Bananas : ఆ 5 సమస్యలకు డ్రగ్స్ కంటే మెరుగ్గా చికిత్స చేయగల అరటిపండ్లు !

మలబద్ధకం సమ్య ఉన్నప్పుడు ఉబ్బరం, కడుపునొప్పి మరియు మలం పోవడానికి ఇబ్బంది పడటం వంటి లక్షణాలు ఉంటాయి. సాధారణం కంటే తక్కువ ప్రేగు కదలికలను కలిగి ఉంటారు, దీని వలనచాలా అసౌకర్యంగా ఉంటుంది.

Bananas : ప్రతి ఇంట్లో ఏ పండు ఉన్నా లేకపోయినా అరటి పండ్లు మాత్రం ఉంటాయి. మిగతా పండ్లతో పోలిస్తే అరటి పండ్లు కొంచెం చవకైన పండ్లు, సులువుగా దొరుకుతాయి. అరటిపండ్లు సాధారణమైనవిగా అనిపించినప్పటికీ, వాటికి అసాధారణ శక్తులు ఉన్నాయి. ఈ పండ్లు ఔషధంలా ఎంత బాగా పనిచేస్తాయో తెలిస్తే ఆశ్చర్యపోతారు. ఒక వ్యక్తి యొక్క రోజువారీ పొటాషియం అవసరాలలో దాదాపు 9% అరటి అందిస్తుంది. అరటిలో ఫైబర్, పొటాషియం, ఫోలేట్ మరియు విటమిన్ సి వంటి యాంటీఆక్సిడెంట్లు ఉంటాయి.

తీవ్రమైన వ్యాయామం తరువాత అథ్లెట్లకు శక్తిని అందించడంలో సహాయపడతాయని నిరూపితమైంది. అందుకే క్రీడాకారులు ఎక్కువగా తక్షణ శక్తి కోసం అరటిపండ్లు తింటుంటారు. అవి కార్బోహైడ్రేట్ పానీయాల మాదిరిగానే తక్షణం శక్తిని అందిస్తాయి. ఆరెంజ్ జ్యూస్‌తో పోలిస్తే, మధ్యస్థ అరటిపండులో యాంటీఆక్సిడెంట్‌ల స్థాయి అదే స్థాయిలో ఉంటుంది. క్యాన్సర్, గుండె జబ్బులు మరియు నిద్ర రుగ్మతలు వంటి నిర్దిష్ట సమస్యల నియంత్రణకు అరటిపండ్లు సహాయపడతాయి. అంతేకాకుండా మరికొన్ని సమస్యల నుండి అరటి పండు మనకు రక్షణ కల్పిస్తుంది. అవేంటో తెలుసుకునే ప్రయత్నం చేద్దాం…

1. అధిక రక్తపోటు నియంత్రించటంలో ; అధిక రక్తపోటు, గుండె జబ్బులకు ప్రధాన ప్రమాద కారకం. పురుషులు,మహిళలు ఇద్దరి మరణానికి ప్రధాన కారణం. అయితే, అరటిపండ్లు ఎక్కువగా తినడం వల్ల ఈ ప్రమాదాన్ని తగ్గించుకోవచ్చు. ఈ శక్తి దీనిలోని పొటాషియం లోపల ఉంది. ఇది సోడియం ప్రభావాన్ని తగ్గిస్తుంది, సోడియం అనేది రక్త నాళాలపై ఒత్తిడిని కలిగించే ఖనిజం. అదేక్రమంలో అరటిలోని పొటాషియం, ఉద్రిక్తత మరియు ఒత్తిడిని తగ్గిస్తుంది. ఇది మూత్రం ద్వారా సోడియం విసర్జనను కూడా ప్రోత్సహిస్తుంది. వాటిని క్రమం తప్పకుండా ఆహారంలో భాగంగా చేసుకోవటం వల్ల రక్తపోటు మందుల అవసరాన్ని తగ్గించడంలో సహాయపడతాయి.

