JioSpace Fiber vs Starlink : అంబానీ జియోస్పేస్ ఫైబర్, మస్క్ స్టార్‌లింక్ మధ్య తేడాలేంటి? శాటిలైట్ కనెక్టివిటీ, స్పీడ్, ధర ఎంతంటే?
JioSpace Fiber vs Starlink : రిలయన్స్ జియో ఇటీవలే భారత మొట్టమొదటి శాటిలైట్ ఆధారిత ఇంటర్నెట్ సర్వీస్, జియోస్పేస్ ఫైబర్ (JioSpace Fiber)ను దేశంలో ప్రారంభించింది. గిగాబిట్ శాటిలైట్ ఇంటర్నెట్ టెక్నాలజీని మారుమూల ప్రాంతాల్లో హై-స్పీడ్ బ్రాడ్‌బ్యాండ్‌ను అందించడం లక్ష్యంగా పెట్టుకుంది.
- Published By: 10TV Digital Team ,Published On : November 2, 2023 / 05:53 PM IST
JioSpace Fiber vs Elon Musk’s Starlink_ Price, connectivity, speed compared
JioSpace Fiber vs Starlink : ఐఎంసీ 2023 సమయంలో రిలయన్స్ ఇండస్ట్రీస్ చైర్మన్ ముఖేష్ అంబానీ (Mukesh Ambani) భారత మొట్టమొదటి శాటిలైట్ ఆధారిత ఇంటర్నెట్ సర్వీస్‌ను జియో స్పేస్ ఫైబర్ (JioSpace Fiber) పేరుతో ప్రవేశపెట్టారు. ఈ కొత్త ఇంటర్నెట్ సర్వీసును భారత్‌లో అంతకుముందు ఇంటర్నెట్‌కు పరిమితమైన లేదా యాక్సెస్ లేని ప్రాంతాలకు హై-స్పీడ్ బ్రాడ్‌బ్యాండ్‌ను తీసుకురానుంది. భారత్ తన ఇంటర్నెట్ కనెక్టివిటీని ఎలా పొందుతుందో జియో స్పేస్ ఫైబర్ క్యాంపెయిన్ నిర్వహించలేదని, ఈ సర్వీసును స్పేస్‌ఎక్స్ శాటిలైట్ నెట్‌వర్క్, స్టార్‌లింక్‌తో పోల్చారు. ప్రపంచంలోని అనేక మారుమూల ప్రాంతాలకు తక్కువ-ధర ఇంటర్నెట్‌ను అందిస్తుంది.
జియోస్పేస్ ఫైబర్ (JioSpace Fiber) అనేది (Reliance Jio Infocomm Limited) ద్వారా ప్రారంభించిన శాటిలైట్ ఆధారిత గిగాబిట్ బ్రాడ్‌బ్యాండ్ సర్వీసు అయితే, (Starlink) అనేది ఎలన్ మస్క్ (Elon Musk) యాజమాన్యంలోని శాటిలైట్ ఇంటర్నెట్ సర్వీసును అందిస్తోంది. ఈ రెండు ఇంటర్నెట్ సర్వీసులు రిమోట్, తక్కువ సేవలందించే ప్రాంతాలకు హై-స్పీడ్ ఇంటర్నెట్ సదుపాయాన్ని అందించనున్నాయి. అయితే, రెండింటి మధ్య కొన్ని కీలక వ్యత్యాసాలు ఉన్నాయి. ఎలన్ మస్క్ నేతృత్వంలోని స్టార్‌లింక్ నుంచి ముఖేష్ అంబానీ జియోస్పేస్ ఫైబర్ ఎలా విభిన్నంగా ఉందో ఓసారి వివరంగా చూద్దాం.
Read Also : Starlinks Internet ఇకపై అన్ని ఖండాల్లో స్టార్‌లింక్ ఇంటర్నెట్ సర్వీసెస్.. ఎక్కడైనా అందుబాటులోకి ఇంటర్నెట్
జియోస్పేస్ ఫైబర్ vs స్టార్‌లింక్ ఎర్త్ ఆర్బిట్ :
జియోస్పేస్ ఫైబర్ మీడియం ఎర్త్ ఆర్బిట్ (MEO) శాటిలైట్లను ఉపయోగిస్తుంది. అయితే, స్టార్‌లింక్ తక్కువ భూమి కక్ష్య (LEO) శాటిలైట్లను ఉపయోగిస్తుంది. MEO శాటిలైట్లను భూమికి 2వేలు, 12వేల కిలోమీటర్ల మధ్య ఉన్నాయి. అయితే, LEO శాటిలైట్లు భూమికి 160, 2,000 కిలోమీటర్ల మధ్య ఉన్నాయి. MEO శాటిలైట్ల జాప్యం, స్పీడ్, కవరేజ్ మధ్య సమతుల్యతను కలిగి ఉంటాయి. LEO శాటిలైట్లకన్నా ఎక్కువ లో-లెటెన్సీ కలిగి ఉంటాయి. అంతేవేగంగా కవరేజీని అందిస్తాయి. LEO ఉపగ్రహాల మాదిరిగా గ్లోబల్ కాదని గమనించాలి. స్టార్‌లింక్ LEO శాటిలైట్స్ అత్యల్ప లెటన్సీ, అత్యధిక వేగాన్ని అందిస్తాయి. కానీ తక్కువ కవరేజ్ ప్రాంతాన్ని కలిగి ఉంటాయి. మొత్తంమీద, స్టార్‌లింక్ జియోస్పేస్ ఫైబర్‌పై స్వల్ప లెటన్సీ కలిగి ఉంది. అయితే, జియోస్పేస్ ఫైబర్ స్పీడ్, కవరేజీలో మెరుగ్గా ఉంటుందని భావిస్తున్నారు.
