Selling Smartphone Tips : మీ పాత ఆండ్రాయిడ్ ఫోన్ విక్రయిస్తున్నారా? ఈ 10 విషయాలను తప్పక పూర్తి చేయండి..!
Selling Smartphone Tips : పాత ఫోన్లను అమ్మేందుకు చూస్తున్నారా? అయితే, మీ ఫోన్ విక్రయించే ముందు కొన్ని జాగ్రత్తలను తప్పక తీసుకోవాలి. లేదంటే విలువైన మీ డేటా, వ్యక్తిగత వివరాలు దుర్వినియోగానికి గురయ్యే ప్రమాదం ఉంటుందని తెలుసుకోండి.
Selling Smartphone Tips : మీ పాత ఆండ్రాయిడ్ స్మార్ట్ఫోన్ను విక్రయించాలని ప్లాన్ చేస్తున్నారా? విక్రయించే ముందు మీరు ఈ 10 ముఖ్యమైన విషయాలను తప్పక పూర్తి చేయాల్సి ఉంటుంది. లేదంటే మీ ప్రైవేట్ ఫొటోలు, మెసేజ్లు, మరిన్నింటిని లీక్ చేసే ప్రమాదం ఉంది. అంతేకాదు.. ఆర్థికంగా ఇతర నష్టాలకు దారి తీయవచ్చు. ఈ విషయాలను ఒకటికి రెండు సార్లు చెక్ చేసుకున్న తర్వాత మాత్రమే ఈ ఫోన్ అమ్మకానికి పెట్టడం మంచిది. ఇంతకీ ఆ పది అంశాలేంటో ఓసారి పరిశీలిద్దాం.
మీ బ్యాంకింగ్, యూపీఐ యాప్లన్నింటినీ డిలీట్ చేయండి :
మీరు ఫోన్లోని అన్ని బ్యాంకింగ్ యాప్లను డిలీట్ చేశారో లేదో చెక్ చేసుకోండి. ఈ యాప్లు మొబైల్ నంబర్లకు లింక్ అవుతాయి. ఓటీపీ రాదు. కానీ, యాప్లో మిగిలి ఉన్న ఏదైనా డేటా ప్రమాదకరమైనది కావచ్చు. అదేవిధంగా, ఫోన్ నుంచి అన్ని యూపీఐ యాప్లను డిలీట్ చేయండి.
కాల్ రికార్డ్లు, మెసేజ్లు డిలీట్ చేయాలి :
మీ కాంటాక్టులను బ్యాకప్ చేయడం మాదిరిగానే, మీ మెసేజ్లను కాల్ రికార్డ్లను భద్రపరచడానికి మీకు ఆప్షన్ ఉంటుంది. మీ మెసేజ్లను బ్యాకప్ చేయడానికి ఎస్ఎంఎస్ బ్యాకప్, రీస్టోర్ చేయడం వంటి థర్డ్ పార్టీ సాఫ్ట్వేర్ను ఉపయోగించండి. మీ మెసేజ్లను గూగుల్ డిస్క్లో స్టోర్ చేయడం ద్వారా బ్యాకప్ని క్రియేట్ చేయండి. మీ కొత్త ఫోన్లో రీస్టోర్ సౌకర్యంగా ఉంటుంది.
Read Also : MG Motor Car Price Hike : మారుతి, టాటా బాటలో ఎంజీ మోటార్.. 2024 జనవరిలో పెరగనున్న కార్ల ధరలు..!
అదే అప్లికేషన్ మీ కాల్ రికార్డ్లను బ్యాకప్ చేయడానికి కూడా ఉపయోగించవచ్చు. ఫొటోలు, వీడియోలు, ఇతర మల్టీమీడియా కంటెంట్ను బ్యాకప్ చేసేందుకు క్లౌడ్ స్టోరేజీ సొల్యూషన్ ఉపయోగించండి. గూగుల్ ఫొటోలు, గూగుల్ డిస్క్, మైక్రోసాఫ్ట్ వన్డ్రైవ్, డ్రాప్బాక్స్ లేదా ఏదైనా పాపులర్ క్లౌడ్ సర్వీసు వంటి సర్వీసులను ఉపయోగించి క్లౌడ్ బ్యాకప్ను ఎంచుకోండి.
ఎక్స్ట్రనల్ డ్రైవ్లో డేటా బ్యాకప్ చేయండి :
క్లౌడ్ బ్యాకప్ సిస్టమ్ ద్వారా డేటాను రీస్టోర్ చేయడం సులభం అయితే, ఎక్స్ట్రనల్ డ్రైవ్ బ్యాకప్ మెథడ్ డేటా భద్రతకు అదనపు రక్షణ అందిస్తుంది.
డివైజ్ రీసెట్ చేసే ముందు అన్ని అకౌంట్లలో లాగ్ అవుట్ చేయండి :
మీ స్మార్ట్ఫోన్లో ఫ్యాక్టరీ రీసెట్ చేస్తే మొత్తం డేటాను డిలీట్ అవుతుంది. అయితే, మిమ్మల్ని మీ గూగుల్ అకౌంట్ల నుంచి ఆటోమాటిక్గా లాగ్ అవుట్ చేయదని గమనించాలి. ఫ్యాక్టరీ రీసెట్ను ప్రారంభించే ముందు అన్ని గూగుల్ అకౌంట్లు, ఇతర ఆన్లైన్ అకౌంట్ల నుంచి మాన్యువల్గా లాగ్ అవుట్ చేయడం చాలా అవసరం. మీరు ఫోన్ సెట్టింగ్లలో ‘accounts’ కోసం సెర్చ్ చేయడం ద్వారా లేదా జీమెయిల్ సెట్టింగ్ల ద్వారా ‘accounts’ యాక్సెస్ చేయడం ద్వారా లాగిన్ చేసిన అకౌంట్లను ధృవీకరించవచ్చు.
