Kerala : పుట్టినరోజే జీవితంలో ఆఖరి రోజు-నటి,మోడల్ అనుమానాస్పద మృతి

పుట్టినరోజే ఆమె జీవితంలో ఆఖరిరోజు అయ్యింది. బర్త్‌డే రోజు తన కుటుంబ సభ్యులను కలవాలనుకున్న ఆమె కోరిక తీరకుండానే అనుమానాస్పద స్ధితిలో మృతి చెందింది.

Kerala : పుట్టినరోజే జీవితంలో ఆఖరి రోజు-నటి,మోడల్ అనుమానాస్పద మృతి

Shahana

Kerala : పుట్టినరోజే ఆమె జీవితంలో ఆఖరిరోజు అయ్యింది. బర్త్‌డే రోజు తన కుటుంబ సభ్యులను కలవాలనుకున్న ఆమె కోరిక తీరకుండానే అనుమానాస్పద స్ధితిలో మృతి చెందింది. ఆమెది సాధారణ మరణం కాదని..భర్తే హత్యచేసి ఉంటాడని ఆమె తల్లి తండ్రులు ఆరోపిస్తున్నారు.

కేరళలోని కోజికోడ్‌కు చెందిన మోడల్, నటి షహానా మే 12న తన 21వ పుట్టినరోజు జరుపుకుంది. కానీ అదే ఆమె జీవితంలో చివరి రోజు అయ్యింది.  నిన్న అర్ధరాత్రి ఒంటి గంటకు షహానా చనిపోయిందంటూ ఆమె తల్లి తండ్రులకు ఫోన్ వచ్చింది. కాసర్ గోడ్ లోని పరంబిల్ బజార్ లో నివసిస్తున్న షహానా తన ఇంటి బాత్ రూం కిటికీ రెయిలింగ్ కు ఉరివేసుకుని విగతజీవిగా కనిపించింది.

నా కుమార్తె ఆత్మహత్య చేసుకుని ఎప్పటికీ  చనిపోదని.. అత్తింటి ఆరళ్లకు నా కుమార్తె  బలి అయ్యిందని ఆమె తల్లి ఆరోపించింది. అత్తింట్లో నా కుమార్తెను చిత్రహింసలకు గురిచేశారని.. భర్త సజ్జాద్ ఎప్పుడూ తాగి వచ్చి కొట్టేవాడని  చెప్పిందని  ఆమె తల్లి వివరించింది.

షహానా ఈమధ్య  కాలంలోనే అత్తింటి నుంచి బయటకు వచ్చి  భర్తతో  కలిసి విడిగా జీవిస్తోంది.  భర్త డబ్బులు అడుగుతున్నాడని…. దారుణంగా ప్రవర్తిస్తున్నాడని షహానా నా దగ్గర చెప్పుకుని వాపోయింది. ఆమెదగ్గరున్న 25 సవర్ల బంగారాన్ని అంతా వాడుకున్నారు. పుట్టినరోజు నాడు మమ్మల్ని ఆహ్వానించింది. అయితే  అత్తింటివారు అందుకు ఒప్పుకోలేదు.  ఇంతలోనే  ఘోరం జరిగిపోయింది…  అంటూ ఆమె తల్లి భోరున విలపించింది.

కాసర్ గోడ్ జిల్లా   చెరువత్తూరు కు చెందిన షహానా పలు జ్యూయలరీ యాడ్స్ లో నటించింది. ఏడాదిన్నర క్రితం ఆమె సజ్జాద్ ను  వివాహం చేసుకుంది. గతంలో ఖతార్ లో ఉద్యోగం చేసే సజ్జాద్ ఇండియాకు తిరిగి వచ్చాక షహానాతో, కుటుంబ సభ్యులతో కలిసి జీవించసాగాడు.   ఇటీవల షహానా ఒక తమిళ ప్రాజెక్ట్ లో నటించినందుకు గానూ ఆమెకు పారితోషికం లభించింది.

ఆ డబ్బు విషయమై భార్యా భర్తల మధ్య గొడవ  జరిగినట్లు తెలుస్తోంది. నిన్న రాత్రి కూడా సజ్జాద్ ఆలస్యంగా ఇంటికి వచ్చాడు. ఈ విషయమై కూడా దంపతుల మధ్య వాగ్వాదం జరిగినట్లు  తెలుస్తోంది. పోలీసులు కేసు నమోదు చేసుకుని దర్యాప్తు చేస్తున్నారు.

Also Read : Bride Srujana Postmortem : బలవంతం లేదు, ఎఫైర్ లేదు.. సృజన ఇష్టంతోనే పెళ్లి ఏర్పాట్లు