Taliban Five : ఒక్క అమెరికా సైనికుడి తప్పు వల్లే..గ్వాంటనామో జైలు నుంచి అఫ్ఘాన్ ప్రభుత్వంలో మంత్రులుగా తాలిబన్ ఫైవ్
అఫ్ఘానిస్తాన్ లో మంగళవారం తాలిబన్లు ఏర్పాటు చేసిన ప్రభుత్వంలో టెర్రరిస్టులు, కిడ్నాపర్లు, హత్యలను ప్రోత్సహించిన వారికి, భీకరమైన జైళ్లలో ఏళ్లపాటు కాలక్షేపం చేసిన వారందరికి పదవులు
- Published By: 10TV Digital Team ,Published On : September 9, 2021 / 06:48 PM IST
Taliban Five (1)
Taliban Five అఫ్ఘానిస్తాన్ లో మంగళవారం తాలిబన్లు ఏర్పాటు చేసిన ప్రభుత్వంలో టెర్రరిస్టులు, కిడ్నాపర్లు, హత్యలను ప్రోత్సహించిన వారికి, భీకరమైన జైళ్లలో ఏళ్లపాటు కాలక్షేపం చేసిన వారందరికి పదవులు దక్కిన విషయం తెలిసిందే. ప్రభుత్వంలో “తాలిబన్ ఫైవ్”గా పేరున్న ఐదుగురు క్రూరమైన నాయకులకు కీలక పదవులు కట్టబెట్టారు.
ఏంటీ తాలిబన్ ఫైవ్
తాలిబన్ ప్రభుత్వంలోని ఇంటిలిజెన్స్‌ డైరక్టర్‌ అబ్దుల్‌ హక్‌ వాసిక్, బోర్డర్‌ అండ్‌ ట్రైబల్‌ అఫైర్స్‌ శాఖ మంత్రి నూరుల్లా నూర్‌, డిప్యూటీ డిఫెన్స్‌ మినిస్టర్‌ మహమ్మద్‌ ఫాజీ, సాంస్కృతిక సమాచార మంత్రి ఖైరుల్లా ఖైరాహ్‌తో పాటు తూర్పు కొహెస్త్‌ ప్రావిన్స్‌ గవర్నర్‌గా నియమితులైన మహమ్మద్‌ నబీ ఒమర్‌ను కలిపి తాలిబన్ ఫైవ్‌గా పిలుస్తారు. వాసిక్, ఫాజీ, ఖైరాహ్‌ గత తాలిబన్ ప్రభుత్వంలో(1996-2001) కూడా పనిచేశారు
.తాలిబన్ల తొలిపాలనలో డిప్యూటి ఇంటెలిజెన్స్‌ చీఫ్‌గా పనిచేసిన వాసిక్… అప్పట్లో తన ఆఫీస్‌ను ఉగ్రసంస్థ అల్‌ఖైదాకు సహకరించేందుకు వినియోగించాడు. దీంతోపాటు తాలిబన్లను ప్రత్యర్థుల నుంచి తప్పించేందుకు, ఇతర ఇస్లామిక్‌ ఉగ్రవాద గ్రూపులను సమన్వయం చేసుకోవడానికి పనిచేశాడు. దీంతోపాటు అమెరికా-నాటో దాడులు మొదలుపెట్టిన తొలినాళ్లలో వాటిపై దాడులు చేయించాడు.
ఇక మహమ్మద్‌ ఫాజి… అల్‌ఖైదా, ఇతర ఉగ్రవాదుల దాడుల్లో భాగస్వామి అయ్యాడు.
ఉత్తర అఫ్ఘానిస్తాన్ లో గవర్నర్‌ గా పనిచేసిన నూర్‌ మజారే.. ఈ షరీఫ్‌ పట్టణంలోని హజారా, తజక్‌, ఉజ్బెక్‌ జాతుల వారిని విచక్షణారహితంగా హత్యలు చేయించాడు. దీనికి ఫాజి సహకరించాడు.
తాలిబన్ వ్యవస్థాపక సభ్యుల్లో ఖైరుల్లా ఖైరాహ్‌ ఒకరు.1999-2001 వరకు పశ్చిమ హెరాత్‌ ప్రావిన్స్‌కు గవర్నర్‌గా వ్యవహరించారు. నల్లమందు ఈయన కనుసన్నల్లోనే సాగు చేశారు. భారీగా నల్లమందు వ్యాపారం చేసేవాడు. 2001లో అమెరికా దళాలు అఫ్ఘానిస్తాన్ లో ప్రవేశించిన తర్వాత ఇరాన్‌ తో కలిసి ఖైరుల్లా పనిచేశాడు.
