TS TET 2024 Application Deadline Extension : తెలంగాణలో ఉపాధ్యాయ అర్హత పరీక్ష (టెట్) దరఖాస్తు గడువును రాష్ట్ర ప్రభుత్వం పొడిగించింది. గతంలో పేర్కొన్న గడువు నేటితో ముగియనున్న నేపథ్యంలో ప్రభుత్వం ఈ నిర్ణయం తీసుకుంది. ప్రస్తుతం పెంచిన గడువు ప్రకారం.. ఈనెల 20వ తేదీ వరకు అభ్యర్థులు దరఖాస్తు చేసుకొనే వెసులుబాటు ఉంటుంది.
Also Read : TS TET 2024 : గుడ్ న్యూస్.. ‘టెట్’ నోటిఫికేషన్ విడుదల.. డీఎస్సీ పరీక్ష తేదీలు కూడా..!
టెట్ కోసం మంగళవారం (9వ తేదీ) వరకు 1.93లక్షల మంది దరఖాస్తు చేసుకున్నారు. అయితే, గతంకంటే ఈ ఏడాది టెట్ కు దరఖాస్తులు తక్కువ రావడం గమనార్హం. ఈ మధ్య కాలంలో బీఈడీ చేసేవారి సంఖ్య గణనీయంగా తగ్గిపోవడమే కారణంగా విద్యావేత్తలు పేర్కొంటున్నారు. 2016లో 3.40లక్షలు దరఖాస్తులు వచ్చాయి. 2017లో 3.29లక్షలు, 2022లో 3.79లక్షలు, 2023లో 2.83లక్షల దరఖాస్తులు ఉన్నాయి. ఈ ఏడాది ఇప్పటి వరకు కేవలం 1.93,135 దరఖాస్తులు మాత్రమే వచ్చాయి. ఈ నేపథ్యంలోనే గడువు పొడిగించినట్లు తెలుస్తోంది.
