Anantapur Incident: అనంతపురంలో దారుణం.. ఐదేళ్ల బాలుడిని చంపిన పక్కింటి వ్యక్తి..

లోకం తెలియని చిన్నారిని హతమార్చిన నిందితుడిని కఠినంగా శిక్షించాలని బాలుడి కుటుంసభ్యులు, స్థానికులు డిమాండ్ చేస్తున్నారు.

Anantapur Incident: అనంతపురం నగరంలోని అరుణోదయ కాలనీలో దారుణం జరిగింది. ఐదేళ్ల బాలుడిని పక్కింటి వ్యక్తి హతమార్చాడు. తన భార్యకు తనకు గొడవలు పెడుతున్నారనే కక్షతో చిన్నారిని చంపేశాడు నిందితుడు పెన్నయ్య. తన కుమారుడు సుశాంత్ కనిపించడం లేదని ఆదివారం మధ్యాహ్నం పోలీసులకు ఫిర్యాదు చేశారు బాలుడి తల్లిదండ్రులు గోవిందు హరి, నాగవేణి. అయితే, ఆదివారం రాత్రే బాలుడిని హతమార్చి ఇంటి వెనుకున్న దోబీ ఘాట్ లో పూడ్చిపెట్టాడు నిందితుడు పెన్నయ్య. కేసు నమోదు చేసుకున్న పోలీసులు దర్యాఫ్తు చేపట్టారు. నిందితుడిని అదుపులోకి తీసుకుని విచారిస్తున్నారు.

ఈ ఘటన స్థానికంగా సంచలనం రేపింది. బాలుడి కుటుంబంతో పాటు స్థానికులను ఉలిక్కిపడేలా చేసింది. బాలుడి కుటుంబంలో తీవ్ర విషాదం నింపింది. సుశాంత్ ఇక లేడని తెలిసి తల్లిదండ్రులు జీర్ణించుకోలేకపోతున్నారు. భోరున విలపిస్తున్నారు. అభంశుభం తెలియని బాలుడిని చంపేయడాన్ని స్థానికులు తట్టుకోలేకపోతున్నారు. ఆ పిల్లాడు ఏం తప్పు చేశాడని అంత పెద్ద శిక్ష విధించాడని విలపిస్తున్నారు. లోకం తెలియని చిన్నారిని హతమార్చిన నిందితుడిని కఠినంగా శిక్షించాలని బాలుడి కుటుంసభ్యులు, స్థానికులు డిమాండ్ చేస్తున్నారు.