2. ఒత్తిడిని తగ్గించటంలో ; డిప్రెషన్ అనేది ఇటీవలికాలంలో అత్యంత సాధారణ మానసిక రుగ్మతలలో ఒకటి. 3 నుండి 5 శాతం పెద్దలు ఎప్పుడైనా దీనికి ప్రభావితమవుతారు. తరచుగా, డిప్రెషన్ ఆందోళనతో చాలా మంది బాధపడుతుంటారు. అరటిపండ్లలో విటమిన్ B6 పుష్కలంగా ఉంటుంది, ఇది మానసిక స్థితికి సంబంధించిన పోషకం. దీనిలోపం ఏర్పడితే నిరాశ, చిరాకు మరియు భయాందోళనలను కలిగి ఉంటారు. అరటి పండ్లు డోపమైన్ స్థాయిలను కూడా పెంచుతాయి. వాస్తవానికి సహజంగానే, అరటిపండ్లు నిరాశను నయం చేయవు. చికిత్సలో భాగంగా వ్యాయామం మరియు సామాజిక మద్దతు కూడా అవసరం. అయితే పండ్లు మరియు కూరగాయలు తినడం ఖచ్చితంగా ఒత్తిడి తగ్గించటంలో కీలక పాత్ర పోషిస్తాయి.

3. నిద్రలేమిని దూరం చేస్తుంది ; మంచి ఆరోగ్యానికి నిద్ర తప్పనిసరి. చాలా మంది తగినంతగా నిద్రపోరు. దాదాపు 30 శాతం మంది పెద్దలు రాత్రికి 6 గంటల కంటే తక్కువ సమయం నిద్రపోతుంటారు. 7 నుండి 8 గంటలు లేదా 9గంటల సమయం చాలా మందికి నిద్ర అనేది అవసరం అయితే దీనికి నిద్రలేమి అడ్డంకిగా నిలుస్తుంది. అరటిపండ్లు ఈ సాధారణ నిద్ర రుగ్మతకు ప్రయోజనం చేకూరుస్తాయి. విటమిన్ B6 మెలటోనిన్‌ను తయారు చేయడానికి సహాయపడుతుంది, ఇది నిద్ర మరియు మేల్కొలుపును నియంత్రించే హార్మోన్. నిద్రకోసం స్లీపింగ్ పిల్స్ తీసుకునేకంటే అరటిపండ్లు మరింత సహజమైనవి. నిద్రపట్టేలా చేస్తాయి.

READ ALSO : Summer Health Problems : వేసవి కాలంలో ఎదురయ్యే ఆరోగ్యపరమైన ఇబ్బందులు ఇవే?

4. మలబద్ధకంతో పోరాడుతుంది ; మలబద్ధకం సమ్య ఉన్నప్పుడు ఉబ్బరం, కడుపునొప్పి మరియు మలం పోవడానికి ఇబ్బంది పడటం వంటి లక్షణాలు ఉంటాయి. సాధారణం కంటే తక్కువ ప్రేగు కదలికలను కలిగి ఉంటారు, దీని వలనచాలా అసౌకర్యంగా ఉంటుంది. తక్కువ ఫైబర్ తీసుకోవడం ఒక సాధారణ కారణం. కానీ అరటిపండ్లు ఆ పరిస్ధితి నుండి మిమ్మల్ని బయటపడేయటంలో సహాయపడతాయి. భేదిమందులు తీసుకునే ముందు, అరటిపండు తిని చూడండి. ఒక మీడియం అరటిపండులో 3.1 గ్రాముల ఫైబర్ ఉంటుంది.12 ఇది 20 నుండి 30 గ్రాముల రోజువారీ సిఫార్సును చేరుకోవడానికి మీకు అరటిపండు తోడ్పడుతుంది.

5. ప్రీమెన్ స్ట్రల్ సమస్యలను తగ్గించటంలో ; ముఖ్యంగా మహిళల్లో ప్రీమెన్‌స్ట్రల్ సిండ్రోమ్ (PMS) బాధలను అరటిపండ్లతో నయం చేయవచ్చు. ఈ లక్షణాలు ఋతుస్రావం 1 నుండి 2 వారాల ముందు కనిపిస్తుంది. సాధారణ సమస్యలు తలనొప్పి, అలసట, జీర్ణ సమస్యలు, కండరాల నొప్పి మరియు మానసిక కల్లోలం. మెగ్నీషియం, విటమిన్ B6 మరియు విటమిన్ E ఉపశమనాన్ని అందిస్తాయి. అరటిపండులో నిరాశ, ఉబ్బరం మరియు మలబద్ధకం వంటి వాటిని నిరోధించే గుణాలు ఉన్నాయి.

ఇందుగాను వైద్య నిపుణులు నాప్రోక్సెన్, ఇబుప్రోఫెన్ మరియు ఆస్పిరిన్ వంటి నొప్పి నివారణి మందులను తరచుగా సిఫార్సు చేస్తుంటారు. అయితే సరళమైన నివారణ కావాలంటే, అరటిపండును తీసుకోవచ్చు. తీవ్రమైన తలపోటు ఉన్న వారు వైద్యుల సలహా మేరకు అరటి పండు తీసుకోవాలి