Ola maintains dominance in EV 2W segment, consolidates market share to 40 Percent in June
Ola Electric : భారత అతిపెద్ద ఎలక్ట్రిక్ వాహన కంపెనీ ఓలా ఎలక్ట్రిక్ (Ola Electric) దేశ మార్కెట్లో EV 2W (ఎలక్ట్రానిక్ టూ వీలర్) విభాగంలో తన ఆధిపత్యాన్ని కొనసాగిస్తోంది. గత జూన్ నెలలో 40శాతం మార్కెట్ వాటాతో ఓలా తన స్థానాన్ని సుస్థిరం చేసుకుంది. సబ్సిడీ తగ్గింపుతో మొత్తం ఈవీ ఇండస్ట్రీ అమ్మకాలు క్షీణించగా.. ఓలా ఎలక్ట్రానిక్ జూన్‌లో దాదాపు 18వేల యూనిట్లను నమోదు చేసింది. వాహన్ డేటా ప్రకారం.. భారత ఈవీ టూ వీలర్ సెక్టార్‌లో ఓలా అగ్రగామిగా నిలిచింది.
ఓలా కంపెనీ చీఫ్ మార్కెటింగ్ ఆఫీసర్ అన్షుల్ ఖండేల్వాల్ మాట్లాడుతూ.. ‘ఓలా మార్కెట్ వాటాను విస్తరించడంలో విజయవంతమైంది. జూన్‌లో పరిశ్రమ మందకొడిగా కొనసాగినప్పటికీ.. అద్భుతమైన రీతిలో అమ్మకాలను నిర్వహించింది. వ్యయ నిర్మాణాలు, సరఫరా గొలుసుతో పాటు పటిష్టమైన ఇన్-హౌస్ మ్యానుఫ్యాక్చరింగ్ వంటివి సబ్సిడీ తగ్గింపు ప్రభావాన్ని కొనసాగించాయి. తద్వారా ఓలా ప్రొడక్టుల ధరలను అత్యంత పోటీతత్వాన్ని పెంచాయి. ఈ జూలైలో S1 ఎయిర్‌తో రాబోయే పోర్ట్‌ఫోలియో విస్తరణపై ఆసక్తిగా ఉన్నాం. ఈవీలను మరింత యాక్సెస్ చేయగలదని భావిస్తున్నాం’ అని ఆయన అన్నారు.
Ola maintains dominance in EV 2W segment, consolidates market share to 40 Percent in June
దేశంలో ఎలక్ట్రిక్ వాహనాల స్వీకరణను వేగవంతం చేసేందుకు దేశవ్యాప్తంగా ఓలా ఎక్స్‌పీరియన్స్ సెంటర్‌లను (EC) వేగంగా ఏర్పాటు చేస్తోంది. ఇటీవలే ఓలా 750వ ECని ప్రారంభించింది. వచ్చే ఆగస్టు నాటికి వెయ్యి ఓలా ఎక్స్‌పీరియన్స్ సెంటర్ల (EC)కు మరింత విస్తరించాలని యోచిస్తోంది. ఓలా ఎక్స్‌పీరియన్స్ సెంటర్‌కు 20 కిలోమీటర్ల పరిధిలో నివసించే 90శాతం ఓలా కస్టమర్‌లకు అనుకూలమైన ప్రదేశంలో అనేక రకాల సేవలను అందిస్తాయి.
ఈవీ విప్లవంలో భాగంగా దేశంలోని 2W విభాగంలో ఓలా S1 స్కూటర్లతో మార్కెట్ వాటను మరింత విస్తరించనుంది. సవరించిన సబ్సిడీలు జూన్ నుంచి అమల్లోకి రావడంతో ఓలా S1 Pro ధర రూ. 1,39,999, S1 (3KWh) రూ. 1,29,999, S1 Air (3KWh) ధర రూ. 1,09,999లకు అందుబాటులో ఉన్నాయి.
