Moosarambagh Bridge: మూసారాంబాగ్ కొత్త వంతెన సిద్ధం.. ఈ నెలాఖరులోనే గ్రాండ్ ఓపెనింగ్!
హైదరాబాద్ మూసారాంబాగ్ - అంబర్పేట మార్గంలో మూసీ నదిపై చేపట్టిన నూతన వంతెన(Moosarambagh Bridge) నిర్మాణం దాదాపు చివరి దశకు చేరుకుంది.
- Published By: V Santhosh Kumar , Published On : August 24, 2026 / 11:12 AM IST
Moosarambagh amberpet new bridge construction completed ready for inauguration
- మూసారాంబాగ్ కొత్త వంతెన సిద్ధం
- రూ.52 కోట్లతో నిర్మాణం పూర్తి
- ఈ నెలాఖరులోనే ప్రారంభానికి సన్నాహాలు
Moosarambagh Bridge: హైదరాబాద్ నగరంలోని మూసారాంబాగ్ – అంబర్పేట మార్గంలో మూసీ నదిపై చేపట్టిన నూతన వంతెన నిర్మాణం దాదాపు చివరి దశకు చేరుకుంది. ఏటా వర్షాకాలంలో మూసీ వరద ఉధృతికి పాత వంతెన మునిగిపోయి, రాకపోకలు పూర్తిగా నిలిచిపోవడంతో వాహనదారులు తీవ్ర ఇబ్బందులు ఎదుర్కొనేవారు. ఉస్మాన్సాగర్, హిమాయత్సాగర్ జంట జలాశయాల గేట్లు ఎత్తివేసిన ప్రతిసారీ ఈ ప్రాంతంలో రవాణా వ్యవస్థ స్తంభించిపోయేది. స్థానికులు ఎదుర్కొంటున్న ఈ ప్రధాన సమస్యకు శాశ్వత పరిష్కారం చూపేందుకు ప్రభుత్వం ఈ ప్రాజెక్టును త్వరితగతిన అందుబాటులోకి తెస్తోంది.
రూ. 52 కోట్ల వ్యయంతో ఎత్తైన డిజైన్:
సుమారు రూ. 52 కోట్ల అంచనా వ్యయంతో 220 మీటర్ల పొడవుతో ఈ నూతన వంతెనను(Moosarambagh Bridge) అత్యంత ప్రతిష్టాత్మకంగా నిర్మించారు. పాత వంతెనతో పోలిస్తే దీని ఎత్తును గణనీయంగా పెంచడంతో, భవిష్యత్తులో మూసీకి ఎంతటి భారీ వరదలు వచ్చినా రాకపోకలకు ఎలాంటి అంతరాయం కలగదు. ప్రస్తుతం పనులు దాదాపు పూర్తికావడంతో, ఈ నెలాఖరులోనే వంతెనను ప్రారంభించి ప్రజలకు అందుబాటులోకి తీసుకురావడానికి అధికారులు సర్వం సిద్ధం చేస్తున్నారు.
