Telangana Rains: వర్షాలు వచ్చేశాయ్.. 30 జిల్లాలకు ఎల్లో అలర్ట్
తెలంగాణ వ్యాప్తంగా రాబోయే మూడు రోజుల పాటు పలు జిల్లాల్లో తేలికపాటి నుండి ఓ మోస్తరు వర్షాలు(Telangana Rains) కురిసే అవకాశం ఉందని హైదరాబాద్ వాతావరణ కేంద్రం వెల్లడించింది.
- V Santhosh Kumar
- Updated on- June 8, 2026 / 02:25 PM IST
telangana weather update yellow alert issued for hyderabad and other districts
- తెలంగాణలో మూడు రోజులు మోస్తరు వర్షాలు.
- హైదరాబాద్ సహా జిల్లాలకు ఎల్లో అలర్ట్.
- ఉష్ణోగ్రతల్లో పెద్ద మార్పులు ఉండబోవని వెల్లడి.
Telangana Rains: తెలంగాణ వ్యాప్తంగా రాబోయే మూడు రోజుల పాటు వాతావరణంలో కీలక మార్పులు చోటుచేసుకోనున్నాయి. రాష్ట్రంలోని పలు జిల్లాల్లో తేలికపాటి నుండి ఓ మోస్తరు వర్షాలు కురిసే అవకాశం ఉందని హైదరాబాద్ వాతావరణ కేంద్రం వెల్లడించింది. ఈ అకాల వర్ష సూచనతో ఎండల తీవ్రత నుండి ప్రజలకు కొంత ఉపశమనం లభించనుంది.
వర్షాల నేపథ్యంలో వాతావరణ శాఖ రాష్ట్రంలోని మెజారిటీ జిల్లాలకు ‘ఎల్లో అలర్ట్(Telangana Rains)’ జారీ చేసింది. ఉత్తర, దక్షిణ మరియు మధ్య తెలంగాణ పరిధిలోని ఆదిలాబాద్, నిజామాబాద్, కరీంనగర్, వరంగల్, నల్గొండ, సూర్యాపేటలతో పాటు హైదరాబాద్, రంగారెడ్డి, మేడ్చల్ మల్కాజ్గిరి, సంగారెడ్డి, మెదక్, కామారెడ్డి, మహబూబ్నగర్ వంటి సుమారు 30 జిల్లాలకు ఈ హెచ్చరికలు వర్తిస్తాయని అధికారులు పేర్కొన్నారు.
అయితే, వర్షాలు కురిసినప్పటికీ రాబోయే మూడు రోజుల్లో గరిష్ఠ, కనిష్ఠ ఉష్ణోగ్రతల్లో ఎలాంటి పెద్ద మార్పులు ఉండబోవని వాతావరణ కేంద్రం స్పష్టం చేసింది. ఎండల తీవ్రత యథావిధిగా కొనసాగుతూనే, అక్కడక్కడా ఉరుములు, మెరుపులతో కూడిన వర్షాలు పడే అవకాశం ఉన్నందున ప్రజలు, ముఖ్యంగా రైతులు అప్రమత్తంగా ఉండాలని సూచించింది.