Samsung Galaxy S26 Ultra : ఫ్యాన్స్కు గుడ్ న్యూస్.. శాంసంగ్ గెలాక్సీ S26 అల్ట్రా ఫోన్ వస్తోంది.. మైండ్ బ్లోయింగ్ ఫీచర్లు.. ధర ఎంత ఉండొచ్చంటే?
Samsung Galaxy S26 Ultra : శాంసంగ్ నుంచి సరికొత్త S26 అల్ట్రా ఫోన్ వస్తోంది. లాంచ్కు ముందుగానే కెమెరా ఫీచర్లు, డిజైన్, స్పెషిఫికేషన్లు, ధరపై పూర్తి అంచనాలివే..
Samsung Galaxy S26 Ultra
Samsung Galaxy S26 Ultra : కొత్త శాంసంగ్ ఫోన్ కోసం చూస్తున్నారా? మీకోసం అతి త్వరలో భారత మార్కెట్లోకి శాంసంగ్ గెలాక్సీ S26 అల్ట్రా ఫోన్ రాబోతుంది. ఈ శాంపంగ్ ఫోన్ రాకపై ఇప్పటివరకూ ఎలాంటి అధికారిక ప్రకటన లేదు. కానీ, ఈ 5జీ ఫోన్ జనవరి చివరిలో లేదా ఫిబ్రవరి 2026 నాటికి (Samsung Galaxy S26 Ultra) లాంచ్ అవుతుందని అంచనా.
ఈ ఏడాదిలో శాంసంగ్ అందించిన ఫీచర్ల మాదిరిగానే ఈ ఫోన్ సన్నని ఛాసిస్తో వస్తుందని అంచనాలు నెలకొన్నాయి. కొత్త శాంసంగ్ అల్ట్రా ఫోన్ లాంచ్ కాకముందే కెమెరా, డిజైన్, స్పెషిఫికేషన్లు, లాంచ్ డేట్, ధరకు సంబంధించి అనేక ఫీచర్ల వివరాలు లీక్ అయ్యాయి. అవేంటో ఓసారి లుక్కేద్దాం..
శాంసంగ్ గెలాక్సీ S26 అల్ట్రా డిజైన్, కెమెరా, స్పెసిఫికేషన్లు :
డిజైన్ పరంగా పరిశీలిస్తే.. శాంసంగ్ గెలాక్సీ S26 అల్ట్రా ఫోన్ గెలాక్సీ S25 అల్ట్రా నుంచి డిజైన్ పరంగా అనేక ఫీచర్లను అందించనుంది. అయితే, ఈసారి కొన్ని మార్పులతో రానుంది. ముఖ్యంగా కెమెరా ఐలాండ్ చుట్టూ సన్నని బాడీ ఉండొచ్చు.
స్పెషిఫికేషన్ల విషయానికొస్తే..
శాంసంగ్ గెలాక్సీ అల్ట్రా మోడల్ 6.9-అంగుళాల OLED డిస్ప్లేతో పాటు 120Hz రిఫ్రెష్ రేట్ 3000 నిట్స్ పీక్ బ్రైట్నెస్తో రావచ్చు. ఈ శాంసంగ్ ఫోన్ 12GB ర్యామ్, 256GB ఇంటర్నల్ స్టోరేజ్తో క్వాల్కామ్ స్నాప్డ్రాగన్ 8 ఎలైట్ జనరేషన్ 5 ప్రాసెసర్తో రన్ కావచ్చు.
బ్యాటరీ పరంగా ఫాస్ట్ ఛార్జింగ్ సపోర్ట్తో 5000mAh బ్యాటరీని చూడొచ్చు. శాంసంగ్ గెలాక్సీ S26 అల్ట్రాలో 200MP ప్రైమరీ సెన్సార్, 50MP అల్ట్రా వైడ్ యాంగిల్ సెన్సార్, 50MP పెరిస్కోప్ టెలిఫోటో సెన్సార్, 10MP టెలిఫోటో సెన్సార్లతో కూడిన క్వాడ్ రియర్ కెమెరా సెటప్ ఉండవచ్చు. సెల్ఫీలు, వీడియో కాల్స్ కోసం ఈ శాంసంగ్ ఫోన్ 12MP ఫ్రంట్ స్నాపర్ కూడా పొందే అవకాశం ఉంది.
భారత్లో శాంసంగ్ గెలాక్సీ S26 అల్ట్రా ధర, లాంచ్ తేదీ :
256GB ఇంటర్నల్ స్టోరేజ్తో శాంసంగ్ గెలాక్సీ S26 అల్ట్రా ఫోన్ 12GB ర్యామ్ వేరియంట్ రూ. 1,59,999 ధరకు భారత మార్కెట్లోకి రావచ్చు. లాంచ్ తేదీ విషయానికొస్తే.. ఫిబ్రవరి 2026లో ఈ శాంసంగ్ ఫోన్ లాంచ్ అయ్యే అవకాశం ఎక్కువగా ఉంది.
