Jio 5.5G vs 5G : గేమర్‌లు, మొబైల్ యూజర్లకు గుడ్ న్యూస్.. జియో 5.5జీ నెట్‌వర్క్ వచ్చేసింది.. ఈ టెక్నాలజీ బెనిఫిట్స్ ఏంటి?

Jio 5.5G vs 5G :ప్రముఖ దేశీయ వ్యాపారవేత్త, ముఖేష్ అంబానీకి చెందిన రిలయన్స్ జియో (Reliance Jio) సరికొత్త ‘5.5జీ’ నెట్‌వర్క్‌ను భారత మార్కెట్లో ప్రవేశపెట్టింది. నివేదిక ప్రకారం.. వన్‌ప్లస్ భాగస్వామ్యంతో అభివృద్ధి చేసిన సాంకేతికత మొబైల్ ఇంటర్నెట్ గణనీయంగా మెరుగుపరచడమే లక్ష్యంగా పెట్టుకుంది. ముఖ్యంగా, వన్‌ప్లస్ 13 సిరీస్ స్మార్ట్‌ఫోన్‌లు ఈ అడ్వాన్స్‌డ్ కనెక్టివిటీకి సపోర్టు ఇచ్చే ఫస్ట్ డివైజ్‌లుగా చెప్పవచ్చు.

జియో 5.5జీ నెట్‌వర్క్ ముఖ్య ఫీచర్లు :
నివేదిక ప్రకారం.. 5.5జీ నెట్‌వర్క్ ఇప్పటికే ఉన్న 5జీ ఇన్‌ఫ్రాస్ట్రక్చర్ కన్నా గణనీయమైన మెరుగుదలని సూచిస్తుంది. మెరుగైన సామర్థ్యాల శ్రేణిని అందిస్తుంది. వీటిలో గరిష్టంగా 10జీబీపీఎస్ డౌన్‌లోడ్ స్పీడ్, 1జీబీపీఎస్ చేరుకునే అప్‌లోడ్ స్పీడ్, వేగంగా డౌన్‌లోడ్‌లు, డేటా షేరింగ్‌ను అనుమతిస్తుంది.

Read Also : iPhone 16E Launch : కొత్త ఐఫోన్ కోసం చూస్తున్నారా? చౌకైన ధరకే ఐఫోన్ 16E వచ్చేస్తోంది.. ఫీచర్లు, డిజైన్ వివరాలివే!

అదనంగా, నెట్‌వర్క్ తక్కువ జాప్యాన్ని కలిగి ఉంది. ఆన్‌లైన్ గేమింగ్, వీడియో కాల్స్ వంటి కార్యకలాపాలకు రెస్పాన్స్ సమయాన్ని ఎనేబుల్ చేస్తుంది. రద్దీగా ఉండే వాతావరణంలో కూడా స్థిరమైన కనెక్షన్‌లను అందిస్తుంది. నెట్‌వర్క్ అధునాతన కాంపోనెంట్ క్యారియర్ అగ్రిగేషన్ (3CC) టెక్నాలజీని ఉపయోగిస్తుంది. ఒకేసారి మల్టీ టవర్‌లకు కనెక్ట్ అయ్యేలా డివైజ్‌లను అనుమతిస్తుంది.

వన్‌ప్లస్ 13 సిరీస్ 5.5జీ-రెడీ స్మార్ట్‌ఫోన్‌లు :
జియో, వన్‌ప్లస్ మధ్య సహకారం ఫలితంగా వన్‌ప్లస్ 13, వన్‌ప్లస్ 13ఆర్‌తో కూడిన వన్‌ప్లస్ 13 సిరీస్‌ను 5.5జీ నెట్‌వర్క్‌ని ఉపయోగించే మొదటి స్మార్ట్‌ఫోన్‌లుగా ప్రవేశపెట్టింది. లాంచ్ ఈవెంట్ సందర్భంగా, జియో కొత్త నెట్‌వర్క్ సామర్థ్యాలను ప్రదర్శించింది. సాంప్రదాయ 5జీ కనెక్షన్‌లు 277ఎంబీపీఎస్ వరకు వేగాన్ని అందిస్తుంది. 5.5జీ నెట్‌వర్క్ 1,014ఎంబీపీఎస్ కన్నా ఎక్కువ వేగాన్ని అందిస్తుంది. మొబైల్ కనెక్టివిటీని మార్చగల సామర్థ్యాన్ని అందిస్తుంది.

5.5జీ టెక్నాలజీ బెనిఫిట్స్ :
5.5జీ నెట్‌వర్క్ యూజర్-కేంద్రీకృత బెనిఫిట్స్ అందిస్తుంది. పెద్ద ఫైల్‌లను సెకన్లలో డౌన్ లోడ్ చేసుకోవచ్చు. 4కె వీడియోలు, లాగ్-ఫ్రీ స్ట్రీమింగ్‌ సహా గేమర్‌లకు మరింత ప్రయోజనకరంగా ఉంటుంది. వాయిస్, వీడియో కాల్స్ బేస్‌మెంట్లు లేదా మారుమూల ప్రాంతాల్లో కూడా క్వాలిటీతో పొందవచ్చు.

భారతీయ యూజర్లకు ఇంటిగ్రేషన్ :
రిలయన్స్ జియో స్వతంత్ర (SA) 5జీ నెట్‌వర్క్ ‘5జీఏ’ ఐకాన్ ప్రవేశపెట్టింది. భారతీయ యూజర్లకు సపోర్టు డివైజ్‌లలో కనిపిస్తుంది. 5.5జీ నెట్‌వర్క్‌కు మార్పు ఆటోమాటిక్‌గా ఉంటుంది. వినియోగదారుల నుంచి మాన్యువల్ కాన్ఫిగరేషన్ అవసరం లేదు.

Read Also : Poco X7 Series : అద్భుతమైన ఫీచర్లతో పోకో X7 సిరీస్ వచ్చేసింది.. ఈ ఫోన్ ధర ఎంతో తెలుసా?