chukka kura : రక్తహీనతను తొలగించటంతోపాటు , గుండె ఆరోగ్యానికి మేలు చేసే చుక్క కూర!
చుక్కకూర మార్కెట్ లో విరివిరిగా లభిస్తుంది. దీనిని వివిధ రూపాల్లో వండుకుని తీసుకుంటారు. జీర్ణక్రియకు సహాయపడటానికి చుక్క ఆకుల్లో విటమిన్ సి, కాల్షియం, మెగ్నీషియం, పొటాషియం ఎక్కువగా ఉంటాయి.
- Published By: Guntupalli Ramakrishna , Updated On : September 18, 2022 / 5:56 AM IST
chukka kura health benifits
chukka kura : చుక్క కూర ఉప-ఉష్ణమండల శీతోష్ణస్థితిలో ఏడాది పొడవునా అందుబాటులో ఉంటుంది. చాలా మంది తమ ఆహారంలో ఈ ఆకును తీసుకుంటుంటారు. వీటిని తీసుకోవటం వల్ల శరీరానికి కావాల్సిన పోషకాలు లభిస్తాయి. చుక్క కూరలో క్యాలరీలు, కొవ్వు పదార్థాలు తక్కువగా ఉంటాయి. గుండె సంబంధిత సమస్యలతో బాధపడే వారు చుక్కకూరను తినడం వల్ల మంచి ఫలితం ఉంటుంది. కంటిచూపు మెరుగుపడుతుంది. రేచీకటి సమస్యతో బాధపడే వారు చుక్కకూరను తినడం వల్ల క్రమంగా సమస్య తగ్గు ముఖం పడే అవకాశాలు కూడా ఉంటాయని నిపుణులు చెబుతున్నారు. చుక్క కూరలో అధిక మోతాదులో ఉండే పీచు పదార్థాలు తిన్న ఆహారం త్వరగా జీర్ణమయ్యేలా చేయడంతోపాటుగా, మలబద్దకం సమస్య ను తగ్గించటంలో సహాయపడుతుంది.
చుక్కకూర మార్కెట్ లో విరివిరిగా లభిస్తుంది. దీనిని వివిధ రూపాల్లో వండుకుని తీసుకుంటారు. జీర్ణక్రియకు సహాయపడటానికి చుక్క ఆకుల్లో విటమిన్ సి, కాల్షియం, మెగ్నీషియం, పొటాషియం ఎక్కువగా ఉంటాయి. వాటిలో బీటా కెరోటిన్ మరియు లుటిన్ కూడా ఉంటాయి. దీనిలో అధికంగా ఉండే ఐరన్ రక్తహీనత సమస్యను నయం చేయడంలో ఉపయోగపడుతుంది. చుక్కకూరను ఆహారంలో భాగంగా తీసుకోవడం వల్ల కామెర్ల వ్యాధిని నయం చేసే గుణం కూడా చుక్కకూర ఆకులకు ఉంటుంది. చుక్క కరివేపాకు రసం తీసుకుని అందులో కొద్దిగా పాలు లేదా పెరుగు కలిపి మూడు రోజుల పాటు తీసుకుంటే పచ్చకామెర్లు తగ్గుతాయి.
నొప్పులు, వాపులు తగ్గించే గుణం దీనిలో ఉంది. తమలపాకుల రసంలో చిటికెడు సోడా ఉప్పు కలిపి తీసుకుంటే కడుపు నొప్పి, కీళ్ల నొప్పులు తగ్గుతాయి. ఈ ఆకుల రసాన్ని పుండ్లు, గాయాలపై రాస్తే త్వరగా మానుతుంది. ఇది తేలు విషానికి విరుగుడుగా పనిచేస్తుంది. శరీరంలో రోగ నిరోధక శక్తి పెరుగుతుంది. జుట్టు రాలడం సమస్యతో బాధపడే వారు చుక్కకూరను ఆహారంలో భాగంగా తీసుకోవడం వల్ల జుట్టు రాలడం సమస్య తగ్గి జుట్టు ఒత్తుగా పెరుగుతుంది. అంతేకాకుండా చుక్కకూరను తినడం వల్ల చర్మ ఆరోగ్యం మెరుగుపడుతుంది. ఎముకలు
దృఢంగా ఉంటాయి. శరీరంలోని అదనపు చెడు నీటిని తొలగిస్తుంది. వాంతులు మరియు విరేచనాలను నివారిస్తుంది.
