క్రికెట్ అంటే పూర్తిగా ఫిట్‌గా ఉంటే ఆడగలిగిన ఆట.. అయితే కాళ్లు లేకపోయినా ఎంతో ఇన్స్‌పిరేషన్ ఇస్తూ రెండు కాళ్లు లేని ఓ చిన్నవాడు ఆడుతున్న క్రికెట్ ఇప్పుడు సోషల్ మీడియాలో వైరల్ అవుతుంది. ఓ దివ్యాంగ బాలుడు కాళ్లు చచ్చుబడిపోయినా మొక్కవోని దీక్షతో తోటి పిల్లలతో కలిసి క్రికెట్ ఆడుతున్నాడు. బంతిని హిట్ చేసి వికెట్ల మధ్య పరుగులు పెడుతున్నాడు.
ఆ పిల్లాడికి దిగ్గజ క్రికెటర్ సచిన్ టెండూల్కర్ సైతం ఫిదా అయిపోయాడు. ఎంతలా అంటే..? నూతన సంవత్సరాన్ని ఈ స్ఫూర్తిమంతమైన వీడియోతో ఆరంభించండి అంటూ సచిన్ స్వయంగా ఆ వీడియోని ట్వీట్ చేసేంతలా.. కాలగమనంలో కలిసిపోయిన దశాబ్దకాలం నుంచి తెలుసుకున్న అనుభవాలను.. ఈ దశాబ్ధంలో ఈ చిన్నారిని స్పూర్తిగా తీసుకుని మార్చుకుంటూ ముందుకు సాగుదాం అంటూ సచిన్ ట్వీట్ చేశాడు.
2020-30 దశాబ్దాన్ని పిల్లలకి అంకితం చేద్దామని పిలుపునిచ్చిన సచిన్ టెండూల్కర్.. వారిలో క్రీడాస్ఫూర్తిని పెంపొందించాలని సూచించాడు. అలానే తల్లిదండ్రులు తమ పిల్లల తప్పులను సరిచేయడమే కాకుండా వారిని సమాజంలోకి తీసుకెళ్లే ప్రయత్నం చేయాలని కోరాడు. అప్పుడే వారికి నేర్చుకోవాలనే తపన పెరుగుతుందని అన్నాడు.
Start your 2020 with the inspirational video of this kid Madda Ram playing cricket ? with his friends.
It warmed my heart and I am sure it will warm yours too. pic.twitter.com/Wgwh1kLegS— Sachin Tendulkar (@sachin_rt) January 1, 2020
