Oppo Find X8 Pro : ఫ్లిప్‌కార్ట్‌లో బ్రహ్మాండమైన డీల్.. ఒప్పో ఫైండ్ X8 ప్రోపై భారీ డిస్కౌంట్.. ఇదే బెస్ట్ టైమ్..!

Oppo Find X8 Pro : కొత్త స్మార్ట్‌ఫోన్ కొనేవారికి అద్భుతమైన ఆఫర్.. భారత మార్కెట్లో త్వరలో ఒప్పో ఫైండ్ X9 సిరీస్‌ లాంచ్ చేసేందుకు సన్నాహాలు చేస్తోంది. ఫ్లిప్‌కార్ట్‌లో ఒప్పో ఫైండ్ X8 ప్రో భారీ ధర తగ్గింపుతో లభిస్తోంది. తక్కువ ధరకు ప్రీమియం స్మార్ట్‌ఫోన్‌ కొనేందుకు ఇదే బెస్ట్ టైమ్. ఒప్పో ఫైండ్ X8 ప్రో పవర్‌ఫుల్ కెమెరా సెటప్, లాంగ్ బ్యాటరీ, స్టైలిష్ డిజైన్‌తో వస్తుంది. ఫ్లాగ్‌షిప్ ఫోన్ అన్ని హై-ఎండ్ ఫీచర్లను అందిస్తుంది. ఇంతకీ ఈ ఒప్పో ఆఫర్ ఎలా పొందాలంటే?

ఒప్పో ఫైండ్ X8 ప్రో ఫ్లిప్‌కార్ట్ డీల్ : భారత మార్కెట్లో ఒప్పో ఫైండ్ X8 ప్రో రూ.99,999కు లాంచ్ అయింది. ప్రస్తుతం ఫ్లిప్‌కార్ట్ ఫైండ్ X8 ప్రోపై రూ.10వేలు ఫ్లాట్ డిస్కౌంట్‌ అందిస్తోంది. తద్వారా ధర రూ.89,999కు తగ్గింది. ఫ్లిప్‌కార్ట్ యాక్సిస్, ఎస్‌బీఐ క్రెడిట్ కార్డ్ పేమెంట్ చేసేటప్పుడు అదనంగా రూ.4వేలు తగ్గింపు పొందవచ్చు. ఎక్కువ సేవింగ్ కోసం మీ పాత స్మార్ట్‌ఫోన్‌ ఎక్స్చేంజ్ చేసుకోవచ్చు.

ఒప్పో ఫైండ్ X8 ప్రో స్పెసిఫికేషన్లు, ఫీచర్లు : ఒప్పో ఫైండ్ X8 ప్రో ఫోన్ 120Hz రిఫ్రెష్ రేట్‌తో 6.78-అంగుళాల అమోల్డ్ డిస్‌ప్లే, 4,500 నిట్స్ వరకు గరిష్ట ప్రకాశం, డాల్బీ విజన్ సపోర్ట్‌ అందిస్తుంది.

హుడ్ కింద మీడియాటెక్ డైమన్షిటీ 9400 చిప్‌సెట్‌తో వస్తుంది. 80W వైర్డు ఫాస్ట్ ఛార్జింగ్, 50W వైర్‌లెస్ ఛార్జింగ్‌కు సపోర్టు ఇచ్చే 5,910mAh బ్యాటరీతో వస్తుంది.

ఆప్టిక్స్ విషయానికొస్తే.. ఒప్పో ఫైండ్ X8 ప్రో బ్యాక్ సైడ్ క్వాడ్-కెమెరా సెటప్ కలిగి ఉంది.

ఇందులో 50MP సోనీ LYT808 ప్రైమరీ సెన్సార్, 3x ఆప్టికల్ జూమ్‌తో 50MP సోనీ LYT600 పెరిస్కోప్ టెలిఫోటో లెన్స్, 6x ఆప్టికల్ జూమ్, 120x డిజిటల్ జూమ్‌ అందించే 50MP సోనీ IMX858 సెన్సార్, 50MP శాంసంగ్ అల్ట్రావైడ్ లెన్స్ ఉన్నాయి. అలాగే, హ్యాండ్‌సెట్ సెల్ఫీలు, వీడియో కాల్స్ కోసం ఫ్రంట్ సైడ్ 32MP కెమెరా కలిగి ఉంది.