ప్రస్తుతం గో బ్యాక్ కరోనా అంటున్నారు జనాలు. ఇక ఇక్కడ ఉండకు వెళ్లిపో అంటూ నినదిస్తున్నారు. దిక్కుమాలిన ఈ వైరస్ వల్ల తాము ఎంతో కోల్పోయామని..ఇక ఈ కష్టాలు వద్దంటున్నారు. ప్రపంచ వ్యాప్తంగా ఈ మహమ్మారీ ఎంతో మందిని బలి తీసుకుంది. లక్షలాది మంది వైరస్ బారిన పడి ఆసుపత్రుల్లో చావుబతుకుల మధ్య కొట్టుమిట్టాడుతున్నారు.
చైనా నుంచి వచ్చిన కరోనా..కొద్ది రోజుల్లోనే ప్రపంచ దేశాలను చుట్టేసింది. ఓ వ్యక్తి నుంచి మరొక వ్యక్తికి ఈ వైరస్ సోకుతుందని గ్రహించి..లాక్ డౌన్ తెరపైకి తీసుకొచ్చారు. భారతదేశంలోకి ఎంట్రీ ఇచ్చిన రాకాసి వల్ల 50 మందికి పైగానే చనిపోయారు. (ప్రపంచ దేశాలపై కరోనా పంజా…12 లక్షలు దాటిన బాధితులు…ఒక్కరోజే 65వేలకుపైగా కొత్త కేసులు )
కరోనా వైరస్ కట్టడి చేయడంలో భారత ప్రభుత్వం పలు చర్యలు తీసుకుంది. తొలుత జనతా కర్ఫ్యూను ప్రకటించిన భారత ప్రధాని..అనూహ్యంగా లాక్ డౌన్ నిర్ణయాన్ని ప్రకటించారు. 2020, మార్చి 10వ తేదీ నుంచి 21 రోజుల పాటు ఈ నిబంధన ఉంటుందని వెల్లడించారు. ఎవరూ ఇంటి నుంచి బయటకు రావొద్దని సూచించారు. సామాజిక దూరం పాటించాలని పిలుపునిచ్చారు.
ఎవరైనా కరోనా లక్షణాలు కనిపిస్తే..వైద్యులను సంప్రదించాలని హోం క్వారంటైన్ లో ఉండాలని సూచించారు. దీంతో ఎక్కడి వారెక్కడే ఉండిపోయారు. తొలుత ఈ నిబంధన పాటించకపోయినా..కొద్ది రోజుల తర్వాత..పక్కాగా లాక్ డౌన్ అమలవుతోంది. కానీ..ప్రధాని ఇచ్చిన గడువు ముగియడానికి కేవలం 9 రోజులు మాత్రమే ఉంది. ఈ రోజులే అత్యంత కీలకమని అంటున్నారు వైద్య నిపుణులు. ఎవరిళ్లకు వారు పరిమితం కావాలని సూచిస్తున్నారు. తెలంగాణ రాష్ట్రంలో కరోనా విజృంభించింది.
* వైరస్ సోకిన వ్యక్తిలో లక్షణాలు కనిపించాలంటే..14 రోజుల వ్యవధి నిర్ణయించుకున్నారు.
* వీరి ద్వారా వైరస్ వ్యాప్తి చెందిన వారిలో బయటపడటానికి మరో 7 నుంచి 10 రోజుల సమయం పడుతుందని అంచాన వేస్తున్నారు.
* ఓ వ్యక్తి నుంచి మరొక వ్యక్తికి ఈ వైరస్ సోకుతుండడంతో..అందరూ ఇంటి పట్టునే ఉంటే..కేసుల సంఖ్య తక్కువగా నమోదవుతాయని అంటున్నారు.
* తొలుత నమోదైన కేసుల్లో విదేశాల నుంచి వచ్చిన వారిలో అత్యధికంగా కనిపించాయి. వీరితో సన్నిహితంగా మెలిగిన వారిలో ఈ వైరస్ లక్షణాలు కనిపించాయి.
* కానీ ఒక్కసారిగా సీన్ మారిపోయింది. మార్చి 17 నుంచి 19వ తేదీల్లో మర్కజ్ ప్రయాణీకులు తెలంగాణ రాష్ట్రంలో అడుగు పెట్టారు.
* అమాంతం కేసుల సంఖ్య పెరిగిపోయాయి. సుమారు 4 వేల మంది దాక వేర్వేరు గదుల్లో ఉంచారు.
* వీరి నుంచి వైరస్ సోకినట్లుగా భావిస్తున్న వారికి కూడా పరీక్షలు నిర్వహించారు.
* ప్రస్తుతం 9 రోజులు మాత్రమే ఉన్నాయని..దీనిని అందరూ సద్వినియోగం చేసుకుని..ఇంటి పట్టునే ఉండాలని నిపుణులు సూచిస్తున్నారు.
