Wedding Insurance : మీరు డెస్టినేషన్ వెడ్డింగ్ ప్లాన్ చేస్తున్నారా? ఇప్పుడే వెడ్డింగ్ ఇన్సూరెన్స్ తీసుకోండి. లేదంటే భారీగా నష్టపోతారు జాగ్రత్త..!
Wedding Insurance : డెస్టినేషన్ వెడ్డింగ్స్ అత్యంత ఖరీదైనవి. వెడ్డింగ్ ఇన్సూరెన్స్ పొందడం సరైన ఎంపిక. వివాహానికి అయ్య ఖర్చులను కవర్ చేస్తుంది. వివాహ బీమా గురించి ఇప్పుడు తెలుసుకుందాం.
- Published By: 10TV Digital Team ,Published On : November 30, 2025 / 06:35 PM IST
Wedding Insurance
Wedding Insurance : ప్రస్తుత రోజుల్లో, డెస్టినేషన్ వెడ్డింగ్‌లకు ఫుల్ క్రేజ్ పెరుగుతోంది. మ్యారేజీ అనగానే భారీ సెట్‌లతో ఈవెంట్లు నిర్వహిస్తుంటారు. పెళ్లి ఈవెంట్ కోసం భారీ మొత్తంలో ఖర్చు చేస్తుంటారు. ఒక్క మాటలో చెప్పాలంటే సామాన్యుల నుంచి ధనవంతుల వరకు అందరూ పెళ్లి అనగానే అసలు ఖర్చుకు ఏమాత్రం వెనక్కి తగ్గడం లేదు.
కొందరు ఫంక్షన్ల హాల్స్ కోసం లక్షల్లో ఖర్చు (Wedding Insurance) చేస్తుంటే మరికొందరు ఏకంగా కోట్ల విలువైన భారీ సెట్లు వేసి మరి గ్రాండ్‌గా వెడ్డింగ్ ఈవెంట్లను నిర్వహిస్తుంటారు. మరికొందరు అయితే డెస్టినేషన్ వెడ్డింగ్ కోసం కోట్ల మొత్తంలో ఖర్చు చేస్తుంటారు. మీరు కూడా డెస్టినేషన్ వెడ్డింగ్ కోసం ప్లాన్ చేస్తుంటే ఇది మీకోసమే..
నష్టానికి తగిన పరిహారం పొందొచ్చు :
ఇలాంటి వెడ్డింగ్ ప్లానింగ్ చేసే వాళ్లు తప్పనిసరిగా వెడ్డింగ్ ఇన్సూరెన్స్ తీసుకోవాలి. లేదంటే ఏదైనా ఊహించని నష్టం వాటిల్లితే క్లెయిమ్ చేసుకోవచ్చు. సాధారణంగా చాలామందికి ఈ వెడ్డింగ్ ఇన్సూరెన్స్ గురించి అవగాహన ఉండదు. పెళ్లికి ముందు ఎవరైనా ఈ వెడ్డింగ్ ఇన్సూరెన్స్ చేసి ఉంటే వారికి వెడ్డింగ్ సమయంలో ఏదైనా నష్టం జరిగితే పెట్టిన ఆ మొత్తానికి కవరేజీ అవుతుంది. సాధారణ బీమా సంస్థలు ‘ఈవెంట్ ఇన్సూరెన్స్’ పాలసీల కింద వెడ్డింగ్ ఇన్సూరెన్స్ అందిస్తున్నాయి. అందులోనూ సరసమైన ప్రీమియంతోనే ఆఫర్ చేస్తుంటాయి.
చాలామంది పెళ్లి చేసుకునేందుకు ఇతర నగరాలు లేదా విదేశాలకు వెళ్తున్నారు. డెస్టినేషన్ వెడ్డింగ్ ఖర్చు ఇంకా ఎక్కువగా ఉంటుంది. ఇలాంటి పరిస్థితిలో వెడ్డింగ్ ఇన్సూరెన్స్ పొందడం అద్భుతమైన ఆప్షన్ కావచ్చు. వివాహ బీమా వివాహ సమయంలో తలెత్తే అనేక ఖర్చులను కవర్ చేస్తుంది. ఇంతకీ డెస్టినేషన్ వెడ్డింగ్‌లకు వెడ్డింగ్ ఇన్సూరెన్స్ ఎలా తీసుకోవాలి? ఎంత కవరేజీ ఉంటుంది అనే పూర్తి వివరాలను ఇప్పుడు తెలుసుకుందాం.
