ప్రతి బైక్ రైడర్ కల హార్లీ-డేవిడ్‌సన్. ఆ కలను నిజం చేసుకునే సమయం వచ్చేసింది. హార్లీ-డేవిడ్‌సన్ ఇండియా తమ సరికొత్త 2025 మోడళ్లను అధికారికంగా విడుదల చేసింది. సరికొత్త డిజైన్, ఆధునిక టెక్నాలజీ, శక్తిమంతమైన పనితీరుతో ఈ లైనప్ రైడింగ్ ఎక్స్‌పీరియన్స్‌ను మరో స్థాయికి తీసుకెళ్లనుంది. దేశవ్యాప్తంగా ఉన్న అన్ని డీలర్‌షిప్‌లలో ప్రీ బుకింగ్‌లు కూడా ప్రారంభమయ్యాయి. మరి ఈ కొత్త లైనప్‌లో ఏముందో, ధరలు ఎలా ఉన్నాయో చూసేద్దాం..
2025 లైనప్‌లో కొత్తగా ఏముంది?
మీ బడ్జెట్‌కు ఏది సరిపోతుంది? 2025 హార్లీ-డేవిడ్‌సన్ ధరల పూర్తి జాబితా..
| మోడల్ పేరు | ఎక్స్-షోరూమ్ ధర (సుమారుగా) |
|---|---|
| HD X440 | రూ.2.40 లక్షలు |
| HD Nightster | రూ.13.51 లక్షలు |
| HD Nightster Special | రూ.14.29 లక్షలు |
| HD Sportster S | రూ.16.70 లక్షలు |
| HD Heritage Classic | రూ.23.85 లక్షలు |
| HD Fatboy | రూ.25.90 లక్షలు |
| HD Pan America Special | రూ.రూ.25.10 లక్షలు |
| HD Breakoutరూ. | రూ.37.19 లక్షలు |
| HD Street Glide | రూ.39.30 లక్షలు |
| HD Road Glide | రూ.42.30 లక్షలు |
ఈ ఏడాది ప్రత్యేక ఆకర్షణలు
స్ట్రీట్ బాబ్ గ్రాండ్ రీ-ఎంట్రీ
హార్లీ ఫ్యాన్స్ ఎంతోకాలంగా ఎదురుచూస్తున్న Street Bob 117 మళ్లీ భారత మార్కెట్‌లోకి అడుగుపెట్టింది. ఇది ఫ్యాట్ బాబ్ స్థానాన్ని భర్తీ చేయనుంది.
కొత్త ఇంజన్: శక్తిమంతమైన Milwaukee-Eight 117 V-Twin ఇంజన్‌తో వస్తోంది.
స్టైల్: అగ్రెసివ్ బాబర్ స్టైల్, మినీ-ఏప్ హ్యాండిల్‌బార్స్, రైడర్-ఫోకస్డ్ డిజైన్‌తో యువతను ఆకట్టుకోవడం ఖాయం.
CVO సిరీస్
టూరింగ్ అంటే ఇష్టపడే, హై-ఎండ్ టెక్నాలజీని కోరుకునే వారి కోసం CVO Street Glide, CVO Road Glide మోడళ్లు ప్రత్యేక ఆకర్షణగా నిలవనున్నాయి. ఇవి లిమిటెడ్ ఎడిషన్ కావడంతో రోడ్లపై ప్రత్యేక గుర్తింపును ఇస్తాయి. వీటి ధరలను కంపెనీ త్వరలో ప్రకటించనుంది.
ప్రీ-బుకింగ్స్ ప్రారంభం
ప్రస్తుత ఏడాది లైనప్‌లోని అన్ని మోడళ్లను మీ సమీపంలోని హార్లీ-డేవిడ్‌సన్ డీలర్‌షిప్‌లో ప్రీ-బుక్ చేసుకోవచ్చు. సిటీ రైడ్స్ కోసం Nightster నుంచి, లాంగ్ హైవే టూర్ల కోసం Road Glide వరకు… ప్రతి రైడర్ అవసరానికి తగిన బైక్ ఈ లైనప్‌లో ఉంది.
