దారుణం: బాలిక రేప్, వీడియో తీసి యూట్యూబ్‌లో అప్‌లోడ్

హైదరాబాద్ నగరం నడిబొడ్డున దారుణం జరిగింది. గంజాయి మత్తులో ఓ బాలుడు ఉన్మాదిగా వ్యవహరించాడు. బాలికను రేప్ చేశాడు. బ్లేడ్‌లో ఆమె ఒళ్లంతా గాయాలు చేశాడు.

హైదరాబాద్ నగరం నడిబొడ్డున దారుణం జరిగింది. గంజాయి మత్తులో ఓ బాలుడు ఉన్మాదిగా వ్యవహరించాడు. బాలికను రేప్ చేశాడు. బ్లేడ్‌లో ఆమె ఒళ్లంతా గాయాలు చేశాడు.

హైదరాబాద్ నగరం నడిబొడ్డున దారుణం జరిగింది. గంజాయి మత్తులో ఓ బాలుడు ఉన్మాదిగా వ్యవహరించాడు. బాలికను రేప్ చేశాడు. బ్లేడ్‌తో ఆమె ఒళ్లంతా గాయాలు చేశాడు. జననాంగంపైనా దాడి చేశాడు. రక్తం కారుతున్నా, గాయాల బాధతో బాలిక ఆర్తనాదాలు చేస్తున్నా కనికరించలేదు. ఈ ఘటనలో అతడికి స్నేహితులూ సహకరించారు. బాలుడు అత్యాచారం చేస్తుండగా మొబైల్‌లో  వీడియో తీశారు. ఒళ్లంతా చూపాలని బాలికను చిత్రహింసలకు గురిచేశారు. ఆ వీడియోను యూట్యూబ్‌లో అప్‌లోడ్‌ చేసి పైశాచిక ఆనందం పొందారు. ఈ దారుణం ఆలస్యంగా  వెలుగుచూసింది. బాధితురాలు 16 ఏళ్ల బాలిక. ఆమె పట్ల అమానవీయ ఘటనకు పాల్పడింది ఓ బాలుడే.
 
పోలీసుల వివరాల ప్రకారం లోయర్‌ ట్యాంక్‌బండ్‌లోని డీబీఆర్‌ మిల్స్‌ ప్రాంతంలో చంద్రాగనర్‌ కాలనీ, లిబర్టీ, ఆయిల్‌ సీడ్స్‌ కాలనీకి చెందిన కొందరు మగపిల్లలు రోజూ సాయంత్రం గంజాయి  తాగుతుంటారు. స్థానికంగా నివసించే ఓ బాలిక (16)తో వీరు సాన్నిహిత్యం పెంచుకున్నారు. మెల్లగా ఆమెకూ గంజాయిని అలవాటు చేశారు. మార్చి 2న అర్ధరాత్రి దాటిన తర్వాత గంజాయి  మత్తులో ఓ బాలుడు ఆమెపై అత్యాచారం చేశాడు. ఆ దృశ్యాలను అతడి మిత్రుడు మొబైల్‌ ఫోన్‌లో చిత్రీకరించాడు. ఆ వీడియోను యూట్యూబ్‌లో అప్‌లోడ్‌ చేశాడు. తన స్నేహితులకు వాట్సప్‌లో  షేర్‌ చేశాడు.

ఆ వీడియోను తొలగించాలని ఆ బాలిక నిందితుడిని వేడుకుంది. దాంతో గురువారం(మార్చి 7) సాయంత్రం తనను డీబీఆర్‌ మిల్స్‌ దగ్గర కలవాలని ఆ బాలుడు డిమాండ్‌ చేశాడు. దీంతో ఆమె  స్నేహితుల వద్దకు వెళ్తున్నాని, వెంటనే వస్తానని ఇంట్లో వాళ్లకు చెప్పి బయటకు వెళ్లింది. ఎంతసేపటికీ తిరిగి రాలేదు. ఆందోళన చెందిన తల్లిదండ్రులు తమ అమ్మాయి కనిపించడం లేదని పోలీసులకు ఫిర్యాదు చేశారు.

మిస్సింగ్‌ కేసు నమోదు చేసుకుని, దర్యాప్తు ప్రారంభించిన గాంధీనగర్‌ పోలీసులు.. బాలికను గుర్తించారు. ఆ తర్వాత బాలికపై జరిగిన దారుణమైన సంఘటనలు వెలుగులోకి వచ్చాయి. విషయం  తెలుసుకున్న ఇరుగుపొరుగు… నిందితుడిని పట్టుకుని, చితక్కొట్టారు. వాడి ఫోన్‌లోని వీడియోలను డిలీట్‌ చేశారు. గాంధీనగర్‌ పోలీసులు ఆ బాలికను వైద్యపరీక్షల నిమిత్తం గాంధీ ఆస్పత్రికి  తరలించారు. బాధితురాలికి తీవ్ర రక్తస్రావమైనట్లు డాక్టర్లు తెలిపారు. ఇంతటి ఘోరానికి తెగబడిన బాలుడిని, అతడి స్నేహితులను కఠినంగా శిక్షించాలని స్థానికులు, బాలిక తల్లిదండ్రులు డిమాండ్  చేస్తున్నారు.