Horoscope Today: అనుకోని అదృష్టం.. ఈ రాశుల వారు ఈరోజు నక్కతోక తొక్కినట్లే..!

Horoscope Today: ఉచ్ఛ స్థితిలో ఉన్న రవి పైకి ఉన్నతంగా కనిపించినా.. అంశల్లో బలహీనపడ్డాడు. చంద్రుడిదీ అదే పరిస్థితి. ఫలితంగా రవి, చంద్ర నక్షత్ర జాతకులు, కర్కాటక, సింహ రాశుల వారికి చికాకులు తప్పవు. శని, రాహు నక్షత్ర జాతకులకు అనుకోని అదృష్టం వరిస్తుంది. మకరం, కుంభ రాశుల వారు ఈ రోజు నక్క తోక తొక్కినట్టే!

మేషం: మీ ఓపికకు పరీక్ష ఎదురవుతుంది. ఎదుటి వ్యక్తుల మాటల వల్ల మనసు చిన్నబుచ్చుకుంటుంది. సంయమనం పాటించడం అవసరం. పట్టువిడుపులు ప్రదర్శిస్తే.. మేలు జరుగుతుంది. దత్తాత్రేయస్వామి ఆలయాన్ని సందర్శించండి.

వృషభం: ప్రశాంతంగా ఉంటారు. దైవ చింతన పెరుగుతుంది. చేపట్టిన పనులు విజయవంతం అవుతాయి. లగ్న గురువు అదృష్టాన్ని ఇస్తాడు. ఏకాదశంలో నాలుగు ఉండటం వల్ల.. ఊహించని మేలు పొందుతారు. సూర్యారాధన మేలు చేస్తుంది.

మిథునం: ద్వితీయ కుజుడు మాటను ప్రభావితం చేస్తాడు. షష్ఠమ చంద్రుడు శత్రువులను పెంచుతాడు. కెరీర్‌ పరంగా ఒత్తిళ్లు ఉంటాయి. గురువు అండగా ఉన్నాడు. సమయోచితంగా వ్యవహరించే శక్తిని ఇస్తాడు. దక్షిణామూర్తి స్తోత్రాలు పఠించండి.

కర్కాటకం: ఎంత కష్టపడినా ఫలితం అంతంత మాత్రంగానే ఉంటుంది. ఉద్యోగులు పనిభారం పెరుగుతుంది. రుణదాతల ఒత్తిళ్లు అధికం అవుతాయి. కుటుంబం అండతో సమస్యల నుంచి బయటపడతారు. ఓపిక అవసరం. శివారాధనతో మేలు కలుగుతుంది.

సింహం: రవి పరీక్షిస్తున్నాడు. ఆరోగ్యపరంగా చికాకులు ఏర్పడతాయి. ఆర్థిక లావాదేవీల్లో ఏమరుపాటు తగదు. విలువైన వస్తువుల విషయంలో జాగ్రత్త అవసరం. ఆత్మీయుల సహకారంతో ఒక ఇబ్బంది నుంచి బయటపడతారు. దుర్గాదేవి స్తోత్రాలు పఠించండి.

కన్య: మాట పట్టింపులు ఉంటాయి. పట్టువిడుపులు ప్రదర్శించడం చాలా అవసరం. అయిన వారిని దూరం చేసుకోకండి. రుణ ప్రయత్నాలు చేయాల్సి రావొచ్చు. ఖర్చుల నియంత్రణ అవసరం. పెద్దల అండదండలు ఉంటాయి. లక్ష్మీదేవి ఆరాధన శుభప్రదం.

తుల: మనసు పరిపరి విధాల ఆలోచిస్తుంది. ఏ విషయంలోనూ స్థిరమైన నిర్ణయానికి రాలేకపోతారు. కొత్త పనుల గురించి ఆలోచించకండి. చేతిలో ఉన్నవాటిని పూర్తి చేయడంపై దృష్టి పెట్టడం అవసరం. స్నేహితుల మద్దతు ఉంటుంది. రామాలయాన్ని సందర్శించండి.

వృశ్చికం: కొత్త ఆశలు చిగురిస్తాయి. తల్లితరఫు బంధువులను కలుసుకుంటారు. రోజంతా ప్రశాంతంగా సాగిపోతుంది. వివాహ ప్రయత్నాలు ఫలవంతం అవుతాయి. పెట్టుబడుల విషయంలో ఆచితూచి వ్యవహరించండి. హనుమాన్‌ చాలీసా పఠించండి.

ధనుస్సు: ప్రశాంతంగా ఉంటారు. కుటుంబానికి సమయం కేటాయిస్తారు. ప్రతికూల పరిస్థితులు ఎదురైనా తట్టుకుంటారు. విజయం సాధిస్తారు. స్నేహితుల వల్ల కార్యసిద్ధి ఉంది. పెద్దల ఆశీస్సులు పొందుతారు. దత్తాత్రేయస్వామి ఆరాధన మేలు చేస్తుంది.

మకరం: మనసికంగా ఉల్లాసంగా ఉంటారు. అనుకున్నది అనుకున్నట్టు చేయగలుగుతారు. పలుకుబడి పెరుగుతుంది. విశేషమైన ధనయోగం ఉంది. బ్యాంకు పనులు సత్వరం పూర్తవుతాయి. ఆరోగ్యం మెరుగవుతుంది. వినాయకుడి ఆలయానికి వెళ్లండి.

కుంభం: కుటుంబంలో ప్రశాంతత నెలకొంటుంది. సోదరులతో సఖ్యత ఏర్పడుతుంది. శత్రువులు మిత్రులుగా మారుతారు. సమయోచిత నిర్ణయాలు తీసుకుంటారు. ప్రయాణాల వల్ల లబ్ధి చేకూరుతుంది. దుర్గాదేవి స్తోత్రాలు పఠించండి.

మీనం: ఆత్మవిశ్వాసంతో పనులు చేపడతారు. పెద్దలను కలుసుకుంటారు. వారి మనసు గెలుచుకుంటారు. భవిష్యత్‌ లక్ష్యాలకు ప్రణాళికలు సిద్ధం చేసుకుంటారు. ఆరోగ్యంగా ఉంటారు. ఆర్థికంగా అనుకూలంగా ఉంటుంది. నరసింహస్వామి ఆరాధన మేలు చేస్తుంది.

(వ్యక్తిగత జాతక వివరాల కోసం సంప్రదించగలరు)
టి. భుజంగరామ శర్మ
77022 86008

Disclaimer : జ్యోతిష్యం అనేది పూర్తి వ్యక్తిగత నమ్మకాలపై ఆధారపడి ఉంటుంది. నిరూపితమైన శాస్త్రం కాదు. ఈ వెబ్‌సైట్‌లోని కంటెంట్ సమాచారం కోసం మాత్రమే. ఇందులో కచ్చితత్వానికి హామీ ఇవ్వలేం. ఈ కంటెంట్ ఆధారంగా తీసుకునే ఏవైనా నిర్ణయాలపై మీదే బాధ్యత. వ్యక్తిగత, ఆర్థిక, వైద్య లేదా చట్టపరమైన విషయాల గురించి పూర్తి సమాచారం కోసం అర్హత కలిగిన నిపుణులను సంప్రదించండి. ఈ కంటెంట్‌ ద్వారా వల్ల కలిగే ఎలాంటి ఫలితాలకు మాది బాధ్యత కాదని గమనించాలి.