OnePlus 12 Launch Timeline : ప్రముఖ స్మార్ట్ఫోన్ తయారీదారు వన్ప్లస్ నుంచి వన్ప్లస్ 12 (OnePlus 12) అతి త్వరలో భారత మార్కెట్లోకి రానుంది. వన్ప్లస్ నుంచి నెక్స్ట్ ఫ్లాగ్షిప్ ఫోన్ డిసెంబర్లో లాంచ్ అయ్యే అవకాశం ఉంది. అయితే, మొదట చైనాకు వచ్చి 2024 ప్రారంభంలో భారత్ వంటి ఇతర ప్రపంచ మార్కెట్లలోకి వస్తుందని భావిస్తున్నారు.
(Tipster Experience More) తన (Weibo) అకౌంట్ ద్వారా ఈ ఏడాది చివరి నాటికి కొత్త 5G ఫోన్ చైనాలో ప్రకటించనుందని పేర్కొంది. టిప్స్టర్ యోగేష్ బ్రార్ కూడా అదే లాంచ్ టైమ్లైన్ను వెల్లడించారు. ఫిబ్రవరిలో వన్ప్లస్ 11 ఫోన్ భారత మార్కెట్లో ప్రవేశపెట్టింది. ఫ్లాగ్షిప్ను కొంచెం ముందుగానే లాంచ్ చేయాలని వన్ప్లస్ నిర్ణయించుకునే అవకాశాలు ఉన్నాయి.
వన్ప్లస్ 12 ధర, స్పెసిఫికేషన్లు ఇవే :
లీక్ల ప్రకారం.. వన్ప్లస్ 12 ఫోన్ Qualcomm కొత్త స్నాప్డ్రాగన్ 8 Gen 3 SoCని ఉపయోగిస్తుంది. చిప్ తయారీదారు ఇంకా ప్రకటించలేదు. కొత్త చిప్సెట్ సాధారణంగా నవంబర్ లేదా డిసెంబర్లో ఏడాది చివరిలో లాంచ్ కానుంది. వచ్చే ఏడాది లాంచ్ అయ్యే ఫ్లాగ్షిప్ ఫోన్లు కొత్త చిప్ని ఉపయోగించవచ్చు. వన్ప్లస్ 12 వెనుక డ్యూయల్ కెమెరా సెటప్ను కలిగి ఉంటుందని టిప్స్టర్ యోగేష్ బ్రార్ ట్విట్టర్లో పేర్కొన్నారు.
ఇందులో బ్యాక్ సైడ్ రెండు 50MP కెమెరాలు, పెరిస్కోప్ లెన్స్తో కూడిన 64MP సెన్సార్ ఉండవచ్చు. హుడ్ కింద, 100W ఫాస్ట్ ఛార్జింగ్ టెక్నాలజీ సపోర్టుతో 5,000mAh బ్యాటరీని చూడవచ్చు. కొత్త వన్ప్లస్ ఫోన్ 6.7-అంగుళాల డిస్ప్లేను అందిస్తుంది. అధిక QHD రిజల్యూషన్తో పనిచేస్తుంది. ఈ ప్యానెల్ 120Hz వద్ద రిఫ్రెష్ అయ్యే అవకాశం ఉంది.
భారత మార్కెట్లో వన్ప్లస్ 11 రూ. 56,999 ధర ట్యాగ్తో అందుబాటులోకి వచ్చింది. రాబోయే ఈ డివైజ్.. ఫ్లాగ్షిప్ ఫోన్ ధర పరిధిలో ఉంటుందని భావిస్తున్నారు. అందువల్ల, కొత్త OnePlus 12 భారత మార్కెట్లో లాంచ్ అయితే రూ. 60వేల లోపు ధర ఉంటుందని అంచనా. రాబోయే OnePlus ఫోన్ అనేక ఇ-కామర్స్ ప్లాట్ఫారమ్లు, ఆఫ్లైన్ స్టోర్ల ద్వారా కొనుగోలు చేసేందుకు అందుబాటులో ఉంటుంది.
Read Also : OnePlus Nord 3 India Prices : లాంచ్కు ముందే.. వన్ప్లస్ నార్డ్ 3 ఫోన్ ధర లీక్.. ఏయే ఫీచర్లు ఉండొచ్చుంటే?