MG Comet EV Bookings : ఎంజీ కామెట్ మినీ ఈవీ కార్ల బుకింగ్ మొదలైందోచ్.. కేవలం రూ.11వేలకే బుకింగ్ చేసుకోండి.. లిమిటెడ్ ఆఫర్..!
MG Comet EV Bookings : కొత్త ఎలక్ట్రిక్ ఈవీ కారు కొనేందుకు ప్లాన్ చేస్తున్నారా? ఎంజీ కామెట్ మినీ ఎలక్ట్రిక్ కారు బుకింగ్స్ మొదలయ్యాయి. కేవలం రూ. 11వేలకు బుకింగ్ చేసుకోవచ్చు.
![MG Comet EV Bookings : ఎంజీ కామెట్ మినీ ఈవీ కార్ల బుకింగ్ మొదలైందోచ్.. కేవలం రూ.11వేలకే బుకింగ్ చేసుకోండి.. లిమిటెడ్ ఆఫర్..! MG Comet EV Bookings : ఎంజీ కామెట్ మినీ ఈవీ కార్ల బుకింగ్ మొదలైందోచ్.. కేవలం రూ.11వేలకే బుకింగ్ చేసుకోండి.. లిమిటెడ్ ఆఫర్..!](https://diey8xpfs90ha.cloudfront.net/wp-content/uploads/2023/05/MG-Comet-EV-bookings-commence-with-token-amount.jpg)
MG Comet EV bookings commence with token amount of Rs 11,000; check full price, variants, other details
MG Comet EV Bookings on Variants : 99ఏళ్ల చిహ్నాత్మక బ్రిటిష్ ఆటోమొబైల్ బ్రాండ్ కంపెనీ (MG Motor India) నుంచి కొత్త మినీ ఎలక్ట్రిక్ కారు (MG Comet EV) కోసం బుకింగ్లను ప్రారంభించినట్లు అధికారికంగా ప్రకటించింది. ఈ కామెట్ ఈవీ ఇప్పుడు MG మోటార్ ఇండియా వెబ్సైట్ (https://www.mgmotor.co.in) ద్వారా, దేశవ్యాప్తంగా ఉన్న MG డీలర్షిప్లలో ఆన్లైన్లో బుక్ చేసుకునేందుకు అందుబాటులో ఉంది. ఈ ఎంజీ కామెట్ మినీ ఈవీ కారును కేవలం రూ. 11వేలకే బుకింగ్లను పొందవచ్చు. అంతేకాదు.. ఎంజీ ‘MyMG‘ యాప్లో ‘Track and Trace‘ అనే ఫీచర్ను కూడా ప్రవేశపెట్టింది. ఈ ఫీచర్ కస్టమర్లు వారి మొబైల్ డివైజ్ల నుంచి నేరుగా కార్ బుకింగ్ల స్టేటస్ ట్రాక్ చేసేందుకు అనుమతిస్తుంది. MG కామెట్ EV మినీ కారు పేస్, ప్లే, ప్లష్ అనే మూడు ఆకర్షణీయమైన వేరియంట్లలో అందుబాటులో ఉంది. ఇందులో ఏ వేరియంట్ ధర ఎంత ఉంది అనేది ఇప్పుడు తెలుసుకుందాం..
* Pace : రూ. 7.98 లక్షలు (ఎక్స్-షోరూమ్)
* Play : రూ. 9.28 లక్షలు (ఎక్స్-షోరూమ్)
* Plush : రూ. 9.98 లక్షలు (ఎక్స్-షోరూమ్)
ఈ ప్రత్యేక ధర మొదటి 5వేల బుకింగ్లకు మాత్రమే చెల్లుబాటు అవుతుందని గమనించాలి. కస్టమర్లు తమ బుకింగ్లను ముందుగానే రిజర్వ్ చేసుకోవాల్సి ఉంటుంది. MG కామెట్ EV డెలివరీలు మే 22 నుంచి దశలవారీగా ప్రారంభమవుతాయని కంపెనీ ప్రకటించింది.
