NBCC JOBS : ఎన్ బీసీసీలో ఉద్యోగాల భర్తీ
ప్రాజెక్ట్ మేనేజర్ సివిల్ కేటగిరీలో మొత్తం 15 ఉద్యోగాలు ఖాళీగా ఉన్నాయి. జీతం రూ.60వేల నుంచి రూ.1.80 లక్షల వరకు చెల్లిస్తారు. అభ్యర్థులు సివిల్ ఇంజినీరింగ్లో డిగ్రీ లేదా ప్రభుత్వ గుర్తింపు పొందిన యూనివర్సిటీ నుంచి సివిల్ ఇంజినీరింగ్కు సమానమైన డిగ్రీ చేసి ఉండాలి.
NBCC JOBS : కేంద్ర గృహ నిర్మాణ, పట్టణ వ్యవహారాల మంత్రిత్వ శాఖ ఆధ్వర్యంలోని ప్రభుత్వ సంస్థ నేషనల్ బిల్డింగ్స్ కన్స్ట్రక్షన్ కార్పొరేషన్ ఇండియా లిమిటెడ్(ఎన్బీసీసీ) మేనేజర్ పోస్టుల భర్తీ చేపట్టనుంది. అర్హులైన అభ్యర్థుల నుంచి దరఖాస్తులు కోరుతుంది. ఈ నోటిఫికేషన్ ద్వారా మొత్తం 23 ఖాళీలను భర్తీ చేయనున్నారు. జనరల్ మేనేజర్ ఇంజినీరింగ్, అడిషనల్ జనరల్ మేనేజర్ మార్కెటింగ్, ప్రాజెక్ట్ మేనేజర్ సివిల్ విభాగాల్లో ఈ ఖాళీలు ఉన్నాయి.
జనరల్ మేనేజర్ ఇంజినీరింగ్ కేటగిరీలో మొత్తం 6 పోస్టులు ఖాళీగా ఉన్నాయి. నెలకు జీతం సుమారు రూ.90 వేల నుంచి రూ.2.40 లక్షలు వేతనంగా చెల్లిస్తారు. విద్యార్హతలకు సంబంధించి సివిల్ ఇంజినీరింగ్లో పట్టా లేదా దానికి సమానమైన డిగ్రీ ఏదైనా ప్రభుత్వ గుర్తింపు పొందిన యూనివర్సిటీ నుంచి చేసి ఉండాలి. పీఎంసీ, ఈపీఎస్, స్తిరాస్థి రంగం, మౌలిక సదుపాయాల రంగాల్లో కనీసం 15 సంవత్సరాల పని అనుభవం కలిగి ఉండాలి.
అడిషనల్ జనరల్ మేనేజర్ మార్కెటింగ్ కేటగిరీలో మొత్తం రెండు పోస్టులు ఉన్నాయి. వేతనంగా నెలకు రూ.80 వేల నుంచి రూ.2.20లక్షలు చెల్లిస్తారు. విద్యార్హతలకు సంబంధించి ఎంబీఏ లేదా ఏదైనా రంగంలో రెండేళ్ల పోస్ట్ గ్యాడ్యుయేషన్ డిప్లొమా చేసి ఉండాలి. బిజినెస్ డెవలప్మెంట్ లేదా మార్కెటింగ్లో 12 ఏళ్ల అనుభవం కలిగి ఉండాలి.
ప్రాజెక్ట్ మేనేజర్ సివిల్ కేటగిరీలో మొత్తం 15 ఉద్యోగాలు ఖాళీగా ఉన్నాయి. జీతం రూ.60వేల నుంచి రూ.1.80 లక్షల వరకు చెల్లిస్తారు. అభ్యర్థులు సివిల్ ఇంజినీరింగ్లో డిగ్రీ లేదా ప్రభుత్వ గుర్తింపు పొందిన యూనివర్సిటీ నుంచి సివిల్ ఇంజినీరింగ్కు సమానమైన డిగ్రీ చేసి ఉండాలి. పీఎంసీ, ఈపీఎస్, రియల్ ఎస్టేట్, ఇన్ఫ్రాస్టక్చర్ రంగాల్లో కనీసం ఆరేళ్ల అనుభవం కలిగి ఉండాలి. అభ్యర్థులు అధికారిక వెబ్సైట్ ద్వారా ఆన్లైన్లో దరఖాస్తు చేసుకోవాలి. దరఖాస్తులకు జూన్ 8, 2022 చివరి గడువు తేదీగా నిర్ణయించారు. పూర్తి వివరాలకు https://www.nbccindia.com/ పరిశీలించగలరు.