Apprentice Recruitment : సింగరేణిలో ఐటీఐ అప్రెంటీస్ భర్తీ
అప్రెంటిస్‌షిప్‌ కాలపరిమితి ఏడాదిగా నిర్ణయించారు. స్టైఫండ్ గాను రెండు సంవత్సరాల ఐటీఐని పూర్తిచేసిన ఎలక్ట్రీషియన్‌, ఫిట్టర్‌, టర్నర్‌, మెషనిస్టు, మెకానిక్‌ మోటార్‌వెహికిల్‌, డ్రాఫ్ట్స్‌మెన్‌లకు రూ.8,050, ఒక సంవత్సరం ఐటీఐ పూర్తిచేసిన డీజిల్‌ మెకానిక్‌, వెల్డర్‌లకు రూ.7,700 అందజేస్తారు.
- Published By: 10TV Digital Team ,Published On : July 26, 2022 / 04:30 PM IST
Singareni
Apprentice Recruitment : సింగరేణిలో 1300 అప్రెంటిస్ షిప్ పోస్టులకు దరఖాస్తులను ఆహ్వానిస్తున్నారు. ఐటీఐ అభ్యర్థులు ప్రభుత్వ ఉద్యోగాలు సాధించాలంటే అప్రెంటిస్‌షిప్‌ తప్పనిసరి కావడం సింగరేణి ఆధ్వర్యంలో ఈ శిక్షణ పూర్తి చేసేందుకు వీలుకలుగుతుంది. ఎలక్ట్రీషియన్‌, ఫిట్టర్‌, టర్నర్‌, మెషనిస్టు, మెకానిక్‌ మోటార్‌వెహికిల్‌, డ్రాఫ్ట్స్‌మెన్‌, డీజిల్‌ మెకానిక్‌, వెల్డర్‌ తదితర ట్రేడుల్లో ఈ ఖాళీలు ఉన్నాయి. సింగరేణి పరిధిలోని16 జిల్లాల అభ్యర్థులు స్థానికులుగా, మిగిలిన జిల్లాల అభ్యర్థులు స్థానికేతరులుగా గుర్తించబడుతున్నారు. స్థానికులకు, స్థానికేతరులకు 95:05 పద్ధతిన అవకాశాన్ని కల్పించనున్నారు. రిజర్వేషన్‌కు అనుగుణంగా కులాలవారీగా అభ్యర్థుల ఎంపిక జరుగుతుంది.
అప్రెంటిస్‌షిప్‌ కాలపరిమితి ఏడాదిగా నిర్ణయించారు. స్టైఫండ్ గాను రెండు సంవత్సరాల ఐటీఐని పూర్తిచేసిన ఎలక్ట్రీషియన్‌, ఫిట్టర్‌, టర్నర్‌, మెషనిస్టు, మెకానిక్‌ మోటార్‌వెహికిల్‌, డ్రాఫ్ట్స్‌మెన్‌లకు రూ.8,050, ఒక సంవత్సరం ఐటీఐ పూర్తిచేసిన డీజిల్‌ మెకానిక్‌, వెల్డర్‌లకు రూ.7,700 అందజేస్తారు. అభ్యర్ధుల వయస్సు నోటిఫికేషన్‌ విడుదలైన రోజు వరకు అభ్యర్థికి 18 సంవత్సరాలు నిండి 28 సంవత్సరాల లోపు ఉండాలి. ఎస్సీ, ఎస్టీ, బీసీ అభ్యర్థులు 33 సంవత్సరాల లోపు ఉండాలి.
ముందుగా అభ్యర్థులు ప్రభుత్వ ఎన్ ఎపీఎస్ కొత్త పోర్టల్ https://www.apprenticeshipindia.gov.in/ లో తమ పేర్లను నమోదు చేసుకున్న తర్వాత www.scclmines.com/apprenticeship వద్ద ఎస్ సీసీఎల్ వెబ్ పోర్టల్‌లో పేర్లను నమోదు చేసుకోవాలి. అప్లికేషన్ ప్రింట్‌అవుట్ యొక్క హార్డ్ కాపీలను ఏదైనా ఏరియా ఎంవీటీసీలలో తేదీ 8 ఆగస్టు, 2022 సాయంత్రం 5గంటలలోపు సమర్పించాలి.
