Booster Dose : అర్హులైన వారికి నేటి నుంచి బూస్టర్ డోస్

దేశవ్యాప్తంగా నేటి నుంచి ఆరోగ్య కార్యకర్తలు, వృద్ధులకు ప్రికాషన్​ డోసు ఇవ్వనున్నారు.

Booster Dose :  దేశవ్యాప్తంగా నేటి నుంచి ఆరోగ్య కార్యకర్తలు, వృద్ధులకు ప్రికాషన్​ డోసు ఇవ్వనున్నారు. దేశంలోని 1.05 కోట్ల ఆరోగ్య కార్యకర్తలు, 1.9 కోట్ల ఫ్రంట్​లైన్​ వర్కర్లు, 2.75 కోట్ల 60 ఏళ్ల పైబడినవారు ప్రికాషన్ డోసు వేసుకోనున్నారని ప్రభుత్వం అంచనా వేసింది.

రెండో డోస్ తీసుకుని 9 నెలలు పూర్తయిన ఆరోగ్య సిబ్బంది, ఫ్రంట్​లైన్​ వర్కర్లు, 60 ఏళ్లు పైబడి ఆరోగ్య సమస్యలు ఉన్నవారికి ప్రికాషన్​ డోసు వేయనున్నారు. ప్రికాషన్ డోసు అర్హులైనవారికి ఇప్పటికే కోవిన్ పోర్టల్ నుంచి కేంద్ర ప్రభుత్వం మెసేజ్ లు పంపించింది.

ఉత్తర్​ప్రదేశ్​, ఉత్తరాఖండ్​, పంజాబ్​, మణిపుర్, గోవాలో ఎన్నికల విధులు నిర్వర్తించనున్న సిబ్బందిని ఫ్రంట్​లైన్ వర్కర్లుగానే గుర్తించి వారికీ ప్రికాషన్ డోస్ వేయనున్నారు. గతంలో రెండు సార్లు తీసుకున్న వ్యాక్సిన్ నే ప్రికాషన్​ డోసు కింద ఇవ్వనున్నట్లు కేంద్రం తెలిపింది.
Also Read : South Central Railway : రెండు ప్రత్యేక రైళ్లను రద్దు చేసిన దక్షిణ మధ్య రైల్వే
కొవిడ్​-19 ప్రికాషన్​ డోసు పొందాలనుకుంటున్న లబ్ధిదారులు మళ్లీ కొత్తగా రిజిస్ట్రేషన్​ చేసుకోవాల్సిన అవసరం లేదని కేంద్రం స్పష్టం చేసింది. ఇప్పటికే రెండు డోసులు తీసుకున్న అర్హులైన వారు నేరుగా అపాయింట్​మెంట్​ తీసుకోకుండా….. నేరుగా వ్యాక్సినేషన్​ కేంద్రానికి వెళ్లి టీకా తీసుకోవచ్చని కేంద్రం తెలిపింది.