MG కామెట్ EV ఫీచర్లు :
ఎంజీ కామెట్ EV ప్రిస్మాటిక్ సెల్లతో 17.3kWh li-ion బ్యాటరీతో వచ్చింది. 230km పరిధిని అందిస్తుంది. డ్రైవింగ్ పరిస్థితుల ఆధారంగా వాస్తవ ప్రపంచ పరిధి మారవచ్చు. భద్రత పరంగా MG కామెట్ EV స్ట్రక్చరల్ రీన్ఫోర్స్మెంట్ 17 హాట్ స్టాంపింగ్ ప్యానెల్లను కలిగి ఉంది. ఇందులో బ్యాటరీ సెక్యూరిటీ పరంగా 39 కఠినమైన టెస్టులను కూడా నిర్వహించిందని కంపెనీ పేర్కొంది. కామెట్ EV కఠినమైన వాతావరణ పరిస్థితులను తట్టుకోగలదని MG హామీ ఇస్తుంది.
ఫీచర్ల పరంగా చూస్తే.. MG కామెట్ EV వైర్లెస్ ఆండ్రాయిడ్ ఆటో, ఆపిల్ కార్ప్లే, మూడు డ్రైవ్ మోడ్లు, మూడు కైనెటిక్ ఎనర్జీ రికవరీ సిస్టమ్ (KERS) మోడ్లను అందిస్తుంది. వాహనంలో డ్యూయల్ ఫ్రంట్ ఎయిర్బ్యాగ్లు, ABS+EBD, ఫ్రంట్, బ్యాక్ 3-పాయింట్ సీట్ బెల్ట్లు, వెనుక పార్కింగ్ కెమెరా, సెన్సార్, TPMS (టెస్ట్), ISOFIX చైల్డ్ సీట్ ప్రొవిజన్లతో సహా అనేక రకాల స్టాండర్డ్ సెక్యూరిటీ ఫీచర్లు ఉన్నాయి.
ట్రాక్ అండ్ ట్రేస్ ఫీచర్ :
MG కామెట్ EV కార్లలో కూడా iSmart సిస్టమ్తో ఇంటిగ్రేట్ చేసింది. 55కి పైగా కనెక్ట్ చేసిన కార్ ఫీచర్లు, 100+ వాయిస్ కమాండ్లను అందిస్తుంది. ఫ్లోటింగ్ ట్విన్ డిస్ప్లే 10.25″ హెడ్ యూనిట్, 10.25 డిజిటల్ క్లస్టర్ను కలిగి ఉంది. ఆధునిక, సహజమైన వినియోగదారు ఇంటర్ఫేస్ను నిర్ధారిస్తుంది. స్మార్ట్ స్టార్ట్ సిస్టమ్, ఇద్దరు వ్యక్తుల కోసం షేరింగ్ ఫంక్షన్తో కూడిన డిజిటల్ బ్లూటూత్ కీ, వన్-టచ్ స్లైడ్, రిక్లైన్ ప్యాసింజర్ సీటు వంటి ఇతర ముఖ్యమైన ఫీచర్లు ఉన్నాయి.
![MG Comet EV Bookings : ఎంజీ కామెట్ మినీ ఎలక్ట్రిక్ కార్ల బుకింగ్ మొదలైందోచ్.. కేవలం రూ.11వేలకే బుకింగ్ చేసుకోండి.. లిమిటెడ్ ఆఫర్ మాత్రమే..! MG Comet EV bookings commence with token amount of Rs 11,000; check full price, variants, other details](https://diey8xpfs90ha.cloudfront.net/wp-content/uploads/2023/05/MG-Comet-EV-bookings-commence-with-token-amount-1.jpg)
MG Comet EV bookings commence with token amount of Rs 11K
ఎంజీ మోటర్ ఇండియా డిప్యూటీ మేనేజింగ్ డైరెక్టర్ గౌరవ్ గుప్తా మాట్లాడుతూ.. ఎంజీ కామెట్ ఈవీ బుకింగ్ ప్రకటన పట్ల ఉత్సాహాన్ని వ్యక్తం చేశారు. భారతీయ పట్టణ వినియోగదారుల ప్రత్యేక అవసరాలను తీర్చడానికి ప్రత్యేకంగా వాహనం రూపొందించినట్టు ఆయన చెప్పారు. అంతేకాకుండా, కస్టమర్లకు వారి కార్ బుకింగ్ల స్టేటస్, ఫుల్ విజిబిలిటీని అందించడం లక్ష్యంగా ‘ట్రాక్ అండ్ ట్రేస్’ ఫీచర్ను ప్రవేశపెట్టినట్టు గౌరవ్ గుప్తా వెల్లడించారు.