మైక్రో ఎస్డీ కార్డ్ని తొలగించాలి :
మీరు మైక్రో ఎస్డీ కార్డ్లను ఉపయోగిస్తుంటే.. వాటిని మీ ఫోన్ నుంచి వెంటనే తొలగించండి. అయితే, తొలగించడానికి ముందు, స్టోర్ చేసిన డేటా సురక్షితంగా ఉందో లేదో చెక్ చేసుకోండి.
సిమ్ కార్డ్ని తీసివేయండి లేదా eSIM డేటాను తొలగించండి :
ఇది మీకు చెప్పనవసరం లేదు. కానీ, ఇప్పటికీ, మీ సిమ్ కార్డ్ తీయడం మర్చిపోవద్దు. అలాగే, మీరు eSIMని ఉపయోగిస్తుంటే.. ఫోన్ సెట్టింగ్ల నుంచి దాన్ని డిలీట్ చేయడం అసలు మర్చిపోవద్దు.
వాట్సాప్ బ్యాకప్ను మాన్యువల్గా చేయండి :
కొత్త ఫోన్కి మారడానికి ముందు మీ వాట్సాప్ చాట్లను భద్రపరచుకోవాలి. గూగుల్లో వాట్సాప్ సెట్టింగ్ల ద్వారా చాట్ బ్యాకప్ను రూపొందించండి. మీ చాట్ బ్యాకప్లో చేర్చడానికి లేదా మినహాయించడానికి ఫైల్లను ఎంచుకోవడానికి మీకు ఆప్షన్ ఉంది. తదనంతరం, మీ కొత్త డివైజ్లో వాట్సాప్ లేటెస్ట్ ఇన్స్టాలేషన్ సమయంలో చాట్ బ్యాకప్ని రీస్టోర్ చేయొచ్చు.
డివైజ్ రీసెట్ చేసే ముందు ఎన్క్రిప్ట్ తొలగించండి :
ఫ్యాక్టరీ రీసెట్ని ప్రారంభించే ముందు, మీ ఆండ్రాయిడ్ ఫోన్ ఎన్క్రిప్ట్ చేసి ఉందో లేదో వెరిఫై చేయండి. కాకపోతే, మీరు ఫోన్ సెట్టింగ్ల ద్వారా మాన్యువల్గా ఎన్క్రిప్షన్ని ఎనేబుల్ చేయొచ్చు. మీ డివైజ్ ఎన్క్రిప్ట్ చేయడం వల్ల ఫ్యాక్టరీ రీసెట్ అయిన తర్వాత మీ డేటాకు అనధికారిక యాక్సెస్ గణనీయంగా పెరుగుతుంది. చాలా కొత్త ఆండ్రాయిడ్ ఫోన్లు ముందే ఎన్క్రిప్ట్ చేసినప్పటికీ కూడా పాత వాటికి ఈ ఫీచర్ ఎనేబుల్ చేసి ఉండకపోవచ్చు.
ఫ్యాక్టరీ రీసెట్ చాలా కీలకం :
మీ ఫోన్లోని అన్ని కీలకమైన ఫైల్ల బ్యాకప్ చేసుకోవాలి. ఎన్క్రిప్షన్ తర్వాత, ఫ్యాక్టరీ రీసెట్తో కొనసాగండి. మీ ఫోన్ సెట్టింగ్లకు నావిగేట్ చేయండి, ‘రీసెట్’ ఆప్షన్ కోసం సెర్చ్ చేసి మొత్తం డేటాను ఎరేజ్ చేయండి. ఇందుకోసం (ఫ్యాక్టరీ రీసెట్) ఆప్షన్ ఎంచుకోండి. దాంతో మీ స్మార్ట్ఫోన్ నుంచి మొత్తం డేటా డిలీట్ అవుతుంది.
మీ ఫోన్ రీసేల్ చేయొచ్చు :
మీ పాత ఫోన్ను కొత్త వస్త్రంతో మెల్లగా శుభ్రపరచాలి. ప్రాధాన్యంగా ఏదైనా కెమికల్తో నెమ్మదిగా తుడవాలి. ఇది తప్పనిసరి కానప్పటికీ, డివైజ్ ఉపరితలంపై ఉన్న ఏదైనా దుమ్ము లేదా బ్యాక్టీరియాను తొలగించవచ్చు. మీరు ఒరిజినల్ ఫోన్ కొనుగోలు చేసిన బాక్స్, దాని అప్లియన్సెస్ అలాగే ఉంచుకోవాలి. మీ ఫోన్, యాక్సెసరీలను తిరిగి బాక్స్ లోపల పెట్టుకోండి. ఇప్పుడు మీ ఫోన్ అమ్మకానికి పెట్టుకోవచ్చు.