Highway: హైదరాబాద్- విజయవాడ హైవేపై వెళ్లే వాహనదారులకు గుడ్ న్యూస్.. ఆ మూడు చోట్ల తగ్గిన టోల్ ఛార్జీలు

Hyderabad-Vijayawada Highway: హైదరాబాద్ – విజయవాడ జాతీయ రహదారి నిత్యం రద్దీగా ఉంటుంది. అయితే, ఆ జాతీయ రహదారిపై ప్రయాణించే వాహనదారులకు ఊరట కల్పిస్తూ జాతీయ రహదారుల ప్రాధికార సంస్థ (ఎన్‌హెచ్‌ఏఐ) కీలక నిర్ణయం తీసుకుంది. ఆ రహదారిపై ఉన్న టోల్ గేట్ల వద్ద టోల్ రుసుము తగ్గిస్తూ నిర్ణయించింది. మార్చి 31వ తేదీ అర్థరాత్రి తరువాత (ఏప్రిల్ 1) నుంచి తగ్గించిన టోల్ రుసుము అమల్లోకి రానున్నాయి.

Also Read: Indiramma Indlu: ఇందిరమ్మ ఇండ్ల లబ్ధిదారులకు మరో గుడ్ న్యూస్.. ప్రభుత్వం కీలక నిర్ణయం.. ముందుగానే డబ్బులు..

హైదరాబాద్ – విజయవాడ (65) జాతీయ రహదారిపై తెలంగాణలో చౌటుప్పల్ మండలం పంతంగి, కేతేపల్లి మండలం కొర్లపహాడ్, ఏపీలో చిల్లకల్లు (నందిగామ) వద్ద టోల్ ప్లాజాలు ఉన్నాయి. వీటి వద్ద 2012 డిసెంబర్ నుంచి టోల్ వసూళ్లు ప్రారంభమయ్యాయి. 2024 జూన్ 31వరకు ఆ సంస్థ టోల్ వసూళ్లు, రహదారి నిర్వహణను పర్యవేక్షించింది. గతేడాది జూలై 1 నుంచి టోల్ వసూళ్లను ఎన్ హెచ్ఏఐ ఏజెన్సీల ద్వారా చేపడుతోంది. గతంలో జీఎమ్మార్ సంస్థ ఉన్నప్పుడు సంవత్సరానికి ఒకసారి టోల్ రుసుములను పెంచుకునేందుకు ఒప్పందం ఉండేది. ప్రస్తుతం ఎన్ హెచ్ఏఐ టోల్ వసూళ్లను చేపడుతున్నందున టోల్ రుసుములను తగ్గిస్తూ నిర్ణయం తీసుకుంది. ఈ తగ్గించిన టోల్ ధరలు 2026 మార్చి 31 వరకు అమల్లో ఉండనున్నాయి.

Also Read: ఏపీలో ఇంటర్ విద్యార్థులకు బిగ్ అలర్ట్.. వేసవి సెలవులు ఇప్పట్లో లేవు.. క్లాసులు ప్రారంభం.. ప్రభుత్వం కీలక నిర్ణయం..!

ధరలు తగ్గించిన తరువాత టోల్ రుసుములు ఇలా..
పంతంగి టోల్ ప్లాజా వద్ద..
♦ కారు, జీపు, వ్యాన్, లైట్ మోటారు వాహనం : ఒకవైపు రూ.80, ఇరువైపులా రూ.115.
♦ లైట్ కమర్షియల్ వాహనం, లైట్ గూడ్స్ వాహనం, మినీ బస్సు : ఒకవైపు రూ.125, ఇరువైపులా రూ.190.
♦ బస్సు లేదా ట్రక్కు (రెండు యాక్సిల్) : ఒకవైపు రూ.265, ఇరువైపులా రూ.395
♦ వాణిజ్య రవాణా వాహనాలు (త్రీ యాక్సిల్) : ఒకవైపు రూ.290, ఇరువైపులా రూ. 435.

కొర్లపహాడ్ టోల్ ప్లాజా వద్ద..
♦ కారు, జీపు, వ్యాన్, లైట్ మోటారు వాహనం : ఒకవైపు రూ.120, ఇరువైపులా రూ.180.
♦ లైట్ కమర్షియల్ వాహనం, లైట్ గూడ్స్ వాహనం, మినీ బస్సు : ఒకవైపు రూ.195, ఇరువైపులా రూ.295.
♦ బస్సు లేదా ట్రక్కు (రెండు యాక్సిల్) : ఒకవైపు రూ.410, ఇరువైపులా రూ.615
♦ వాణిజ్య రవాణా వాహనాలు (త్రీ యాక్సిల్) : ఒకవైపు రూ.450, ఇరువైపులా రూ. 675.

చిల్లకల్లు టోల్ ప్లాజా వద్ద..
♦ కారు, జీపు, వ్యాన్, లైట్ మోటారు వాహనం : ఒకవైపు రూ.105, ఇరువైపులా రూ.155.
♦ లైట్ కమర్షియల్ వాహనం, లైట్ గూడ్స్ వాహనం, మినీ బస్సు : ఒకవైపు రూ.165, ఇరువైపులా రూ.250.
♦ బస్సు లేదా ట్రక్కు (రెండు యాక్సిల్) : ఒకవైపు రూ.350, ఇరువైపులా రూ.520
♦ వాణిజ్య రవాణా వాహనాలు (త్రీ యాక్సిల్) : ఒకవైపు రూ.380, ఇరువైపులా రూ. 570.