Nubia Neo 5 Pro : గేమర్లకు పండగే.. 50MP డ్యూయల్ కెమెరా, 6210mAh బ్యాటరీతో కొత్త నూబియా గేమింగ్ ఫోన్.. ధర జస్ట్ ఎంతంటే?

Nubia Neo 5 Pro

• నుబియా నియో 5 ప్రో ఫోన్ ఆండ్రాయిడ్ 16తో లాంచ్
• షోల్డర్ ట్రిగ్గర్‌లతో గేమింగ్ ఫోన్, ఫాస్ట్ ఛార్జింగ్ సపోర్టు
• డ్యూయల్ స్టీరియో స్పీకర్లు, 4083mm² వీసీ కూలింగ్ సిస్టమ్

Nubia Neo 5 Pro : కొత్త స్మార్ట్ ఫోన్ కొనేవారికి గుడ్ న్యూస్.. కంపెనీ లేటెస్ట్ గేమింగ్ స్మార్ట్‌ఫోన్‌ నుబియా నియో 5 ప్రో వచ్చేసింది. ఈ ఫోన్‌లో 144Hz రిఫ్రెష్ రేట్, 1.5K రిజల్యూషన్‌కు సపోర్టు ఇచ్చే భారీ 6.8-అంగుళాల డిస్‌ప్లే ఉంది.

మీడియాటెక్ డైమెన్సిటీ 7400 చిప్‌సెట్‌తో రన్ అవుతుంది. ఈ ఫోన్‌లో ఫాస్ట్ ఛార్జింగ్ సపోర్ట్‌తో (Nubia Neo 5 Pro) భారీ బ్యాటరీ కూడా ఉంది. ఈ ఫోన్‌లో 50MP మెయిన్ లెన్స్‌తో డ్యూయల్ కెమెరా సెటప్ ఉంది. ధర, ఫీచర్లకు సంబంధించి పూర్తి వివరాలను ఇప్పుడు తెలుసుకుందాం..

నుబియా నియో 5 ప్రో ధర, లభ్యత :
నుబియా నియో 5 ప్రో ఫిలిప్పీన్స్‌లో ప్రపంచవ్యాప్తంగా లాంచ్ అయింది. 12GB+128GB వేరియంట్ ధర PHP14,999 (సుమారుగా రూ. 23వేలు). 12GB+256GB వేరియంట్ ధర PHP 17,999 (సుమారుగా రూ. 28వేలు). ఈ ఫోన్ బ్లాక్, వైట్ కలర్ ఆప్షన్లలో లభిస్తుంది.

Read Also : Redmi A7 Pro Launch : 6300mAh బ్యాటరీ, డ్యూయల్ AI కెమెరాలతో కొత్త రెడ్‌మి A7 ప్రో 5G వస్తోంది.. ధర ఎంత ఉండొచ్చంటే?

నుబియా నియో 5 ప్రో స్పెసిఫికేషన్లు :
నూబియా నియో 5 ప్రో 144Hz రిఫ్రెష్ రేట్‌కు సపోర్టు ఇచ్చే భారీ 6.8-అంగుళాల డిస్‌ప్లేతో వస్తుంది. ఈ ఫోన్‌లో 1.5K రిజల్యూషన్‌తో ఓఎల్ఈడీ ప్యానెల్ ఉంది. ఆండ్రాయిడ్ 16తో వస్తుంది. MyOS 16 స్కిన్‌పై రన్ అవుతుంది. ఈ ఫోన్ మీడియాటెక్ డైమెన్సిటీ 7400 చిప్‌సెట్‌తో వస్తుంది. 12GB వరకు ర్యామ్, 256GB వరకు స్టోరేజ్ అందిస్తుంది.

నూబియా నియో 5 ప్రో అనేది గేమింగ్ ఫోన్.. ఇందులో షోల్డర్ ట్రిగ్గర్‌లు ఉన్నాయి. ఇందులో మ్యాజిక్ టచ్ 3.0 ఫీచర్ ఉంది. తడి లేదా జిడ్డుగా ఉన్న వేళ్లతో తాకినప్పటికీ స్క్రీన్ వర్క్ అవుతుంది. ఈ ఫోన్‌లో 4083mm² వీసీ కూలింగ్ సిస్టమ్ ఉంది. ఆడియో కోసం ఇందులో డీటీఎస్ ఎక్స్ అల్ట్రా సపోర్ట్‌తో డ్యూయల్ స్టీరియో స్పీకర్‌లు ఉన్నాయి.

కెమెరా విషయానికి వస్తే..
ఈ ఫోన్‌లో రియర్ సైడ్ 50MP మెయిన్ కెమెరా ఉంది. 2MP సెకండరీ కెమెరా కూడా ఉంది. సెల్ఫీలు, వీడియో కాలింగ్ కోసం ఫ్రంట్ సైడ్ 16MP కెమెరా కూడా ఉంది. ఈ ఫోన్ 80W ఫాస్ట్ ఛార్జింగ్ సపోర్ట్‌తో 6,210mAh బ్యాటరీతో వచ్చింది. కనెక్టివిటీ విషయానికి వస్తే.. ఈ ఫోన్‌లో 5G, Wi-Fi 6, బ్లూటూత్, NFC ఆప్షన్లు ఉన్నాయి. సెక్యూరిటీ కోసం ఇన్-డిస్‌ప్లే ఫింగర్‌ప్రింట్ సెన్సార్ సహా అన్ని ఫీచర్లు ఉన్నాయి.