T20 World Cup 2021 : టీ20 వరల్డ్ కప్ లో సూపర్-12 పోరులో స్కాట్లాండ్ తో జరిగిన పోరులో అఫ్ఘానిస్తాన్ క్రికెటర్లు అదరగొట్టారు. 130 పరుగుల భారీ తేడాతో స్కాట్లాండ్ పై ఘన విజయం సాధించింది అప్ఘాన్ జట్టు. ఈ మ్యాచ్ లో టాస్ నెగ్గి బ్యాటింగ్ కు దిగిన అప్ఘాన్ భారీ స్కోర్ చేసింది. అప్ఘాన్ బ్యాటర్లు చెలరేగారు. పరుగుల వరద పారించారు. నిర్ణీత ఓవర్లలో 4 వికెట్ల నష్టానికి 190 పరుగుల భారీ స్కోర్ చేసింది అప్ఘాన్.
191 పరుగుల టార్గెతో బరిలోకి దిగిన స్కాట్లాండ్.. 60 పరుగులకే ఆలౌట్ అయ్యింది. స్కాట్లాండ్ జట్టులో ఐదుగురు బ్యాట్స్ మెన్ డకౌట్ అయ్యారు. అప్ఘాన్ బౌలర్లలో ముజిబ్ ఉర్ రెహ్మాన్ 5 వికెట్లు, రషీద్ ఖాన్ 4 వికెట్లు తీసి స్కాట్లాండ్ వెన్ను విరిచారు. నవీన్ ఉల్ హక్ ఒక వికెట్ తీశాడు. 10.2 ఓవర్లలోనే 60 పరుగులకే స్కాట్లాండ్ ఆలౌట్ అయ్యింది. అప్ఘాన్ బౌలర్లలో
ముందు బ్యాటింగ్ చేసిన అఫ్ఘాన్ జట్టులో.. ఓపెనర్ హజ్రతుల్లా జాజాయ్ 30 బంతుల్లో 3 ఫోర్లు, 3 సిక్సులతో 44 పరుగులు చేయగా, మరో ఓపెనర్ మహ్మద్ షాజాద్ 15 బంతుల్లో 2 ఫోర్లు, 1 సిక్స్ తో 22 పరుగులు చేశాడు.
తొలి వికెట్ కు 54 పరుగులు జోడించి ఓపెనర్లు పునాది వేయగా.. నజీబుల్లా, గుర్బాజ్ స్కాట్లాండ్ బౌలర్లపై విరుచుకుపడ్డారు. నజీబుల్లా 34 బంతుల్లో 5 ఫోర్లు, 3 సిక్సర్లతో 59 పరుగులు సాధించాడు. గుర్బాజ్ 37 బంతుల్లో 1 ఫోర్, 4 సిక్సర్లతో 46 పరుగులు నమోదు చేశాడు. స్కాట్లాండ్ బౌలర్లలో సఫ్యాన్ షరీఫ్ 2 వికెట్లు తీశాడు. డేవీ, మార్క్ వాట్ తలో వికెట్ తీశారు.
