిచెల్ స్టార్క్‌, గ్లెన్ మాక్స్‌వెల్‌, ఆడ‌మ్ జంపా లు ఒక్కొ వికెట్ ప‌డ‌గొట్టారు.