BC Study Circle : తెలంగాణ బీసీ స్టడీ సర్కిల్.. గ్రూప్-1 మెయిన్ పరీక్షకు ఉచిత శిక్షణ
తెలంగాణ రాష్ట్ర బీసీ స్టడీ సర్కిల్ ఆధ్వర్యంలో గ్రూప్-1 మెయిన్ పరీక్షకు ఉచిత శిక్షణ ఇవ్వనున్నారు. ఈ మేరకు స్టడీ సర్కిల్ డైరెక్టర్ అలోక్ కుమార్ గురువారం ఒక ప్రకటన విడుదల చేశారు.
- Published By: 10TV Digital Team ,Published On : January 20, 2023 / 12:33 AM IST
BC Study Circle
BC Study Circle : తెలంగాణ రాష్ట్ర బీసీ స్టడీ సర్కిల్ ఆధ్వర్యంలో గ్రూప్-1 మెయిన్ పరీక్షకు ఉచిత శిక్షణ ఇవ్వనున్నారు. ఈ మేరకు స్టడీ సర్కిల్ డైరెక్టర్ అలోక్ కుమార్ గురువారం ఒక ప్రకటన విడుదల చేశారు. బీసీ స్టడీ సర్కిళ్లలో శిక్షణ పొందిన వారిలో 182 మంది గ్రూప్-1 మెయిన్స్ పరీక్షకు అర్హత సాధించడంపై సంతోష వ్యక్తం చేశారు. అదే సమయంలో మెయిన్స్ కూడా ఉచితంగా శిక్షణ ఇవ్వాలని నిర్ణయించినట్లు వెల్లడించారు.
వరంగల్, ఖమ్మం స్టడీ సర్కిళ్లలో 100, హైదరాబాద్ స్టడీ సర్కిల్ లో 200 మంది చొప్పున మొత్తం 400 మందికి మెయిన్ పరీక్షకు ఉచిత శిక్షణ ఇవ్వనున్నట్లు తెలిపారు. బీసీ స్టడీ సర్కిళ్లలో శిక్షణ పొంది మెయిన్స్ కు అర్హత సాధించిన అభ్యర్థులకు మొదటి ప్రియారిటీ ఉంటుందని వెల్లడించారు.
అలాగే మెయిన్స్ కు అర్హత సాధించి, ఆసక్తి కలిగివున్న అభ్యర్థులు కూడా స్టడీ సర్కిళ్లలో దరఖాస్తు చేసుకోవాలని తెలిపారు.
Study Circles : నిరుద్యోగులకు ప్రభుత్వం సూపర్ న్యూస్.. ఇక ఫ్రీగా కోచింగ్.. నియోజకవర్గానికి ఒకటి
అయితే, మెరిట్ ఆధారంగా శిక్షణ ఎంపిక ఉంటుందని స్పష్టం చేశారు. ఉచిత శిక్షణతోపాటు నెలకు రూ.5 వేల చొప్పున 3 నెలల పాటు స్కాలర్ షిప్ కూడా అందివ్వనున్నట్లు వెల్లడించారు. అభ్యర్థులు ఈ అవకాశాన్ని సద్వినియోగం చేసుకోవాలని సూచించారు.
