Funny video : ఫుట్‌బాల్‌ గ్రౌండులో అమ్మను పరుగులు పెట్టించిన బుడ్డోడు..

సీరియస్ గా ఫుట్ బాట్ మ్యాచ్ జరుగుతుండగా ఓ రెండేళ్ల పిల్లాడు తల్లిని పరుగులు పెట్టించిన వీడియో సోషల్ మీడియాలో వైరల్ గా మారింది. పిల్లాడి కోసం పరుగులు పెట్టిన తల్లీ బిడ్డల్ని చూసిన ఆడియన్స అంతా ఘొల్లుమని నవ్వటం ఫన్నీగా మారింది.

10TV Telugu News

2 year old boy Running Into Football Pitch : సిన్‌సిన్నాటి, ఓర్లాండో మధ్య ఫుట్ బాట్ మ్యాచ్ జరుగుతోంది. అందరూ సీరియస్ గా కన్నార్పకుండా మ్యాచ్ చూస్తున్నారు. ఇంతలో ఓబుడ్డోడు నెమ్మదిగా తల్లి ఒడినుంచి దిగిపోయి గ్రౌండ్ లోకి పాక్కుుంటూ వచ్చేశాడు. సీరియస్ గా మ్యాచ్ చూస్తున్న తల్లి పరధ్యానంగా ఉండగా ఆ పిల్లాడు ఒడిలోంచి జారి గ్రౌండ్ లోకి వచ్చేశాడు.కాసేపటికి తేరుకున్న ఆమె ఫెన్సింగ్‌ కింద నుంచి పాకుతూ గ్రౌండ్‌ వైపు పోతున్న సంగతి గుర్తించింది.

వెంటనే రియాక్ట్‌ అయ్యి ఒక దూకున బారికేడ్‌ దూకి కొడుకు వెంటే గ్రౌండ్‌లోకి దౌడు తీసింది. అప్పటికే ఆ పిల్లాడు గ్రౌండ్ లోకి వచ్చేశాడు. పరుగులు పెట్టుకుంటూ వెళ్లిన ఆ వెంటనే కొడుకును ఒడిసి పట్టుకుంది. అక్కడే ఉండే సిబ్బంది సహకారం లేకుండానే పిల్లాడిని పట్టుకుని గ్రౌండ్‌ నుంచి బయటకు పరుగుపెట్టుకుంటూ వచ్చేసింది. ఇదంతా చూస్తున్న ఆడియన్స్ అందరూ ఒక్కసారిగా ఘొల్లుమని గోల చేసింది.

కట్‌ చేస్తే.. సోషల్‌ మీడియాలో ఈ వీడియో వైరల్‌ అయ్యింది. కేవలం సెకన్ల వ్యవధిలో జరిగిన ఈ ఘటనను మేజర్‌ లీగ్‌ సాకర్‌ ట్విటర్‌ పేజ్‌ ఆ సరదా వీడియోను పోస్ట్‌ చేసింది. ఆ పిలగాడి పేరు జేడెక్‌ కార్పెంటర్‌, ఆ తల్లి పేరు మోర్గాన్‌ టక్కర్‌. ఓహియోలో ఉంటారు ఆ తల్లీకొడుకులు