ATMల వద్ద ప్రజలపై దాడి చేసిన కోడి.. పోలీసుల గాలింపు చర్యలు
- Published By: Subhan ,Published On : May 13, 2020 / 10:43 AM IST
సోషల్ డిస్టెన్స్ పాటిస్తూ ఏటీఎం వద్ద లైన్లో నిలబడి డబ్బుల కోసం ఎదురుచూస్తున్న బ్యాంకు కస్టమర్లపై కోడి విరుచుకుపడింది. అక్కడున్న వారిని చెదరగొట్టడమే కాకుండా అక్కడున్న కార్లలో దూరేందుకు ప్రయత్నించింది. ఎర్ర రంగులో 18 అంగుళాల పొడవుతో, 6 నుంచి 8 పౌండ్ల బరువు ఉన్నట్లు వాకర్ పోలీసులు తెలిపారు.
అమెరికాలోని లూసియానాలో జరిగిన ఈ ఘటనతో పోలీసులు అలర్ట్ అయి దాని ఆచూకీ తెలిసిన వారు వెంటనే సమాచారం ఇవ్వాలని సూచించారు. శుక్రవారం సాయంత్రం చేసిన దాడితో ప్రజలు ఆ ఏటీఎం పరిసర ప్రాంతాలకు వెళ్లడానికి భయపడుతున్నారు.
ఓ రాత్రి సమయంలో కోడి కనిపించిందని సమాచారం ఇచ్చిన క్షణాల్లోనే పోలీసులు అక్కడికి వచ్చారు. అప్పటికే ఆ అగ్రెసివ్ కోడిని అదుపు చేయలేకపోవడంతో అది తుర్రుమంది. దాన్ని పట్టుకోవడంలో విసుగుచెందిన పోలీసులు ఫేస్ బుక్ లో పోస్టు పెట్టి కోడి జాడ తెలియడం లేదు. ఆచూకీ తెలిసిన వారు తెలియజేయగలరు అంటూ పోస్టు పెట్టారు.
Read Here>> కలర్ ఫుల్ మాస్క్‌లతో రెడీ అవుతోన్న ట్రికినీలు
