WhatsApp replaces green verification badge with a blue one ( Image Source : Google )
WhatsApp Blue Badge : ప్రముఖ మెసేజింగ్ యాప్ వాట్సాప్ ఇంటర్‌ఫేస్‌లో మరో మార్పు తీసుకొచ్చింది. పెద్దగా ఏమీ లేదు.. కానీ, గో-టు-మెసెంజర్ అప్లికేషన్ వెరిఫికేషన్ సిస్టమ్‌ను అప్‌డేట్ చేస్తోంది. వెరిఫైడ్ బిజినెస్,ఛానెల్‌ల కోసం ఇప్పటికే ఉన్న గ్రీన్ బ్యాడ్జ్‌ని బ్లూ చెక్‌మార్క్‌తో భర్తీ చేస్తోంది.
ఇన్‌స్టాగ్రామ్, ఫేస్‌బుక్‌తో సహా అన్ని సొంత ప్లాట్‌ఫారమ్‌లలో వెరిఫైడ్ అకౌంట్ల కోసం స్టేబుల్ వ్యూ ఐడెంటిటీని క్రియేట్ చేస్తోంది. ఆండ్రాయిడ్ వెర్షన్‌లో ఇప్పటికే ఉన్నట్టుగా కొత్త చెక్‌మార్క్‌తో ప్రయోగాలు చేయడానికి వాట్సాప్ ఇప్పుడు ఐఓఎస్ యూజర్లకు అదే అవకాశాన్ని అందించాలని భావిస్తున్నట్లు కనిపిస్తోంది.
నివేదిక ప్రకారం.. మెటా వ్యాపారాలు, ఛానెల్‌లను వెరిఫై చేయడానికి వాట్సాప్ బ్లూ కలర్ చెక్‌మార్క్‌కు మారింది. ఈ అప్‌డేట్ పాత గ్రీన్ బ్యాడ్జ్ స్థానంలో వచ్చింది. మెటా ప్లాట్‌ఫారమ్‌ల అంతటా సమన్వయ రూపాన్ని క్రియేట్ చేస్తుంది. వినియోగదారులలో మరింత విశ్వాసాన్ని బలపరుస్తుంది. బ్లూ చెక్‌మార్క్ అకౌంట్ ప్రామాణికతను నిర్ధారిస్తుంది. మోసాల నుంచి వినియోగదారులను రక్షిస్తుంది. వెరిఫైడ్ బిజిసెన్, ఛానెల్‌లతో సేఫ్ ఎంగేజ్ అయ్యేందుకు వీలుంటుంది.
వాట్సాప్, ఫేస్‌బుక్, ఇన్‌స్టాగ్రామ్‌తో సహా మెటా ప్లాట్‌ఫారమ్‌లలో వినియోగదారులు వెరిఫైడ్ అకౌంట్లను సులభంగా గుర్తించవచ్చ. ఈ ఏకీకృత విధానం బ్రాండ్ ఐడెంటిటీని మరింత పెంచుతుంది. వినియోగదారులు ప్రామాణికమైన అకౌంట్లను గుర్తించవచ్చు.
ప్రస్తుతానికి టెస్ట్ ఫ్లయిట్ యాప్ నుంచి ఐఓఎస్ కోసం వాట్సాప్ బీటా లేటెస్ట్ వెర్షన్‌లను ఇన్‌స్టాల్ చేసే కొంతమంది యూజర్లకుఈ ఫీచర్ అందుబాటులో ఉంది. రాబోయే వారాల్లో మరింత మంది యూజర్లకు అందుబాటులోకి రానుంది. ఈ దశను రెండు నెలల క్రితమే మార్క్ జుకర్‌బర్గ్ ప్రకటించిన మెటా వెరిఫైడ్ ఫీచర్‌కి ప్రతిస్పందనగా చెప్పవచ్చు. కొన్ని మార్కెట్‌లలోని కొన్ని బిజినెస్‌లకు అందుబాటులో ఉంది.
వాట్సాప్‌లో మెటా ఏఐ :
మెటా వాట్సాప్‌తో సహా అన్ని ప్లాట్‌ఫారమ్‌లలో మెటా ఏఐని ప్రకటించింది. రోజువారీ పనులు, అభ్యాసం, సృజనాత్మక పనిలో వినియోగదారులకు మెటా ఏఐ సహాయపడుతుందని కంపెనీ పేర్కొంది. ప్రారంభంలో గత ఏడాదిలో మెటా కనెక్ట్ ప్రారంభమైంది. సరికొత్త Llama 3 టెక్నాలజీ ఆధారితమైనది. మెటా ఏఐ ఏప్రిల్ నుంచి ప్రపంచవ్యాప్తంగా విస్తరిస్తోంది. ఇప్పుడు దేశంలోని వినియోగదారులకు అందుబాటులో ఉంది.
వాట్సాప్‌లో గ్రూప్ చాట్‌లలో మెటా ఏఐ ద్వారా సేవలు పొందవచ్చు. మీకు నైట్ అవుట్ కోసం రెస్టారెంట్ సిఫార్సులు కావాలన్నా లేదా రోడ్ ట్రిప్ కోసం ట్రావెల్ ఐడియాస్ కావాలన్నా, వినియోగదారులు వారి వాట్సాప్ చాట్‌లో మెటా ఏఐని అడగవచ్చని కంపెనీ తెలిపింది. మెటా ఏఐని నేరుగా యాక్సెస్ చేయడానికి, మీ డివైజ్ అప్‌డేట్ అందుబాటులోకి వచ్చిన తర్వాత యాప్ టాప్‌లో బ్లూ-పర్పుల్ సర్కిల్ ఐకాన్ కోసం సెర్చ్ చేయొచ్చు.
