2020 నూతన సంవత్సరానికి స్వాగత పలకటానికి కొన్ని గంటల సమయమే ఉంది. నూతన సంత్సర వేడుకల్ని ఒక్కో దేశంలో ఒక్కోలా సెలబ్రేట్ చేసుకుంటారు. జపాన్ లో 2020 సంవత్సరం రాక సందర్భంగా పశ్చిమ జపాన్ ప్రాంతంలో ఉన్న ఓ దేవాలయం దగ్గర బంగారం రంగులో ఉన్న భారీ ఎలుక విగ్రహాన్ని నెలకొల్పారు జపాన్ వాసులు.
ఈ ఎలుక విగ్రహం ఎత్తు 3 మీటర్లు ఉంది. బంగారపు వర్ణంతో ఉన్న ఈ ఎలుక చేతిలో ఓ కాగడా కూడా ఉంది. ఇది 2020 సంవత్సరపు రాశి చిహ్నంగా భావించిన స్థానికులు ఈ ఎలుక విగ్రహాన్ని నెలకొల్పారు. కాగా 2020లో టోక్యోలో నిర్వహించే ఒలింపిక్స్, పారా ఒలింపిక్ గేమ్స్‌లో జపాన్ గోల్డ్ మెడల్ సాధిస్తుందని అక్కడి వారు భావిస్తున్నారు. దీనికి ప్రతీకగానే ఈ ఎలుక విగ్రహాన్ని మిసోటో పట్టణంలో ఏర్పాటు చేశారు. ఈ ఎలుక విగ్రహాన్ని తయారు చేసేందుకు నెల రోజులు పట్టిందని విగ్రహాన్ని తయారు చేసినవారు తెలిపారు.