ఎంజీ మూడు వేరియంట్ల ధరలు ఎంతంటే? :
ఎంజీ కామెట్ పేస్ వేరియంట్ ప్రత్యేకమైన ప్రారంభ ధర రూ. 7.98 లక్షలు, ప్లే, ప్లష్ వేరియంట్లు వరుసగా రు. 9.28, 9.98 లక్షలతో (ఎక్స్-షోరూమ్ ధర) నుంచి అందుబాటులో ఉంటాయి. ఈ ఆఫర్ మొదటి 5వేల బుకింగుల వరకూ మాత్రమే వర్తిస్తుంది. మే చివరి నుంచి దశల వారీగా ఎంజీ కామెట్ మినీ ఈవీ కార్ల డెలివరీలను ప్రారంభించనుంది. కామెట్ రిపేర్లు, సర్వీసులకు సంబంధించి వ్యయాలను కవర్ చేసేలా సొంత ప్యాకేజీతో ప్రత్యేకమైన ఎంజి ఇ-షీల్డు అందిస్తుంది. ఈ స్పెషల్ (3-3-3-8 ప్యాకేజ్) ఈ కింది విధంగా అందిస్తుంది.
* 3 ఏళ్లు లేదా 1 లక్ష కిలోమీటర్ల వారంటీ
* 3 సంవత్సరాల రోడ్ సైడ్ సహాయత (RSA)
* 3 ఉచిత లేబర్ సర్వీసులు..
* షెడ్యూల్ చేసిన మొదటి 3 సర్వీసులు
* 17.3 kWh Li-అయాన్ బ్యాటరీ IP67 రేటింగ్ ప్రిస్మాటిక్ సెల్స్తో 8 ఏళ్లు లేదా 1 లక్షా 20 వేల కిలోమీటర్ల వారంటీ..
అదనంగా, ఎంజి కామెట్ ఈవీ కొనుగోలుపై కేవలం రు.5వేలతో మొదలయ్యే 80కి పైగా ఎక్స్టెన్షన్ వారెంటీ, సర్వీస్ ప్యాకేజీల నుంచి కూడా ఎంపిక చేసుకోవచ్చు. కస్టమర్లు తమ నెక్స్ట్ ఎంజీ ఈవీ కారుకు కూడా సులభంగా అప్గ్రేడ్ చేసుకోవచ్చు. ఇందుకోసం ఎంజీ మోటార్ ఇండియా బై-బ్యాక్ ప్రోగ్రామును అందిస్తోంది. కస్టమర్లు ఈ ప్రత్యేకమైన ప్యాకేజీని కొనుగోలు చేసినప్పుడు 3 ఏళ్ల ఆఖరులో ఒరిజినల్ ఎక్స్-షోరూమ్ వాల్యూతో 60శాతం బై-బ్యాక్ పొందవచ్చు. కామెట్ ఈవీ వేరియంట్లలో ప్రతి ఒక్కటీ సులభమైన అనేక సర్వీస్ ఆప్షన్లను అందిస్తాయి. ఇందులో My MG యాప్ ద్వారా DIY, కాల్ మీదట సర్వీస్ (రిమోట్ అసిస్టెన్స్), ఇంటివద్దనే సర్వీస్, కారును వర్క్షాపుకు తీసుకెళ్లాల్సిన అవసరం లేకుండా పికప్/డ్రాప్ సర్వీసును కూడా అందిస్తోంది.