Upcoming Phones : కొత్త ఫోన్ కోసం చూస్తున్నారా? డిసెంబర్‌లో రాబోయే టాప్ 5 స్మార్ట్‌ఫోన్లు.. ఖతర్నాక్ ఫీచర్లు.. ధరపై భారీ అంచనాలివే..!
Upcoming Phones : వచ్చే డిసెంబర్ నెలలో అదిరిపోయే ఫీచర్లతో సరికొత్త ఫ్లాగ్‌షిప్ ఫోన్లు రాబోతున్నాయి. వివో నుంచి ఒప్పో వరకు రాబోయే ఫోన్లకు సంబంధించి పూర్తి వివరాలు ఇలా ఉన్నాయి.
- Published By: 10TV Digital Team ,Published On : November 30, 2025 / 05:15 PM IST
Upcoming Phones
Upcoming Phones : కొత్త స్మార్ట్‌ఫోన్ కొనేందుకు చూస్తున్నారా? అయితే, ఇది మీకోసమే.. వచ్చే డిసెంబర్‌లో 5 అద్భుతమైన స్మార్ట్‌ఫోన్లు లాంచ్ కానున్నాయి. ముఖ్యంగా వన్‌ప్లస్ 15, ఒప్పో ఫైండ్ X9 ప్రో, ఐక్యూ 15, రియల్‌మి జీటీ 8 ప్రో వంటి మెయిన్ ఫ్లాగ్‌షిప్ ఫోన్లతో రానున్నాయి.
2025 చివరి నెలలో భారతీయ మొబైల్ యూజర్ల (Upcoming Phones) కోసం ఫ్లాగ్‌షిప్ మిడ్-రేంజ్ సెగ్మెంట్లలో అనేక మోడల్ ఫోన్లు లాంచ్ అయ్యేందుకు రెడీగా ఉన్నాయి. మీ ఫోన్ కూడా అప్‌గ్రేడ్ చేయాలని ప్లాన్ చేస్తుంటే మరికొద్ది రోజులు ఆగాల్సిందే.. వచ్చే నెలలో రాబోయే స్మార్ట్‌ఫోన్లలో టాప్ 5 స్మార్ట్‌ఫోన్‌లకు సంబంధించి పూర్తి వివరాలపై ఓసారి లుక్కేయండి.
వివో X300, వివో X300 ప్రో :
డిసెంబర్ 2న వివో X300 సిరీస్ లాంచ్ కానుంది. ఈ లైనప్‌లో వివో X300, వివో X300 ప్రో ఉన్నాయి. ఈ రెండూ ఫోన్లు మీడియాటెక్ డైమన్షిటీ 9500 చిప్‌సెట్‌తో వివో ఇన్-హౌస్ VS1 చిప్ V3+ ఇమేజింగ్ చిప్‌తో రానున్నాయి. కెమెరా సెటప్ పరంగా అత్యంత ఆకర్షణీయంగా ఉంటుంది.
50MP సోనీ LYT-828 ప్రైమరీ లెన్స్, 50MP శాంసంగ్ JN1 అల్ట్రావైడ్ సెన్సార్, భారీ 200MP టెలిఫోటో కెమెరా కలిగి ఉంది. ఈ ఫ్లాగ్‌షిప్ డ్యూయోలో ఫొటోగ్రఫీతో అత్యంత ఆకర్షణీయంగా ఉంటాయి. ఈ వివో ఫోన్ల ధరలు వరుసగా రూ. 75,999 నుంచి రూ. 1,09,999 మధ్య ఉండొచ్చునని అంచనా.
రెడ్‌మి 15C ఫోన్ :
డిసెంబర్ మొదటి వారంలో భారత మార్కెట్లో రెడ్‌మి 15C లాంచ్ చేసేందుకు షావోమీ సన్నాహాలు చేస్తోంది. ఈ రెడ్‌మి ఫోన్ ఇటీవలే చైనాలో రెండు కాన్ఫిగరేషన్లలో వస్తుంది. హెలియో G81 అల్ట్రా ద్వారా ఆధారితమైన 4G మోడల్ డైమన్షిటీ 6300తో 5G వెర్షన్ కలిగి ఉంది. ఈ రెండు వేరియంట్లలో 33W ఛార్జింగ్‌తో 6000mAh బ్యాటరీ కలిగి ఉంది. అదనపు మన్నిక కోసం IP64 రేటింగ్‌ కలిగి ఉంది. భారత మార్కెట్లో ప్రారంభ ధర రూ. 11,499 నుంచి ఉంటుందని అంచనా.
వన్‌ప్లస్ 15R :
వన్‌ప్లస్ 15R డిసెంబర్ 17న లాంచ్ కాబోతుంది. కొత్త స్నాప్‌డ్రాగన్ 8 జెన్ 5 క్వాల్‌కామ్ చిప్‌సెట్‌తో ఫస్ట్ స్మార్ట్‌ఫోన్ రాబోతుంది. ఇదే విషయాన్ని కంపెనీ అధికారికంగా ధృవీకరించింది. పర్ఫార్మెన్స్ పరంగా పరిశీలిస్తే
చార్‌కోల్ బ్లాక్ మింట్ బ్రీజ్ కరల్ ఆప్షన్లలో అందుబాటులో ఉంటుంది. అమెజాన్ ద్వారా త్వరలో వన్‌ప్లస్ 15R విక్రయానికి రానుంది. వన్‌ప్లస్ ఫోన్‌తో పాటు వన్‌ప్లస్ ప్యాడ్ గో 2 కూడా లాంచ్ చేస్తుంది. భారత మార్కెట్లో ధర రూ. 50వేల కన్నా తక్కువగా ఉంటుందని అంచనా.
రియల్‌మి P4x :
రియల్‌మీ P4x ఫోన్ డిసెంబర్ 4న ఫ్లిప్‌కార్ట్ ద్వారా సేల్స్ భారత మార్కెట్లోకి వస్తుందని రియల్‌మి ధృవీకరించింది. ఈ ఫోన్ మీడియాటెక్ డైమెన్సిటీ 7400 అల్ట్రా చిప్‌సెట్‌పై రన్ అవుతుంది. 144Hz రిఫ్రెష్ రేట్ డిస్‌ప్లేను కలిగి ఉంది. భారీ 7000mAh బ్యాటరీ, 45W ఛార్జింగ్ సపోర్ట్‌తో కూడా రావచ్చు. రియల్‌మి ధరలపై కూడా భారీ అంచనాలు నెలకొన్నాయి. అంచనాల ప్రకారం రూ. 16వేల కన్నా తక్కువగానే ఉండొచ్చు.
ఒప్పో రెనో 15C :
ఒప్పో ఇటీవల చైనాలో రెనో 15 సిరీస్ లాంచ్ సందర్భంగా రెనో 15C టీజ్ చేసింది. కానీ, చాలా ఫీచర్ల వివరాలు రివీల్ చేయలేదు. ఈ ఒప్పో ఫోన్ డిసెంబర్ 2025లో చైనాలో లాంచ్ అవుతుందని భావిస్తున్నప్పటికీ, దేశీయ మార్కెట్లోకి ఎప్పుడు వస్తుందనే దానిపై ఎలాంటి క్లారిటీ లేదు. అయితే, ఒప్పో స్టైలిష్ కెమెరా-సెంట్రిక్ మిడ్-రేంజ్ ఆప్షన్‌గా రాబోతున్నట్టు రిపోర్టులు సూచిస్తున్నాయి. ఈ ఒప్పో రెనో 15C ఫోన్ ధర రూ. 39,999 ఉండొచ్చు.