తాలిబన్ల తొలిపాలనలో డిప్యూటి ఇంటెలిజెన్స్‌ చీఫ్‌గా వాసిక్ పనిచేశారు. అప్పట్లో తన ఆఫీస్‌ను అల్‌ఖైదాకు సహకరించేందుకు వినియోగించారు. దీంతోపాటు తాలిబన్లను ప్రత్యర్థుల నుంచి తప్పించేందుకు, ఇతర ఇస్లామిక్‌ ఉగ్రవాద గ్రూపులను సమన్వయం చేసుకోవడానికి పనిచేశాడు. దీంతోపాటు అమెరికా-నాటో దాడులు మొదలుపెట్టిన తొలినాళ్లలో వాటిపై దాడులు చేయించాడు.ఇక ఫాజి అల్‌ఖైదా, ఇతర ఉగ్రవాదుల దాడుల్లో భాగస్వామి అయ్యాడు.
అమెరికా సైనికుడి కిడ్నాప్‌తో గ్వాంటనామోబే జైలు నుంచి తాలిబన్ ఫైవ్ విడుదల
2009 జూన్‌ లో అఫ్ఘానిస్తాన్ లోని పక్తిక ప్రావిన్స్‌లో అమెరికా సైనికుడు సార్జెంట్‌ బొవె బెర్గ్‌డాల్‌ అదృశ్యమయ్యాడు. అతను అక్కడ విధుల్లో చేరి అప్పటికి 5 నెలలే అయింది. గతంలో శిక్షణలో ఉన్నప్పుడు కూడా అకస్మాత్తుగా సైనిక క్యాంపును వదిలి వెళ్లిపోవడం, మళ్లీ కొన్నాళ్లకు రావడం అతనికి మాములే. ఈ సారి అఫ్ఘానిస్తాన్ లో అలానే చేసి హక్కానీ గ్రూప్‌ కి దొరికాడు. దీంతో అతడిని విడిపించేందుకు అమెరికా తీవ్ర ప్రయత్నాలు చేసింది. మరోవైపు అమెరికాలో ఆ సైనికుడి తల్లిదండ్రులు స్టాండ్‌ విత్‌ బొవి పేరిట ఆందోళనలు మొదలుపెట్టారు. 2012లో అమెరికా అధికారులు కతర్ దేశంలో తాలిబన్ నేతలను రహస్యంగా కలుసుకొన్నారు. ఆ సమయంలో ఖైదీల అప్పగింత ఒప్పందం ముందుకొచ్చింది.
2014లో కతర్ రాజధాని దోహాలో తాలిబన్లు తమ రాజకీయ కార్యాలయం ప్రారంభించారు. ఐదుగురు తాలిబన్ నేతలను విడుదల చేస్తే బెర్గ్‌డాల్‌ను అప్పగించేందుకు అంగీకారం కుదిరింది. అమెరికా నిర్వహణలోని గ్వాంటనామోబే జైలులో అప్పటికే ఖైదీలుగా ఉన్న తాలిబన్ ఫైవ్ నేతల విడుదల విషయంపై అమెరికా కాంగ్రెస్‌(పార్లమెంట్)కి 30 రోజుల ముందు తెలియజేయాలి. కానీ, అప్పటి ఒబామా సర్కారు ఈ నిబంధనను పాటించలేదు.
మే 31.2014న బెర్గ్‌డాల్‌ను తాలిబన్ సభ్యులు వదిలేశారు. ఆ అప్పగింత వీడియో హాలీవుడ్‌ సినిమాను తలపించేలా ఉంది. పాకిస్తాన్ సరిహద్దుల్లోని కొహిస్త్‌ ప్రాంతంలో చిత్రీకరించిన ఈ వీడియోలో గాల్లో యుద్ధవిమానాలు, హెలికాప్టర్లు చక్కర్లు కొట్టడం కనిపిస్తుంది. కొన్ని డజన్ల మంది అమెరికా కమాండోలు 18 మంది తాలిబన్లను కలుసుకొన్నారు. అక్కడే ఆపి ఉన్న పికప్‌ ట్రక్‌ లోని బెర్గ్‌డాల్‌ను తీసుకొని హెలికాప్టర్లలో ఎగిరిపోయారు. మరోవైపు తాలిబన్ ఫైవ్ బ్యాచ్‌ కతర్‌కు చేరుకొంది.
ఇక అమెరికా న్యాయస్థానాలు బెర్గ్‌డాల్‌పై విచారణ జరిపి దోషిగా నిర్ధరించి శిక్షలు విధించాయి. బెర్గ్‌డాల్‌ ఘటన తర్వాత ఒబామాపై తీవ్ర విమర్శలు వెల్లువెత్తాయి. 2016 అమెరికా ఎన్నికల ప్రచార సమయంలో ట్రంప్‌.. బెర్గడాల్‌ను ద్రోహిగా అభివర్ణించారు.
ఇక అప్పుడు కతర్ చేరుకున్న తాలిబన్ ఫైవ్‌లో… నలుగురు ప్రస్తుత అఫ్ఘాన్ తాత్కాలిక ప్రభుత్వంలో కీలక సభ్యులు అయ్యారు. మరో వ్యక్తి ఓ ప్రాంతానికి గవర్నర్‌గా పాలన సాగిస్తున్నాడు.
READ Haqqani Network : ముల్లా బరాదర్-హక్కానీ నెట్ వర్క్ మధ్య విభేదాలు..తాలిబన్లలో పాక్ ఆత్మ
