ప్రపంచంలోని పలు కంపెనీలు ఒక్కో ఉద్యోగిని వాడుకుని కోట్లాది రూపాయల చొప్పున ఆదాయాన్ని సంపాదిస్తున్నాయి. నెట్ఫ్లిక్స్ 2017 నుంచి 2022 వరకు తన సబ్‌స్క్రిప్షన్లను రెట్టింపు చేసుకుంది.
ఆ కంపెనీ ప్రతి ఉద్యోగి ద్వారా ఏడాదికి రూ.21.58 కోట్ల ($2.5 మిలియన్) ఆదాయం పొందుతోంది. ప్రపంచ టెక్నాలజీ రంగంలో పలు సంస్థలు ఇలా తమ ఉద్యోగుల ద్వారా ఆశ్చర్యకరమైన స్థాయిలో ఇంత మొత్తంలో ఆదాయం పొందుతున్నాయి. తక్కువ మంది ఉద్యోగులతోనే భారీగా ఆదాయాన్ని రాబట్టే ఈ కంపెనీలు అనేక పరిశ్రమలకు ఆదర్శంగా నిలుస్తున్నాయి.
ఇటువంటి కంపెనీల జాబితాలో ఆపిల్ (Apple), మెటా, ఆల్ఫాబెట్ (గూగుల్ మాతృసంస్థ), ఊబర్ వంటి దిగ్గజాలు ఉన్నాయి. ఉద్యోగుల నుంచి ఈ కంపెనీలు పొందే సగటు ఆదాయం కూడా కోట్ల రూపాయల్లోనే ఉంది. ఈ కంపెనీలు ఉద్యోగుల నైపుణ్యాలపై పెట్టుబడి పెట్టి, తక్కువ మానవ వనరులతో ఎక్కువ ఆదాయాన్ని ఎలా పొందాలో నిరూపిస్తున్నాయి.
| ర్యాంక్ | కంపెనీ | ఉద్యోగి నుంచి పొందే ఆదాయం |
|---|---|---|
| 1 | నెట్ఫ్లిక్స్ | రూ.21,58,48,760 |
| 2 | ఆపిల్ | రూ.20,33,11,713 |
| ౩ | మెటా (ఫేస్‌బుక్) | రూ.14,11,77,148 |
| 4 | ఆల్ఫాబెట్ (గూగుల్) | రూ.13,34,09,799 |
| 5 | ఊబర్ | రూ.9,56,57,996 |
| 6 | ఎన్విడీయా | రూ.9,54,52,318 |
| 7 | మైక్రోసాఫ్ట్ | రూ.8,79,63,643 |
| 8 | టెస్లా | రూ.6,58,48,376 |
| 9 | అడోబ్ | రూ.6,10,02,089 |
| 10 | సెల్స్‌ఫోర్స్ | రూ.4,61,39,611 |
| 11 | ఇంటెల్ | రూ.4,54,03,084 |
| 12 | అమెజాన్ | రూ.3,70,35,709 |
| 13 | ఒరాకిల్ | రూ.2,44,26,625 |
| 14 | ఐబీఎం | రూ.1,81,93,514 |
Note: ఈ గణాంకాలను ఫోర్బ్స్ గ్లోబల్ తాజా నివేదిక ఆధారంగా ఇచ్చాం.
