Russian Ukraine War
Russian Ukraine War : ఉక్రెయిన్, రష్యా మధ్య నిరంతర యుద్ధం జరుగుతోంది. ఈ యుద్ధంలో రష్యా సైన్యంలో పనిచేస్తున్న చాలా మంది భారతీయులు ప్రాణాలు కోల్పోయారు. యుద్ధంలో మరణించిన వారి డేటాను భారత విదేశాంగ మంత్రిత్వ శాఖ విడుదల చేసింది. ఇదికాకుండా, అక్కడ పనిచేస్తున్న భారతీయ పౌరులందరినీ తిరిగి స్వదేశానికి పంపాలని మంత్రిత్వ శాఖ రష్యా సైన్యాన్ని అభ్యర్థించింది. ఇప్పటివరకు ఎంత మంది భారతీయులు యుద్ధంలో మరణించారో పూర్తి వివరాలను విదేశాంగ శాఖ డేటాలో వెల్లడించింది.
Read Also : Vivo T3 Series : వివో T3 సిరీస్ ధర తగ్గిందోచ్.. కొత్త ధర ఎంతో తెలిస్తే కొనకుండా ఉండలేరు!
విదేశాంగ మంత్రిత్వ శాఖ డేటా విడుదల :
రష్యా సైన్యంలో పనిచేస్తున్న 12 మంది భారతీయులు ఇప్పటివరకు మరణించారని విదేశాంగ మంత్రిత్వ శాఖ ప్రతినిధి రణధీర్ తెలిపారు. ఇదికాకుండా, 16 మంది భారతీయులు మిస్సింగ్ కాగా, 126 మంది భారతీయ పౌరులు రష్యన్ సైన్యంలో పాల్గొంటున్నారు. ఈ 126 మందిలో 96 మంది భారత్ తిరిగి వచ్చారు. రష్యా సాయుధ దళాల నుంచి విముక్తి పొందారు. రష్యా సైన్యంలో ఇంకా 18 మంది భారతీయ పౌరులు ఉండగా, వారిలో 16 మంది ఆచూకీ తెలియకపోవడంతో రష్యా వారిని మిస్సింగ్ కేటగిరీలో ఉంచింది. ఇంకా సైన్యంలో ఉన్నవారిని, విడుదల చేసి స్వదేశానికి రప్పించాలని డిమాండ్ చేస్తున్నామని విదేశాంగ మంత్రిత్వ శాఖ పేర్కొంది.
రష్యా, ఉక్రెయిన్ మధ్య జరిగిన యుద్ధంలో మరో భారతీయుడు ప్రాణాలు కోల్పోగా, మరొకరు గాయపడ్డారు. విదేశాంగ మంత్రిత్వ శాఖ ప్రకారం.. కేరళలోని త్రిసూర్ జిల్లాలోని కుట్టనెల్లూరు నివాసి బినిల్ బాబు ఈ యుద్ధంలో మరణించాడు. ఇది కాకుండా, యుద్ధంలో జరిగిన పోరాటంలో మరొక పౌరుడు కూడా గాయపడ్డాడు. ఆ బాధిత వ్యక్తి మాస్కోలోని ఆసుపత్రిలో చేరి చికిత్స పొందుతున్నాడు.
#WATCH | Delhi: MEA Spokesperson Randhir Jaiswal says, “…The additional sanctions that have been announced pertain to several entities and individuals in the Russian Energy sector. We are in touch with the US authorities to clarify issues about the impact on Indian… pic.twitter.com/ss8QwtCBGS
— ANI (@ANI) January 17, 2025
ఇంతకుముందు కూడా సైనిక దళాలలో సహాయక సిబ్బంది, వంటవారు, సహాయకులుగా పనిచేస్తున్న భారతీయ పౌరులను విడుదల చేయాలనే డిమాండ్‌ను భారత ప్రభుత్వం లేవనెత్తింది. ఇదికాకుండా, గత ఏడాదిలో అధ్యక్షుడు వ్లాదిమిర్ పుతిన్‌తో జరిగిన సమావేశంలో ప్రధాని నరేంద్ర మోదీ కూడా ఈ అంశాన్ని లేవనెత్తారు.
పెరుగుతున్న భారతీయుల మరణాల సంఖ్య :
భారత అధికారులు ఇప్పటివరకు గుర్తించిన మరణాల సంఖ్య కన్నా శుక్రవారం మరణాల సంఖ్య ఎక్కువగా ఉంది. గత సంవత్సరం వరకు అధికారులు 9 మరణాలను ధృవీకరించారు. విదేశీ వ్యవహారాల మంత్రిత్వ శాఖ కేరళ నివాసి రష్యా సైన్యంలో పాల్గొని మరణించినట్టు వెల్లడించింది. అయితే, అదృశ్యమైన భారతీయుల జాబితాలో ఇప్పటివరకు ఎలాంటి నివేదికలు లేవు. తప్పిపోయిన మొత్తం 16 మంది వ్యక్తుల కుటుంబాలతో భారత అధికారులు టచ్‌లో ఉన్నారని, అయితే వారి గురించి మరిన్ని వివరాలను అందించడానికి నిరాకరించారని ఆయన తెలిపారు.
బినిల్ బాబు మరణం దురదృష్టకరం : జైశ్వాల్
ఇటీవల కేరళలో నివసిస్తున్న 32 ఏళ్ల బినిల్ బాబు మరణం దురదృష్టకరమని జైస్వాల్ అభివర్ణించారు. అతడి మృతదేహాన్ని తిరిగి స్వదేశానికి తీసుకువచ్చేందుకు మాస్కోలోని భారత రాయబార కార్యాలయం రష్యా అధికారులతో సంప్రదింపులు జరుపుతోందని అన్నారు. గాయపడిన మరో కేరళ వాసి ప్రస్తుతం మాస్కోలోని ఆసుపత్రిలో చికిత్స పొందుతున్నారు.
2024 ఏప్రిల్‌లో సాయుధ దళాలలోకి భారతీయుల రిక్రూట్‌మెంట్‌ను నిలిపివేసినట్లు న్యూఢిల్లీలోని రష్యా రాయబార కార్యాలయం గత ఏడాది చెప్పిన తర్వాత కూడా మరణాలు కొనసాగుతూనే ఉన్నాయి స్వచ్ఛందంగా సైనిక సేవ కోసం ఒప్పందం కుదుర్చుకున్న భారతీయులను ముందస్తుగా విడుదల చేసేందుకు అధికారులు భరోసా ఇస్తున్నారు. రష్యా రక్షణ మంత్రిత్వ శాఖ సైనిక సేవ కోసం వారి ఒప్పందాలను రద్దు చేయనందున కొంతమంది భారతీయుల విడుదల నిలిచిపోయింది.
రష్యా సైన్యంలోకి రిక్రూట్ అయిన చాలా మంది భారతీయులు మోసపూరిత రిక్రూట్‌మెంట్ ఏజెంట్లచే తప్పుదారి పట్టించారని భారత పక్షం వాదించింది. సెంట్రల్ బ్యూరో ఆఫ్ ఇన్వెస్టిగేషన్ (సీబీఐ) గత ఏడాది భారతీయులను రిక్రూట్ చేయడంలో పాత్ర పోషించినందుకు 19 మంది వ్యక్తులు, సంస్థలపై క్రిమినల్ కేసు నమోదు చేయగా, అనేక మందిని అరెస్టు చేసింది.
Read Also : Apple Store App : ఇకపై ఆపిల్ ఫిజికల్ స్టోర్‌కు వెళ్లనక్కర్లేదు.. ఈ స్పెషల్ యాప్ ఉందిగా..!
