Pre-primary Schools Timings: ప్రీ ప్రైమరీ పాఠశాలల్లో బిగ్ ఛేంజ్.. సాయంత్రం 4 వరకు క్లాసులు? విద్యాశాఖ ప్రత్యేక కమిటీ

Telangana government pre primary schools timings change committee

• ప్రీ ప్రైమరీ వేళల్లో మార్పులు
• సాయంత్రం వరకు తరగతుల డిమాండ్
• కమిటీ నివేదికపై తుది నిర్ణయం

Pre-primary Schools Timings: తెలంగాణలోని ప్రభుత్వ ప్రీ ప్రైమరీ పాఠశాలల పనివేళల్లో మార్పులు తీసుకువచ్చేందుకు రాష్ట్ర విద్యాశాఖ తీవ్ర సమాలోచనలు చేస్తోంది. వర్కింగ్ పేరెంట్స్ పడుతున్న ఇబ్బందులను తొలగించడం మరియు ప్రైవేట్ స్కూళ్లతో పోటీగా నిలవడమే లక్ష్యంగా ఈ అడుగులు వేస్తోంది. ప్రస్తుతం ఉన్న పనివేళల వల్ల విద్యార్థుల తల్లిదండ్రులు ఎదుర్కొంటున్న రవాణా, పర్యవేక్షణ సమస్యలను పరిష్కరించడానికి ఈ అధ్యయనం ప్రారంభమైంది. రాష్ట్రవ్యాప్తంగా దాదాపు 4,131 ప్రభుత్వ బడుల్లో ప్రీ ప్రైమరీ క్లాసులు నడుస్తుండగా, సుమారు 65 వేల మందికి పైగా చిన్నారులు విద్యనభ్యసిస్తున్నారు. ప్రైవేట్ పాఠశాలలకు(Pre-primary Schools Timings) దీటుగా నిలిచేలా ఇక్కడి వసతులు, సమయాలను మార్చాలనే డిమాండ్ క్రమంగా పెరుగుతోంది.

Adulterated Masala: మసాలాల్లో విషపదార్థాలు.. హెయిర్ కలర్స్, కెమికల్స్ తో తయారీ.. 114 టన్నుల నిల్వలు సీజ్

4 గంటల వరకు తరగతులు:

ప్రస్తుతం జిల్లాల్లో ఉదయం 9 నుండి మధ్యాహ్నం 12:30 వరకు, జంట నగరాల్లో ఉదయం 8:45 నుండి మధ్యాహ్నం 12 గంటల వరకే తరగతులు జరుగుతున్నాయి. దీనివల్ల ఉద్యోగాలు, పనులకు వెళ్లే తల్లిదండ్రులు మధ్యాహ్నానికే ఇంటికి వచ్చే పిల్లల రక్షణ పట్ల తీవ్ర ఆందోళన చెందుతున్నారు. ప్రైవేట్ స్కూళ్లలో లాగా సాయంత్రం 4 గంటల వరకు తరగతులు నిర్వహించాలని, అప్పుడే పిల్లలు సురక్షితంగా ఉంటారని పేరెంట్స్ కోరుతున్నారు. సమయాన్ని పెంచాలని టీచర్లు, తల్లిదండ్రుల నుండి విజ్ఞప్తులు వెల్లువెత్తడంతో విద్యాశాఖ చర్యలు వేగవంతం చేసింది.

అధికారుల కమిటీ ఏర్పాటు & తుది నిర్ణయం:

ఈ అంశంపై లోతుగా అధ్యయనం చేసి నివేదిక ఇచ్చేందుకు స్కూల్ ఎడ్యుకేషన్ డైరెక్టర్ నవీన్ నికోలస్ నాయకత్వంలో అధికారులతో కూడిన ఒక ఉన్నత స్థాయి కమిటీని ఏర్పాటు చేశారు. సాయంత్రం వరకు వేళలు పెంచితే కావలసిన మధ్యాహ్న భోజన వసతి, పిల్లల పర్యవేక్షణ, టీచర్లపై పడే అదనపు భారంపై ఈ కమిటీ సమగ్ర నివేదిక అందించనుంది. ఈ అధ్యయన కమిటీ ఇచ్చే రిపోర్ట్ ఆధారంగానే సమయాల పెంపుపై ప్రభుత్వం తుది నిర్ణయం తీసుకోనుంది.