డిస్టినేషన్ వెడ్డింగ్‌కు వెడ్డింగ్ ఇన్సూరెన్స్ :
మీరు డెస్టినేషన్ వెడ్డింగ్ చేస్తుంటే.. మీరు కచ్చితంగా వెడ్డింగి ఇన్సూరెన్స్ తీసుకోవాలి. డెస్టినేషన్ వెడ్డింగ్ కోసం వెడ్డింగ్ ఇన్సూరెన్స్ అనేది సాధారణ వివాహానికి వెడ్డింగ్ ఇన్సూరెన్స్ లాంటిది. అయితే, మీరు వేరే దేశంలో డెస్టినేషన్ వెడ్డింగ్ చేస్తుంటే కొన్ని కట్టుబాట్లు, పలు ఆచార సంప్రదాయాలు ఉండవచ్చు.
వెడ్డింగ్ ఇన్సూరెన్స్‌లో ఏం కవర్ అవుతుంది? :
వెడ్డింగ్ ఇన్సూరెన్స్ కవరేజీ ఏంటి? ఈ వెడ్డింగ్ బీమా కొనుగోలు చేసేటప్పుడు కొన్ని విషయాలను తెలుసుకోవాలి. వివాహ బీమా సాధారణంగా ఈవెంట్ లేదా వివాహం రద్దును కవర్ చేస్తుంది. వివాహం రద్దుకు ముఖ్యంగా అగ్నిప్రమాదం, పిడుగుపాటు లేదా ప్రకృతి వైపరీత్యాలు వంటి అనేక కారణాలు ఉన్నాయి.
వివాహ బీమా ఆభరణాలు వంటి ఏదైనా విలువైన వస్తువుల దొంగతనాన్ని కూడా కవర్ చేస్తుంది. ఇంకా, వధువు లేదా వరుడు లేదా వారి కుటుంబానికి ప్రమాదం సంభవించి వివాహం రద్దు చేయాల్సి వస్తే కూడా కూడా కవర్ అవుతుంది. మ్యారేజ్ సమయంలో ఏదైనా ఆస్తికి జరిగే నష్టాన్ని కూడా వివాహ బీమా కవర్ అవుతుంది.
వెడ్డింగ్ ఇన్సూరెన్స్ ప్రీమియం ఎంత? :
వెడ్డింగ్ ఇన్సూరెన్స్‌కు ఎంత ప్రీమియం అనే నిబంధన లేదు. మీరు చెల్లించే ప్రీమియం కవరేజీపైనే ఆ మొత్తం ఆధారపడి ఉంటుంది. వెడ్డింగ్ బడ్జెట్, ఫంక్షన్ల సంఖ్య వివాహ వేడుకలు ఎన్ని రోజులు ఉంటాయో కూడా తదనుగుణంగా నిర్ణయిస్తారు. సాధారణంగా, ప్రీమియం బీమా మొత్తంలో 0.2 శాతం నుంచి 2 శాతం వరకు ఉంటుంది.
వ్యవధి ఎంత? :
ఇతర వార్షిక లేదా అనేక సంవత్సరాల పాలసీల మాదిరిగా కాకుండా వెడ్డింగ్ ఇన్సూరెన్స్ వివాహ కాలాన్ని కవర్‌ను అందిస్తుంది. నచ్చిన విధంగా ఈ పాలసీని ఎంచుకోవచ్చు. మీరు క్యాన్సిలేషన్, ఈవెంట్ రోజు లేదా ట్రాన్స్‌పోర్ట్ సమయంలో డబ్బు కోసం మాత్రమే నిర్దిష్ట, పరిమిత వ్యవధి కవరేజీలను కలిగి ఉండవచ్చు. “కవరేజ్ ఒక ఫంక్షన్ కోసం ఒకే రోజు నుంచి ఒక వారం వరకు లేదా ఆపై వేడుకలకు 15 రోజుల వరకు వ్యవధి ఉంటుంది. అవసరమైతే, సెటప్, కూల్చివేత రోజులతో సహా పూర్తి ఈవెంట్ షెడ్యూల్‌తో పాలసీ వ్యవధి ఉండొచ్చు.
ఏం కవర్ కాదంటే?
వెడ్డింగ్ ఇన్సూరెన్స్ సాధారణంగా సమ్మెలు, నిరసనలు లేదా అల్లర్ల వల్ల కలిగే నష్టాలు లేదా రద్దులను కవర్ చేయదు. కోవిడ్-19 లేదా ఇలాంటి అంటు వ్యాధులు, ఆస్తి నష్టం, దుష్ప్రవర్తన లేదా నిర్లక్ష్యం, ఉగ్రవాద చర్యలు, యుద్ధం, ఆత్మాహత్యాయత్నం, గాయాలు లేదా మరణాలకు కవరేజీ ఉండదు.