జియోస్పేస్ ఫైబర్ vs స్టార్‌లింక్ స్పీడ్ :
జియోస్పేస్ ఫైబర్ గరిష్టంగా 100Mbps వేగాన్ని అందిస్తుందని అంచనా. స్టార్‌లింక్ 1Gbps వరకు వేగాన్ని అందిస్తుంది. అయితే, కేవలం సైద్ధాంతిక వేగం మాత్రమేనని గమనించడం ముఖ్యం. లొకేషన్, వాతావరణ పరిస్థితులు, నెట్‌వర్క్‌లోని యూజర్ల సంఖ్య వంటి అనేక కారకాలపై ఆధారపడి అసలు స్పీడ్ మారవచ్చు.
JioSpace Fiber vs Elon Musk’s Starlink
జియోస్పేస్ ఫైబర్ vs స్టార్‌లింక్ కవరేజ్ :
జియోస్పేస్ ఫైబర్ భారత మార్కెట్లో మాత్రమే అందుబాటులో ఉంది. ఇప్పటికే భారత్‌లోని 4 అత్యంత మారుమూల ప్రాంతాలలో అందుబాటులో ఉంది. అందులో గిర్, గుజరాత్, కోర్బా, ఛత్తీస్‌గఢ్, నబరంగ్‌పూర్, ఒడిశా
ఓఎన్‌జీసీ జోర్హాట్, అస్సాం వంటి మారుమూల ప్రాంతాలు ఉన్నాయి. మరోవైపు, స్టార్‌లింక్ యునైటెడ్ స్టేట్స్, యూరప్, న్యూజిలాండ్, కెనడా, ఆస్ట్రేలియా, దక్షిణ అమెరికా, ఆసియా, ఆఫ్రికా దేశాలతో సహా ప్రపంచంలోని అనేక దేశాలలో అందుబాటులో ఉంది. త్వరలో మరిన్ని దేశాల్లో అందుబాటులో ఉంటుందని భావిస్తున్నారు. 2023 చివరిలో స్టార్‌లింక్ కూడా భారత మార్కెట్లోకి అడుగుపెట్టాలని యోచిస్తున్నట్లు సమాచారం. అయితే, స్టార్‌లింక్ ఎంట్రీ తేదీ గురించి ఇంకా అధికారిక ప్రకటన లేదు.
ఎలన్ మస్క్ ఈ ఏడాది ప్రారంభంలో జూన్ 2023లో భారత ప్రధాని నరేంద్ర మోడీని కూడా కలిశారు. భారత్‌లో స్టార్‌లింక్‌ను ప్రారంభించాలనే ఆకాంక్షను వ్యక్తం చేశారు. ఇంటర్నెట్ లేదా హై-స్పీడ్ సర్వీసులు లేని మారుమూల గ్రామాల్లో కొత్త నెట్‌వర్క్ చాలా సహాయకారిగా ఉంటుందని ఆయన అన్నారు. అయితే, శాటిలైట్ బ్రాడ్‌బ్యాండ్ స్పెక్ట్రమ్‌ను ప్రభుత్వం పంపిణీ చేయడంపై స్టార్‌లింక్ అంబానీకి చెందిన రిలయన్స్ (RELI.NS)తో విభేదిస్తున్నట్లు సమాచారం.
జియోస్పేస్ ఫైబర్ vs స్టార్‌లింక్ ధర ఎంతంటే? :
జియోస్పేస్ ఫైబర్ ధరలు ఇంకా వెల్లడించలేదు. అయినప్పటికీ, జియో స్పేస్‌ఫైబర్ ప్లాన్‌లను అత్యంత సరసమైన ధరకే అందించాలని జియో పేర్కొంది. స్టార్‌లింక్ విషయానికొస్తే.. స్టార్‌లింక్ ప్లాన్‌లు నెలకు 120 డాలర్ల నుంచి ప్రారంభమవుతాయి. భారత్‌లో స్టార్‌లింక్ డిష్ సెటప్ చేసేందుకు యూజర్లు 599 డాలర్లు చెల్లించాల్సి ఉంటుంది.
