అతివేగం, నిర్లక్ష్యమే కారణం : హీరో రాజశేఖర్ కారు ప్రమాదంపై పోలీసులు
టాలీవుడ్ సీనియర్ హీరో రాజశేఖర్ కారు ప్రమాదం కలకలం రేపింది. మంగళవారం(నవంబర్ 12,2019) రాత్రి ఔటర్ రింగ్ రోడ్డుపై రాజశేఖర్ ప్రయాణిస్తున్న కారు ప్రమాదానికి
- Published By: veegamteam ,Published On : November 13, 2019 / 06:23 AM IST
టాలీవుడ్ సీనియర్ హీరో రాజశేఖర్ కారు ప్రమాదం కలకలం రేపింది. మంగళవారం(నవంబర్ 12,2019) రాత్రి ఔటర్ రింగ్ రోడ్డుపై రాజశేఖర్ ప్రయాణిస్తున్న కారు ప్రమాదానికి
టాలీవుడ్ సీనియర్ హీరో రాజశేఖర్ కారు ప్రమాదం కలకలం రేపింది. మంగళవారం(నవంబర్ 12,2019) రాత్రి ఔటర్ రింగ్ రోడ్డుపై రాజశేఖర్ ప్రయాణిస్తున్న కారు(TS 07 FZ 1234) ప్రమాదానికి గురైంది. డివైడర్ ను ఢీకొట్టి మూడు పల్టీలు కొట్టింది. బెలూన్లు తెరుచుకోవడంతో రాజశేఖర్ సేఫ్ గా బయటపడ్డారు. ఫిలింసిటీ నుంచి వస్తుండా అప్పా జంక్షన్ దగ్గర యాక్సిడెంట్ జరిగింది. ప్రమాదంలో కారు నుజ్జునుజ్జు అయ్యింది.
రాజశేఖర్ కారు ప్రమాదంపై పోలీసులు స్పందించారు. ఓఆర్ఆర్ పై రాజశేఖర్ కారు ప్రమాదానికి గురైందని చెప్పారు. కారులో రాజశేకర్ ఒక్కరే ఉన్నారని తెలిపారు. అతివేగం, నిర్లక్ష్యంగా డ్రైవింగ్ చేయడం వల్లే ప్రమాదం జరిగిందని, రాజశేఖర్ కి స్వల్ప గాయాలు అయ్యాయని పోలీసులు వివరించారు. దీనిపై కేసు నమోదు చేసి దర్యాఫ్తు చేస్తున్నామని పోలీసులు పేర్కొన్నారు.
కాగా పోలీసులు సీజ్ చేసిన రాజశేఖర్ కారులో మద్యం సీసాలు, ప్లాస్టిక్ గ్లాసు లభించాయి. ప్రమాదం సమయంలో కారు స్పీడ్ 150 కిమీ ఉంది. దీంతో మద్యం మత్తులో డ్రైవింగ్ చేయడం వల్ల ప్రమాదం జరిగిందా అనే కోణంలోనూ పోలీసులు దర్యాఫ్తు చేశారు.
రాజశేఖర్ ప్రయాణిస్తున్న కారు ప్రమాదానికి గురవడం ఇది తొలిసారి కాదు. గతంలోనూ యాక్సిడెంట్ జరిగింది. 2017 అక్టోబ‌ర్ 9న రాజశేఖర్ కారు ప్రమాదానికి గురైంది. ఆ రోజు రాత్రి పీవీ ఎక్స్ ప్రెస్ హైవేపై రామిరెడ్డి అనే వ్యక్తి కారుని.. తన కారుతో ఢీకొట్టారు రాజశేఖర్. ఆల్కహాల్ తీసుకొని డ్రైవింగ్ చేయడం వల్లే రాజశేఖర్ యాక్సిడెంట్ చేశారని భాదితుడు పోలీస్ స్టేషన్ లో ఫిర్యాదు చేశారు. అయితే పోలీసులు డ్రంకన్ డ్రైవ్ పరీక్ష నిర్వహించగా.. మద్యం తీసుకోలేదని తేలింది. త‌ల్లి చనిపోయింద‌నే డిప్రెష‌న్‌లో నిద్ర‌మాత్ర‌లు వేసుకోవ‌డం వల్ల మ‌త్తు వచ్చిందని.. ఆ మత్తులో కారు యాక్సిడెంట్ చేశారని అన్నారు. గ‌రుడవేగ
సినిమా రిలీజ్‌కి కొన్ని రోజుల ముందు ఈ యాక్సిడెంట్ జరిగింది.
కాగా రాజశేఖర్ చాలా వేగంగా డ్రైవ్ చేస్తారని తెలుస్తోంది. రోడ్డుపై ఓవర్ స్పీడ్ తో వాహనాలు నడుపుతారని పోలీసులు చెబుతున్నారు. ట్రాఫిక్ పోలీసులు ఇచ్చిన ఓవర్ స్పీడ్ చలాన్లే ఇందుకు నిదర్శనం. ఇప్పటికే రాజశేఖర్ వాహనంపై మూడు ఓవర్ స్పీడ్ చలాన్లు పెండింగ్ లో ఉన్నాయని ట్రాఫిక్ పోలీసులు తెలిపారు.
